مكنة تعبئة الرز من شركة المهندس منسي
مكنة تعبئة الرز من شركة المهندس منسي
العميل : السلام عليكم
المهندس منسي : عليكم السلام ورحمة الله وبركاته
العميل : لو سمحت عايز أسأل على مكنة تعبئة الرز
المهندس منسي : آه
العميل : عند حضرتك جديدة ولا استعمال خارج؟
المهندس منسي : لأ إحنا كل شغلنا جديد
العميل : اللي هي من 500 جرام ـ لغاية 5 كيلو تعمل كام حضرتك؟
المهندس منسي : هوه إنت عايز.. يعني إنت هتعبي الـ 5 كيلو في الأساس ولا هتعبي الكيلو؟
العميل : هعبي كيلو
المهندس منسي : يبقى يستحسن تاخد الكيلو وتجيب مكنة تانية للـ 5 كيلو
العميل : هوه كل المكن بعبي.. يعني مكنة واحدة تعبي جميع الأنواع صح؟
المهندس منسي : ما هو المكنة الـ 5 كيلو بترزع وبتهبد عشان 5 كيلو، زي ما تقول عربية نقل وتستخدمها في المواصلات العامة
العميل : آه…
المهندس منسي : يستحسن لو إنت هتعبي كيلو.. يعني الكمية الأكبر عندك في التعبئة كيلو، يبقى جيب مكنة كيلو وتعبي من الكيلو
العميل : آه… الكيلو دي تعبي نص طيب؟
المهندس منسي : آه تعبي نص، وتعبي 100 جرام، وتعبي ربع كيلو…
العميل : آه 100% كويس قوي، دي صناعة إيه حضرتك؟
المهندس منسي : دي ماركة، براند
العميل : آه صناعة إيه طيب؟
المهندس منسي : مش عملية صناعة إيه؟ إحنا دي ماركة اسمها ماركة المهندس منسي…
العميل : ما هو إنتم بعتولي ماسيج إمبارح على الموبايل عشان كده كلمتكم
المهندس منسي : آه… يعني مثلاً إحنا لما تيجي تقول العربية الشيفروليه هل هي مثلاً بلدها أمريكا ولا بريطانيا….
العميل : لا يا باشا إنت لو قلتلي إحنا عاملنها في مصر ده أنا أفرح على فكرة، مش هزعل
المهندس منسي : لأ.. لأ.. مش عملية مصر ولا بتاع، ده هوه الديزاينر والمصمم مصري دارس في ألمانيا وصنعنا قطع الغيار دي بره، في تايوان، وفي هونج كونج، وفي الصين، وفي مواتير إيطالي، وحاجات من دي وجمعناها كلها
العميل : طب دي تمنها كام حضرتك؟
المهندس منسي : في منها نص أتوماتيك وفي منها أتوماتيك كامل
العميل : آه الفرق بينهم إيه بعد إذنك معلش هتعب حضرتك
المهندس منسي : لا ولا يهمك النص أتوماتيك بتحطلها الكيس بإيدك، أما الأتوماتيك هي بتفصل الكيس وتقفله وتعبيه وتعمل كل حاجة
العميل : آه… طب دي بكام ودي بكام؟
المهندس منسي : دي بـ ودي بـ
العميل : إنت بتبيع بالدولار مش بالمصري، طب واللي معهوش دولار
المهندس منسي : لأ عادي إحنا بنسمي بس بالدولار بس بناخد بالجنيه المصري عادي
العميل : آه يعني الدولار قول 20 يعني حوالي
المهندس منسي : لأ 108
العميل : آه.. دي الأتوماتيك، والتانية بحوالي 18
المهندس منسي : آه
العميل : طيب لو حبيت آجي أشوفها حضرتك؟
المهندس منسي : آه تيجي تشرفنا في أي وقت
العميل : طيب أكلم حضرتك أنا بنزل باب الشعرية، أنا جالي ماسيج في العنوان باب الشعرية صح؟
المهندس منسي : آه تابع بقى مع التليفونات اللي جتلك في الرسالة
العميل : مع تليفونات المبيعات
المهندس منسي : آه
العميل : ماشي، طب دي ضمانها أد إيه حضرتك؟ والصيانة بتاعتها إيه؟
المهندس منسي : ضمانها لمدة سنة ضد عيوب الصناعة، و10 سنين توفير قطع الغيار لحساب العميل
العميل : آه.. لكن في الأول سنة
المهندس منسي : لأ ما هو سنة إيه؟؟ سنة ضد عيوب الصناعة، لو في عيب صناعة، الحمد لله إحنا ما بنطلعش المكن بتاعنا… إحنا بنقولك كده بس بنطمنك، إنما إحنا بنطلع المكن بتاعنا بعد ما نعمل تيست وورك يعني تجربة تشغيل مرة و 2 و 3 و 4
العميل : آه..
