مكنة تعبئة الخضار الوزنية في أكياس من شركة المهندس منسي
مكنة تعبئة الخضار الوزنية في أكياس من شركة المهندس منسي
العميل : صباح الخير
مهندس منسي : صباح النور
العميل : إم تو باك
مهندس منسي : أيوه
العميل : لو سمحت أنا عايز أسألكم على ماكينات بتاعت التعبئة، هوه إنتم عاندكم حاجات موجودة هنا ولا إنتم بتستوردوها؟
مهندس منسي : عندنا آه.
العميل : عندكم حاجات.. أنا بدور على المكنة اللي هي بتعبي في أكياس اللي الخضار والحاجات دي، لو الخضار متقطع أو حاجة.. عايزه المكنة اللي بتعبي الأكياس تقريباً نص كيلو، من 250 جم لكيلو كده، ولو عندك إمكانية إن المكنة تعبي كده يبقى تمام … يا ترى عندكم حاجة موجودة اليومين دول.
مهندس منسي : عندنا ناس تشوفلك اللي إنتي عايزاه عشان أنا مافهمتش منك حاجة.
العميل : يعني عندك المكنة اللي بتعبي في أكياس.
مهندس منسي : آه
العميل : أكياس بلاستيك.
مهندس منسي : أيوه.
العميل : اللي هي…
مهندس منسي : في عندنا كده وفي عندنا وزني وفي عندنا حجمي آه.
العميل : بالضبط بالوزن اللي هي بتوزن مثلاً نص كيلو وبتحطه في كيس بلاستيك وتقفله.
مهندس منسي : إن شاء الله.
العميل : عندك حاجة كده.
مهندس منسي : إن شاء الله
العميل : طيب يعني نقدر نشوف الموضوع إزاي يعني ولا… فاتحين النهاردة ولا..
مهندس منسي : فاتحين آه.. فاتحين أنا شغال طول أيام الأسبوع ماعدا الجمعة
العميل : طيب مكتبكم فين؟
مهندس منسي : عندنا حدائق القبة، مدينة نصر، باب الشعرية
العميل : مدينة نصر ده بيفتح لحد الساعة كام؟
مهندس منسي : لغاية الساعة 9 بالليل
العميل : طيب أنا ممكن أعدي عليكم النهاردة.. مين معايا يا فندم؟
مهندس منسي : معاك المهندس منسي أنا هبعتلك دلوقتي تليفون الفرع كلميه وتابعي معاه.
العميل : طيب ماشي أوكيه متشكرة جداً سلام عليكم