مكن تعبئة السكر والفول السوداني الاتوماتيك والنص اتوماتيك من شركة المهندس منسي
مكن تعبئة السكر والفول السوداني الاتوماتيك والنص اتوماتيك من شركة المهندس منسي
العميل : السلام عليكم
المهندس منسي : عليكم السلام ورحمة الله وبركاته
العميل : لو سمحت شركة إم تو باك
المهندس منسي : أيوه
العميل : كنت بسأل على مكنة تعبئة مواد غذائية اللي هوه الفول السوداني والسكر والعدس والحاجات ديت، كنت عايز آخد فكرة الأسعار بتبدي من إيه؟ وإيه المكن المتاح عند حضرتك؟
المهندس منسي : في عندنا نص أتوماتيك وفي عندنا أتوماتيك كامل؟
العميل : طب النص أتوماتيك دي بتعمل مراحل إيه؟ والأتوماتيك بتعمل إيه؟
المهندس منسي : ما ينفعش تيجي تتفرج عليها على الطبيعة؟ بص يا باشا خليك معايا دقيقة واحدة بس عشان الشبكة
العميل : أيوه يا باشا
المهندس منسي : بقولك ما ينفعش تتعب نفسك شويه وتيجي تتفرج عليهم على الطبيعة؟ الحاجة تبقى قدامك أحسن مليون مرة ما تسمع عنها
العميل : أنا ما اتشرفتش باسم حضرتك؟
المهندس منسي : المهندس منسي معاك
العميل : مع حضرتك يا باشا أحد زمزم من شبين الكوم
المهندس منسي : أهلاً وسهلاً
العميل : بص يا أ/ منسي إحنا بنفكر نعمل المشروع، وخلاص خدنا قرار إن إحنا ننفذ إن شاء الله، بس إحنا بنعمل بس دراسة أولية كده للمشروع، عشان إيه لما آجي أقعد مع حضرتك يبقى أنا جاي أنفذ، مش جاي أشوف وأفاضل
المهندس منسي : الناس اللي بتتصل بتسأل على الطاقة الإنتاجية، وبتسأل على
العميل : ما هو ده اللي أنا بسأل عليه…
المهندس منسي : الناس كلها بدون استثناء
العميل : طيب أنا معلش أنا هتعبك في التليفون شويه، النص أتوماتيك ديت اللي بتعمل مراحل إيه؟
المهندس منسي : ديت مكنة نص أتوماتيك يعني إيه؟؟؟ يعني مش كاملة، يعني معناها إن إحنا نحط الكيس بإيدنا، يعني نحطلها الكيس وهي تعبيه
العميل : يعني هي بتوزن بس الميزان اللي أنا طالبه بس ما تلحمش، صح كده؟
المهندس منسي : آه… يبقى جنبيها سير للحام
العميل : يعني دي مش أتوماتيك، ولا كده بتشتغل أتوماتيك؟
المهندس منسي : لأ أنا بشرحلك النص أتوماتيك، الأتوماتيك وضعها إيه؟؟ هي بتفصل الكيس وما وقت ما تفصل الكيس تبدأ تعملك كل حاجة لوحدها أتوماتيك
العميل : يعني النص أتوماتيك ملحوق بيها أصلاً سير لحام، لكن أنا وظيفتي إن أنا بمسك الكيس ينزل الكيلوهات اللي أنا محددها لها أدخلها على السير يلحم، صح كده؟
المهندس منسي : مضبوط آه
العميل : طيب ديت بتعبي كام كيس في الساعة؟
المهندس منسي : النص أتوماتيك ولا الأتوماتيك؟
العميل : النص أتوماتيك
المهندس منسي : تعبي في حدود كده يعني
العميل : طب دي سعرها بيبدأ من كام؟
المهندس منسي : في حدود
العميل : يعني كام مصري 20000
المهندس منسي :
العميل : آه.. تمام، والأتوماتيك الكاملة؟
المهندس منسي : في منها على ربع كيلو ممكن تعلى لغاية نص كيلو، وفي منها على الكيلو، يعني في منها ، ومتقليش بكام مصري اضرب × 18 هيطلعلك
العميل : حاضر.. حاضر… آسف لو ضايقتك مش قصدي والله
المهندس منسي : لا خد راحتك
العميل : طيب ماشي يا باش مهندس، معلش تعبت حضرتك وإن شاء الله انتظر مني زيارة قريب
المهندس منسي : تنورنا في أي وقت
العميل : شكراً لذوقك يا باشا، مع السلامة