المهندس منسي : إحنا بنحافظ على اسمنا، لينا اسمنا المحترم مش على مستوى مصر، على مستوى دول العالم
العميل : ما شاء الله عليك، ربنا يكرمكم، طب ده سعر نهائي ولا في كلام في الأسعار
المهندس منسي : لا ده إحنا شركة عالمية، ده أسعارنا نهائية
العميل : عالمية، بالدولار؟
المهندس منسي : لأ إحنا بنسمي بس بالدولار، بناخد بالجنيه عادي، يعني إنت لو ادتني بالجنيه ما أقدرش أقولك حاجة، لأ ولا حد يقدر في جمهورية مصر العربية إن هوه ياخد منك بالدولار، دي حاجة اسمها عملة إلزامية التعامل
العميل : لكن النص آلي الفرق إن أنا بحطلها الكيس بس
المهندس منسي : آه
العميل : وهي بتلحم صح؟
المهندس منسي : آه… لأ بتاخد بقى جنبها سير لحام تعمل إيه؟؟ تحط الكيس يقوم يتعبى، بعد ما يتعبى ترميه على السير دوت، السير دوت يروح لاحمه ويوديه الناحية التانية
العميل : آه.. كده هي بتعبي بس؟
المهندس منسي : آه هي تعبية بس
العميل : وواحد يقفلها بالكيس، وبعد كده يلحم هوه
المهندس منسي : آه عشان نص أتوماتيك إنما لو أتوماتيك بتعبي وتلحم وتقطع وتفصل… وتعمل كل حاجة
العميل : آه.. آه.. ماشي، شكراً جداً يا باشا
المهندس منسي : مع السلامة
العميل : الله يسلمك
العميل : السلام عليكم
المهندس منسي : عليكم السلام ورحمة الله وبركاته
العميل : لو سمحت عايز أسأل على مكنة تعبئة الرز
المهندس منسي : آه
العميل : عند حضرتك جديدة ولا استعمال خارج؟
المهندس منسي : لأ إحنا كل شغلنا جديد
العميل : اللي هي من 500 جرام ـ لغاية 5 كيلو تعمل كام حضرتك؟
المهندس منسي : هوه إنت عايز.. يعني إنت هتعبي الـ 5 كيلو في الأساس ولا هتعبي الكيلو؟
العميل : هعبي كيلو
المهندس منسي : يبقى يستحسن تاخد الكيلو وتجيب مكنة تانية للـ 5 كيلو
العميل : هوه كل المكن بعبي.. يعني مكنة واحدة تعبي جميع الأنواع صح؟
المهندس منسي : ما هو المكنة الـ 5 كيلو بترزع وبتهبد عشان 5 كيلو، زي ما تقول عربية نقل وتستخدمها في المواصلات العامة
العميل : آه…
المهندس منسي : يستحسن لو إنت هتعبي كيلو.. يعني الكمية الأكبر عندك في التعبئة كيلو، يبقى جيب مكنة كيلو وتعبي من الكيلو
العميل : آه… الكيلو دي تعبي نص طيب؟
المهندس منسي : آه تعبي نص، وتعبي 100 جرام، وتعبي ربع كيلو…
العميل : آه 100% كويس قوي، دي صناعة إيه حضرتك؟
المهندس منسي : دي ماركة، براند
العميل : آه صناعة إيه طيب؟
المهندس منسي : مش عملية صناعة إيه؟ إحنا دي ماركة اسمها ماركة المهندس منسي…
العميل : ما هو إنتم بعتولي ماسيج إمبارح على الموبايل عشان كده كلمتكم
المهندس منسي : آه… يعني مثلاً إحنا لما تيجي تقول العربية الشيفروليه هل هي مثلاً بلدها أمريكا ولا بريطانيا….
