مكنة تعبئة وتغليف السكر موديل 902 ماركة مهندس منسي
مكنة تعبئة وتغليف السكر موديل 902 ماركة مهندس منسي
| العميل | : | السلام عليكم |
| المهندس منسي | : | عليكم السلام ورحمة الله وبركاته |
| العميل | : | شركة المهندس منسي |
| المهندس منسي | : | أيوه |
| العميل | : | كنت بسأل على مكنة تعبئة وتغليف السكر |
| المهندس منسي | : | آه موجودة آه |
| العميل | : | الأسعار إيه؟ |
| المهندس منسي | : | النص أتوماتيك سعره بيبدأ من ، والأتوماتيك بيبدأ من ، وإحنا بناخد بالجنيه المصري ولكن بنسعر بالدولار عشان نضمن ثبات الأسعار |
| العميل | : | يعني كام بالمصري دلوقتي |
| المهندس منسي | : | يعني ، و يعني |
| العميل | : | دي معاها ضمان أد إيه؟ |
| المهندس منسي | : | ضمان لمدة سنة ضد عيوب الصناعة و 5 سنين توفير قطع الغيار لحساب العميل |
| العميل | : | ودي بالسيور بتاعتها الأتوماتيك |
| المهندس منسي | : | أنا مش فاهم أنهي سيور اللي بتتكلم عليها دي أتوماتيك |
| العميل | : | السيور اللي بتنقل السكر للقمع والكلام ده كله |
| المهندس منسي | : | آه.. ده السير لوحده، بيعملوا في حدود من 5 آلاف إلى 15 ألف |
| العميل | : | هو ممكن نستعملها من غير السير صح؟ |
| المهندس منسي | : | ما هو إحنا شغالين دلوقتي بقالنا 12 سنة، اللي اشتغل من غير سير أكتر من 98% و2% اللي اشتغلوا بالسير |
| العميل | : | آه.. أنا كنت فاكر إن لازم السير شرط أساسي عشان تشتغل |
| المهندس منسي | : | لا.. السير مش لازم خالص، ده إحنا عملنا إبداعات في الموضوع ده، عملنا بنك بيرمي المنتج عليه، بيرمي الشكاير عليه، والبنك ده في علو المكنة، اللي بيفرغ بدل ما بيفرغ وظهره يتقطم تحت، لا يفرغ من فوق وخلاص، مش لازم يفرغ في الأرضية والتراب ييجي عليها والعفرة، لا يفرغ من فوق أفضل |
| العميل | : | أيوه.. صح |
| المهندس منسي | : | ويعتبر حوض المكنة هو حوض السير، ولكن ما بنقولش لأ للسيور ولكن إحنا عايزين نسهل على الناس |
| العميل | : | عندك إمكانية التقسيط، أو ناخدها عن طريق تمويل المشروعات الصغيرة عن طريق البنك، ناخد من عند حضرتك عرض أسعار مش أكتر |
| المهندس منسي | : | عادي روح لهم قولهم عايز عرض أسعار، هو عرض الأسعار موجود على النت ممكن تطبعه وتنزله |
| العميل | : | تمام.. أنا لما آخد ورق من الشركة عندك أحسن |
| المهندس منسي | : | هو هو.. لو رحت الفرع عندنا وأخدت الورقة زي ما تطلعها من على النت هي هي |
| العميل | : | لو أنا عايز أقسط مني ليك إنت |
| المهندس منسي | : | إحنا كل شغلنا كاش |
| العميل | : | أنا قريت على النت إن إنت كاتب في إمكانية تقسيط |
| المهندس منسي | : | طب ابعتلي الرابط ده أضبطه الله يرضى عليك ويصلح حالك |
| العميل | : | أبعتهولك والله |
| المهندس منسي | : | إحنا لازم شغلنا وكلامنا يبقى مضبوط 100% |
| العميل | : | إنت في باب الشعرية صح؟ |
| المهندس منسي | : | إحنا عندنا باب الشعرية، حدائق القبة، مدينة نصر، 6 أكتوبر، غمرة، العبور |
| العميل | : | طب فين في مدينة نصر ممكن أعدي عليك في يوم؟ |
| المهندس منسي | : | هبعت رابط هتلاقي فيه العناوين كلها اختار منها فرع مدينة نصر |
| العميل | : | خلاص ماشي يا باشا، شكراً تعبتك معايا، مع السلامة |