مكنة تعبئة الحبوب من شركة المهندس منسي
مكنة تعبئة الحبوب من شركة المهندس منسي
العميل: سلام عليكم
المهندس منسي: سلام ورحمة الله وبركاته
العميل: لو تكرمت أنا كنت عايز أشتري مكنة اللي هي مكنة تعبئة حبوب دي
المهندس منسي: آه
العميل: فلقيتها على النت وإنتم صورتها على النت، بتعبي سكر وبتعبي رز وبتعبي الحبوب دي كلها
المهندس منسي: إن شاء الله
العميل: طب بالنسبة عندكم يعني المكنة بالعرض واحد الجديد سعرها كام؟
المهندس منسي: هوه في مكنة نص أتوماتيك، وفي مكنة أتوماتيك، المكنة النص أتوماتيك بـ …
العميل: ، الدولار ب العالي الموجود دلوقتي ده..
المهندس منسي: آه يعني
العميل: طيب يعني النص أتوماتيك دي بيتحط مثلاً الحبوب في مكان والأزايز في مكان تاني وتشتغل يدوي، والنص آلي دي إزاي
المهندس منسي: بيتحط المنتجات اللي إنت عايز تعبيها إذا كان سكر ولا رز ولا بقوليات ولا حبوب…
العميل: المهم الحبوب كلها يعني أو دقيق وحاجات من دي
المهندس منسي: بتحطها في قادوس، وبعد ما تحط في القادوس هي بيبقى في عين كده، إنت بتحط الكيس قدام العين وهي تروح منزلالك إيه الكمية اللي إنت عايزها، وتروح راميها على مكنة تانية، المكنة التانية دي بتاخد الكيس وتلحمه وتودي الناحية التانية
العميل: آه يعني ده بيترمي عليه وبعدين بيتاخد الناحية التانية؟
المهندس منسي: أيوه
العميل: طب بالنسبة للمعايير، دي بتعبي من وزن كام لغاية وزن كام؟
المهندس منسي: من 100 جرام لغاية كيلو
العميل: ده أقصى قدرة ليها يعني
المهندس منسي: إن شاء الله
العميل: طب المكنة ديت بتعمل مش كده
المهندس منسي: آه..
العميل: المكنة الأتوماتيك بقى بتزيد عنها إيه؟
المهندس منسي: المكنة الأتوماتيك بتبقى كاملة
العميل: بتبقى كاملة من أول ما تحط لغاية الأكياس…
المهندس منسي: هي بتاخد الكيس الأكياس دي رولات..
العميل: آه بتبرشم العبوة مش كده؟
المهندس منسي: هي إيه؟؟
العميل: بتقفل العبوة يعني بتلحمها إذا كانت أكياس
المهندس منسي: آه
العميل: طب ماشي… هوه المقر بتاعكم فين لأنه مش مكتوب على النت
المهندس منسي: إحنا عندنا عدد من الفروع، إحنا عندنا في باب الشعرية و الحدايق
العميل: أنا مثلاً في فرع المعادي أقرب فرع ليا فين مثلاً
المهندس منسي: أقرب فرع ليك باب الشعرية
العميل: باب الشعرية
المهندس منسي: آه… في عندنا كمان مدينة نصر، وغمرة
العميل: طب لو قلنا باب الشعرية، في أنهي حتة في باب الشعرية؟
المهندس منسي: هبعتلك العنوان في رسالة حالاً
العميل: طيب.. ماشي وياريت تبعتلي رسالة على العنوان اللي هوه في باب الشعرية ومدينة نصر، همه دول أقرب مكان ليا
المهندس منسي: إن شاء الله
العميل: طيب.. بالنسبة للأتوماتيك بكام؟
المهندس منسي: بـ 6، يعني 0 جنيه
العميل: بالنسبة للمكنة الأولنيا دي إنتاجها مثلاً بيعتبر بالساعة ولا بإيه؟
المهندس منسي: آه… كله إنتاجه بالساعة
العميل: طب بتنتج كام عبوة في الساعة؟
المهندس منسي: اللي هي الأولنيا ولا التانية؟
العميل: النص أتوماتيك
المهندس منسي: بنتج في حدود طن
العميل: في حدود طن في الساعة؟
المهندس منسي: آه
العميل: بالمناولة بتاعتها، يعني لازم يكون… طب عدد الأفراد اللي بيشتغلوا عليها كام؟
المهندس منسي: واحد
العميل: واحد هوه اللي بيشيل في القادوس، وواحد هوه اللي بيعبي
المهندس منسي: هوه واحد اللي بيعمل كل حاجة