العميل : لا يا باشا إنت لو قلتلي إحنا عاملنها في مصر ده أنا أفرح على فكرة، مش هزعل
المهندس منسي : لأ.. لأ.. مش عملية مصر ولا بتاع، ده هوه الديزاينر والمصمم مصري دارس في ألمانيا وصنعنا قطع الغيار دي بره، في تايوان، وفي هونج كونج، وفي الصين، وفي مواتير إيطالي، وحاجات من دي وجمعناها كلها
العميل : طب دي تمنها كام حضرتك؟
المهندس منسي : في منها نص أتوماتيك وفي منها أتوماتيك كامل
العميل : آه الفرق بينهم إيه بعد إذنك معلش هتعب حضرتك
المهندس منسي : لا ولا يهمك النص أتوماتيك بتحطلها الكيس بإيدك، أما الأتوماتيك هي بتفصل الكيس وتقفله وتعبيه وتعمل كل حاجة
العميل : آه… طب دي بكام ودي بكام؟
المهندس منسي : دي بـ ودي بـ
العميل : إنت بتبيع بالدولار مش بالمصري، طب واللي معهوش دولار
المهندس منسي : لأ عادي إحنا بنسمي بس بالدولار بس بناخد بالجنيه المصري عادي
العميل : آه يعني الدولار قول 20 يعني حوالي
المهندس منسي : لأ 108
العميل : آه.. دي الأتوماتيك، والتانية بحوالي 18
المهندس منسي : آه
العميل : طيب لو حبيت آجي أشوفها حضرتك؟
المهندس منسي : آه تيجي تشرفنا في أي وقت
العميل : طيب أكلم حضرتك أنا بنزل باب الشعرية، أنا جالي ماسيج في العنوان باب الشعرية صح؟
المهندس منسي : آه تابع بقى مع التليفونات اللي جتلك في الرسالة
العميل : مع تليفونات المبيعات
المهندس منسي : آه
العميل : ماشي، طب دي ضمانها أد إيه حضرتك؟ والصيانة بتاعتها إيه؟
المهندس منسي : ضمانها لمدة سنة ضد عيوب الصناعة، و10 سنين توفير قطع الغيار لحساب العميل
العميل : آه.. لكن في الأول سنة
المهندس منسي : لأ ما هو سنة إيه؟؟ سنة ضد عيوب الصناعة، لو في عيب صناعة، الحمد لله إحنا ما بنطلعش المكن بتاعنا… إحنا بنقولك كده بس بنطمنك، إنما إحنا بنطلع المكن بتاعنا بعد ما نعمل تيست وورك يعني تجربة تشغيل مرة و 2 و 3 و 4
العميل : آه..
المهندس منسي : إحنا بنحافظ على اسمنا، لينا اسمنا المحترم مش على مستوى مصر، على مستوى دول العالم
العميل : ما شاء الله عليك، ربنا يكرمكم، طب ده سعر نهائي ولا في كلام في الأسعار
المهندس منسي : لا ده إحنا شركة عالمية، ده أسعارنا نهائية
العميل : عالمية، بالدولار؟
المهندس منسي : لأ إحنا بنسمي بس بالدولار، بناخد بالجنيه عادي، يعني إنت لو ادتني بالجنيه ما أقدرش أقولك حاجة، لأ ولا حد يقدر في جمهورية مصر العربية إن هوه ياخد منك بالدولار، دي حاجة اسمها عملة إلزامية التعامل
العميل : لكن النص آلي الفرق إن أنا بحطلها الكيس بس
المهندس منسي : آه
العميل : وهي بتلحم صح؟
المهندس منسي : آه… لأ بتاخد بقى جنبها سير لحام تعمل إيه؟؟ تحط الكيس يقوم يتعبى، بعد ما يتعبى ترميه على السير دوت، السير دوت يروح لاحمه ويوديه الناحية التانية
العميل : آه.. كده هي بتعبي بس؟
المهندس منسي : آه هي تعبية بس
العميل : وواحد يقفلها بالكيس، وبعد كده يلحم هوه
المهندس منسي : آه عشان نص أتوماتيك إنما لو أتوماتيك بتعبي وتلحم وتقطع وتفصل… وتعمل كل حاجة
العميل : آه.. آه.. ماشي، شكراً جداً يا باشا
المهندس منسي : مع السلامة
العميل : الله يسلمك