مكنة تعبئة الحبوب والبقوليات والرز والسكر من شركة المهندس منسي
مكنة تعبئة الحبوب والبقوليات والرز والسكر من شركة المهندس منسي
العميل :سلام عليكم
المهندس منسي :عليكم السلام ورحمة الله وبركاته
العميل :كنت عايز أسأل حضرتك بس الماكينة أتوماتيك كامل ولا نص أتوماتيك، وليها صوت ولا ملهاش؟
المهندس منسي :أتوماتيك كاملة آه، والصوت بتاعها ضعيف شويه أي مكنة في العالم طالما هي مكنة يبقى ليها صوت
العميل :آه.. أكيد.. بس تختلف درجة الصوت
المهندس منسي :آه.. إحنا بنحاول بقدر الإمكان نراعي.. لأن إحنا اللي بنصنع، فبنراعي دايماً مشاكل العملاء، أغلب العملاء دلوقتي، العملاء حديثي العهد دلوقتي بدأوا يقلك أنا بعملها في منطقة سكنية، فإحنا بنحاول بقدر الإمكان نقلل من الحركات الميكانيكية اللي هي بتعمل أصوات
العميل :تمام حضرتك… كلها كهربا ولا بتحتاج هوا كمبروسر؟
المهندس منسي :لا ما بتحتاجش هوا، لا ما هو لو احتاجنا هوا يبقى كده… إنت بتتكلم كده على مكنة تعبئة الحبوب والبقوليات والرز والسكر…
العميل :تمام…
المهندس منسي : عموماً دلوقتي إحنا شغالين… دائماً وأبداً هتلاقي عندنا ابتكارات وحاجات حديثة
العميل :ما شاء الله
المهندس منسي :من صنع مشاكل بلدنا، يعني مثلاً دلوقتي إحنا كان عندنا كمبروسر، الكمبروسر ده صوته عالي جداً، فإحنا ابتكرنا كمبروسر صوته واطي، ولسه بنشغل فيه وبنعمل تجارب عليه بحيث إن إحنا نقلل من درجة النوزي لغاية ما توصل لدرجة الخامة بتاعت العميل
العميل :ربنا يبارك فيك.. ربنا يبارك فيك يا باش مهندس
المهندس منسي :الله يبارك لك
العميل :إحنا عندنا مكنة من القديمة اللي هي كان داخلها ميزان، واللحام بتاعه ممكن تتطور عند حضرتك اللي هي بكمبروسر؟
المهندس منسي :ممكن نبص عليها لو تقدر تصورهالي أو تبعتلي فيديو ليها وهي شغاله
العميل :حاضر أبعت صور لحضرتك، نتواصل كده
المهندس منسي :ماشي
العميل :لإن إحنا ركناها وهي مش شغاله دلوقتي
المهندس منسي :إن شاء الله
العميل :على الإيميل موجود على الصفحة بتاعت حضرتك
المهندس منسي :آه على الإيميل أو الواتس آب
العميل :نفس الرقم ده عليه واتس آب
المهندس منسي :إن شاء الله
العميل :طب هبعتها لحضرتك، بالنسبة لقطع الغيار حضرتك قلتلي بتجيبها من بره، منشأها فين؟
المهندس منسي :والله صيني، تايواني، هونج كونج
العميل :تمام حضرتك
المهندس منسي :لينا فرع أوردي في هونج كونج
العميل :تمام يا فندم.. تمام. شكراً جزيلاً لحضرتك
المهندس منسي :مع السلامة
العميل :سلام عليكم اتفضل حضرتك.. اتفضل