مكن تعبئة الرز والسكر من شركة المهندس منسي

مكن تعبئة الرز والسكر من شركة المهندس منسي

العميل: سلام عليكم

المهندس منسي: عليكم السلام ورحمة الله وبركاته

العميل: شركة تو باك للتعبئة والتغليف

المهندس منسي: أيوه

العميل: لو سمحت حضرتك كنا عايزين نبدأ مشروع كده صغير، مكن تعبئة الرز والبقوليات والحاجات دي، رز وسكر والحاجات دي

المهندس منسي: آه

العميل: في مكنة تنفع الحاجات دي كلها مع بعض ولا كل حاجة لوحديها

المهندس منسي: آه إن شاء الله

العميل: تمام.. طيب كنت عايز أسأل القدرة الإنتاجية بتاعتها أد إيه؟ يعني في الدقيقة مثلاً بتطلع كام كيس لو وزن العبوة 1 كيلو؟

المهندس منسي: في نص أتوماتيك وفي أتوماتيك كامل

العميل: تمام.. طب معلش إيه الفرق بين دي ودي؟

المهندس منسي: النص أتوماتيك إنت بتحطلها الكيس، وبعد ما بتحطلها الكيس بتاخده وتحطه على مكنة اللحام

العميل: آه… تمام..

المهندس منسي: أما الأتوماتيك إنت ما بتحطلهاش حاجة، إنت كل اللي عليك بتحطلها الخامات إذا كانت بقوليات، سكر، رز، مكرونة، كل الحاجات اللي إنت عايز تحطها، وهي تاخدها وتعبيها وتنزلهالك في كيس أتوماتيك لوحدها

العميل: تمام.. وفرق من دي لدي كام؟

المهندس منسي: دي بـ يعني ، ودي بـ 6، يعني 0 جنيه

العميل: تمام…

المهندس منسي: ده على حسب سعر الدولار النهاردة، إحنا مش عارفين بكره في إيه، هوه عمال بسم الله ما شاء الله طالع

العميل:…. شفت سعر الدولار في البنك ولا….

المهندس منسي: هات دولار وتعالى خد بيه، أما لو عايز تيجب مصري مافيش مشكلة

العميل: أيوه فهمتك، طب المصنع بتاعكم فين لو حبينا نزوره ونشوف المكن وكده

المهندس منسي: إحنا عندنا حدائق القبة، مدينة نصر، باب الشعرية

العميل: ماشي حدائق القبة فين مثلاً.. طب هقول لحضرتك حاجة، هوه إحنا ممكن بكره أو بعد بكره مثلاً نتصل بحضرتك بالتليفون ونروح نزور مثلاً.. في معرض ليكم ولا نروح..

المهندس منسي: آه في معارض آه

العميل: طب فين معلش المعرض

المهندس منسي: عندنا حدائق القبة، مدينة نصر، باب الشعرية

العميل: فين في حدائق القبة؟

المهندس منسي: هبعتهولك في رسالة حالاً دلوقتي

العميل: ماشي خلاص يبقى كتر خيرك، خلاص ماشي شكراً مع السلامة