مكنة تعبئة البودر حتي واحد كيلو موديل 903 ماركة مهندس منسي
مكنة تعبئة البودر حتي واحد كيلو موديل 903 ماركة مهندس منسي
| العميل | : | السلام عليكم |
| المهندس منسي | : | عليكم السلام ورحمة الله وبركاته |
| العميل | : | شركة المهندس منسي |
| المهندس منسي | : | أيوه |
| العميل | : | عايزين نسأل على مكنة تعبئة البودر، السكر من أول نص كيلو لحد كيلو |
| المهندس منسي | : | موجود بضاعة حاضرة لغاية كيلو |
| العميل | : | تمام.. هو في عند حضرتك حاجة مستعملة؟ |
| المهندس منسي | : | لا إحنا ماركة، براند |
| العميل | : | أنا عارف حضرتك، أنا من طرف الدكتور مايكل والدكتور خالد سالم بتاع الجيزة الدكاترة اللي خدوا منكم، بتوع تعبئة السوائل |
| المهندس منسي | : | آه.. دول دكاترة محترمين جداً |
| العميل | : | الله يبارك لك، أنا سمعت إن في حد ممكن يخلص لنا في حاجة مستعملة عندك |
| المهندس منسي | : | لا.. ده إحنا ماركة، براند، وبعدين إذا كان سعر المكن بتاعنا النهاردة أرخص من المستعمل |
| العميل | : | طب النص أتوماتيك بتعمل كام؟ والأتوماتيك بتعمل كام؟ |
| المهندس منسي | : | النص أتوماتيك بتعمل يعني 18 ألف جنيه |
| العميل | : | فيها وحدة الوزن أتوماتيك؟ |
| المهندس منسي | : | وحدة الوزن زي الفل |
| العميل | : | طب حضرتك في مكنة فل أتوماتيك اللي فيها وحدة اللحام من تحت، وفيها التعبئة من الجنب، اللي هي زي بتاعت الجيل والباور جيل، دي عامله كام عندك؟ |
| المهندس منسي | : | الأتوماتيك ولا النص أتوماتيك؟ |
| العميل | : | لا الأتوماتيك |
| المهندس منسي | : | الأتوماتيك بتعمل أو ما يعادله بالجنيه المصري |
| العميل | : | يعني 81 ألف |
| المهندس منسي | : | آه في الحدود دي آه |
| العميل | : | طب أنا بقولك حوالي أنا اشترى منك حوالي 9 من زمايلي |
| المهندس منسي | : | جمعوا بعضكم واعملوا ائتلاف |
| العميل | : | أنا بقول لحضرتك عامل حسابي في 45-50 ألف بالكتير قوي |
| المهندس منسي | : | خد مكنة نص أتوماتيك |
| العميل | : | طب ممكن ننظم الباقي |
| المهندس منسي | : | والله يا سيدي أنا نفسي أمنع… أنظم إيه؟؟ أنا ما بكسبش منك اللي أنا بنظمه، الناس اللي بنظموا لو في حد بينظم أساساً المكن معروف إنه مافيهوش نظام أساساً، ولكن أنا ما بكسبش منك اللي أنا هنظمه، طب وحد الله، أنا مكسبي كله كلام فاضي، هتلاقي 3% ، 5%.. أنا ببيع هنا بسعر الصين بالضبط |
| العميل | : | طب مين معايا الأول؟ |
| المهندس منسي | : | المهندس منسي، فالوضع بالنسبة لنا مزعل الواحد جامد، فساعدوني إن الواحد يستمر، يعني النهاردة لو أنا كنت بشتغل في العقارات كان زمان الدنيا أحسن بكتير |
| العميل | : | يا عم إن شاء الله خير |
| المهندس منسي | : | والعقارات لا فيها فن ولا هندسة ولا حاجة |
| العميل | : | هو مكان حضرتك في باب الشعرية زي ما هو صح؟ |
| المهندس منسي | : | إحنا عندنا باب الشعرية، حدائق القبة، مدينة نصر، 6 أكتوبر، غمرة، العبور |
| العميل | : | اللهم بارك ما شاء الله، طب ماشي الرقم ده عليه واتساب صح؟ |
| المهندس منسي | : | عليه آه |
| العميل | : | طب خلاص، هناخد اللوكيشن ونيجي لحضرتك |
| المهندس منسي | : | تيجي تنورني يا غالي |
| العميل | : | ماشي السلام عليكم |
| المهندس منسي | : | عليكم السلام ورحمة الله وبركاته |