مكن تعبئة السكر ماركة المهندس منسي
مكن تعبئة السكر ماركة المهندس منسي
العميل: سلام عليكم
المهندس منسي: عليكم السلام ورحمة الله وبركاته
العميل: كيف حالك يا باش مهندس
المهندس منسي: أهلاً بيك
العميل: هوه شركة المنسي المكن بتاعها بتاع تعبئة السكر
المهندس منسي: آه
العميل: هوه حضرتكم ليكم فرع في بلبيس في الشرقية
المهندس منسي: لا
العميل: أمال فين حته
المهندس منسي: إحنا في القاهرة
العميل: طيب إحنى عايزين مكنة اللي هي تعبئة الأكياس الكيلوهات دي
المهندس منسي: آه…
العميل: طيب نجيلكم إزاي، وأسعاركم إيه
المهندس منسي: إحنا تيجي تنورنا في أي وقت إحنا موجودين
العميل: طيب هي المكنة لها إمكانيات ولا بسعر واحد؟
المهندس منسي: مش فاهم يعني إيه؟
العميل: يعني المكنة بتتركب الرول وبتشتغل على طول ولا…
المهندس منسي: آه بتركبلها الرول وهي بتشتغل على طول، أتوماتيك كاملة
العميل: عامله كام يا بيه؟
المهندس منسي: يعني 0 جنيه مصري
العميل: آه… ومفيش أقل من كده… وبتجيب كام طن في الساعة؟
المهندس منسي: دي بقى حسب الخامة بتاعتك اللي إنت هتركبها عليها، يعني ممكن تعمل 2.5 طن، وممكن تعمل 3 طن، وممكن تعمل 4 طن براحتك، الخامة نفسها اللي إنت هتركبها عليها هي اللي هتحددلك السرعة الإنتاجية
العميل: آه… طيب وهي مصري ولا نوعها إيه؟
المهندس منسي: دي ماركة ماركة براند
العميل: آه…
المهندس منسي: ماركة المهندس منسي يعني كنا بنصنع الأول هنا، وبعد كده الناس هنا لقيناهم مش عايزين يشتغلوا، فاضطرينا نعمل إيه؟؟ نصنع قطع الغيار بره مصر ونجمعها
العميل: آه… وضمان كام سنة يا بيه؟
المهندس منسي: ضمان لمدة سنة ضد عيوب الصناعة، و5 سنين توفير قطع الغيار لحساب العميل
العميل: آه… خلاص ماشي يا أستاذ، إحنا إن شاء الله في أقرب وقت إحنا إن شاء الله بنجري على السجل التجاري ونقطع من المصنع ونيجي
العميل: طيب انا لو جيت دفعنا الفلوس توصل بعد كام يوم؟
المهندس منسي: هتخودها في إيدك وإنت ماشي
العميل: يعني لو دفعنا الفلوس هأخودها في إيدي وإنت ماشي والمهندس يجي يركبها
المهندس منسي: آه… بس هوه العدد اللي عندنا دلوقتي محدود، يعني إلحق، لأنه الدولار عمال يطلع وإنت بقى لسه هتقعد السجل اللي مش عارف أقعد بقى براحتك…
العميل: لا…
المهندس منسي: الدولار عمال يزيد والأسعار هتزيد وإنت حر، أنا عارف الناس الشراقوة ناس طيبة
العميل: الله يصلح حالك، الله يصلح حالك..
المهندس منسي: إنت حر، إنما إنت ما تعرفش المهندس منسي؟
العميل: أنا جايب الرقم الواتس ده من على اللي هوه ده وكلمت حضرتك
المهندس منسي: يا عم لأ اسأل على شركة المهندس منسي دي شركة كبيرة يعني، مش شركة صغيرة
العميل: خلاص ماشي يا أستاذ، ماشي يا بيه
المهندس منسي: ماشي يا بيه
العميل: وحضرتك إنت اللي هترد على الواتس ولا المهندس منسي
المهندس منسي: لا أنا هبعتلك… أنا المهندس منسي معاك، أنا هبعتلك دلوقتي تليفون المبيعات
العميل: خلاص الله يصلح حالك يا هندسة
المهندس منسي: هبعتهولك في رسلة عشان تتابع معاهم
العميل: الله يصلح حالك يا هندسة، الله يبارلك يا بيه
المهندس منسي: ماشي يا غالي
العميل: ماشي يا بيه في سلامة الله