العميل: يعني مثلاً عشان المنتج اللي بيطلع بيترص، المنتج اللي طلع ده عبوات كبيرة مثلاً شماعات أو أي حاجة ولا بينزل مثلاً في مكان معين وبعد كده أنا أستفه ولا إيه بالضبط؟
هوه بينزل على ترابيزة بعد ما بيخلص مثلاً يلاقي الترابيزة اتزحمت، يروح قايم إيه راصص اللي على الترابيزة ويروح تاني يشتغل
المهندس منسي: آه… دي واحد بس اللي شغال اللي هي بـ دي
العميل: آه.. دي بتستلزم تراخيص معينة ولا حاجة؟
المهندس منسي: إحنا عندنا ما بنطلبش ترخيص
العميل: أنا واخد بالي، اللي بياخد المكنة دي بياخدها بترخيص ولا بياخدها بترخيص ولا بياخدها كده؟
المهندس منسي: ما أنا بقولك أنا عن نفسي ما بطلبش منك أي حاجة، أنا بطلب فلوس وبس
العميل: دي إنتاج مصري المكنة دي؟
المهندس منسي: أيوه يعتبر ماركة
يعني مثلاً زي بتاخده نموذج عالمي وتجيبهولي…
المهندس منسي: إحنا نموذج عالمي، إحنا ما قلدناش حد، إحنا اتعلمنا في ألمانيا تعليم عالي في ألمانيا، وأنتجنا، واخد بالك، وإحنا بقينا إحنا الماركة ما قلدناش حد
العميل: معنى كده اللي أفهمه إن الوحدة ده أو الخط ده قطع غياره بكله موجودة
المهندس منسي: طبعاً الناس مش مصدقين إن ده موجود عندنا في مصر، وده صعب عليهم إن همه يصدقوه..
العميل: قطع غياره بتبقى موجودة، صيانته صعبة ولا صعب… ليها مراكز معينة يعني ممكن يقعد…
المهندس منسي: ما هي دي الميزة اللي عندنا، إن إحنا عندنا سهولة التشغيل وسهولة الصيانة..ديت اللي نجحتنا
العميل: طب معلش سؤال تاني، هوه بالنسبة للماتور اللي بيشغلها القدرة بتاعته أد إيه، استهلاك الكهرباء مثلاً
المهندس منسي: القدرة بتاعته واحد حصان
العميل: آه…
المهندس منسي: بتستهلك في الساعة 7.5 من عشرة كيلو
العميل: كيلو إلا ربع مثلاً
المهندس منسي: تلت تربع كيلو
العميل: آه…
المهندس منسي: على الطاقة العادية 220 عادي
العميل: بتشتغل على الكهرباء العادية 220 زي أي حاجة يعني
المهندس منسي: آه… طب أتمنى من سيادتك إنك تبعتلي العناوين في رسالة، العناوين اللي هي أقرب ليا العميل: أنا في المعادي، العميل: طب بتفتحه من الساعة لكام؟
المهندس منسي: من 11-9
العميل: طيب ماشي.. أنا منتظر من حضرتك رسالة وأتمنى أكون عميل لحضرتك
المهندس منسي: إن شاء الله
العميل: إن شاء الله، وتساعدنا بقى في عملية مثلاً نجيب العبوات منين أو أحسن واحد أو الكلام دوت أكيد إنت تعرف الناس دي كلها
المهندس منسي: إحنا اللي بنعملها
العميل: إنتم اللي بتعملوها
المهندس منسي: آه
العميل: طب شيء عظيم، عظيم جداً جداً… طيب معلش أنا آسف أنا صحيتك من النوم أو حاجة؟
المهندس منسي: لا ولا يهمك يا غالي
العميل: أصل أنا قعدت أرن عليك على الأرضي محدش رد عليا، قلت يمكن مشغولين بردك
المهندس منسي: لا هوه حظك أنا لسه نازل من فوق دلوقتي
العميل: طيب عظيم ربنا يديك الصحة، بتحتاج مساحة كبيرة؟
المهندس منسي: لأ.. مبتحتجش مساحة كبيرة ولا حاجة، لا هي مساحتها 75 سم عرض × متر طول.. متر متر وربع كده طول × ارتفاع 1.75 متر متر وربع كده يعني، أراوند كده يعني
تحطها في أي مكان ما تقلقش
العميل: آه…. ملهاش مثلاً قواعد في الأرض تتثبت عليها ولا حاجة؟
المهندس منسي: لا عادي لو عايز تثبتها أثبتهالك
العميل: يعني على حمالات عالية يعني
المهندس منسي: آه لو تثبتها ثبتها مفيهاش مشكلة
العميل: أيوه.. أيوه.. طيب أنا شاكر فضلك وأتمنى أكون عميل ليك بإذن الله وحضرتك تبعتلي الرسالة
المهندس منسي: ماشي
العميل: ماشي.. لا إله إلا الله