مكنات تعبئة المواد الغذائية كالحبوب والحبيبات اتوماتيك ونص اتوماتيك من شركة المهندس منسي
مكنات تعبئة المواد الغذائية كالحبوب والحبيبات اتوماتيك ونص اتوماتيك من شركة المهندس منسي
| العميل | : | السلام عليكم |
| المهندس منسي | : | عليكم السلام ورحمة الله وبركاته |
| العميل | : | لو سمحت عايز أعرف سعر مكنة تعبئة المواد الغذائية |
| المهندس منسي | : | هو النص أتوماتيك.. مواد غذائية سائلة ولا حبيبات وحبوب |
| العميل | : | لا رز وسكر |
| المهندس منسي | : | النص أتوماتيك بتعمل يعني ، والأتوماتيك بتعمل |
| العميل | : | تمام.. دي بالسيور ولا من غير؟ |
| المهندس منسي | : | سيور إيه؟ لا هي مكنة تعبئة، إنت مش محتاجة سيور في حاجة |
| العميل | : | حضرتك لو في صفحة للشركة أدخل أشوف المكنة وأسعارها موجودة صفحة ولا الأسعار مش موجودة؟ |
| المهندس منسي | : | إحنا عندنا لغاية دلوقتي حوالي 1.3 مليون صفحة |
| العميل | : | أنا دخلت على اليوتيوب وشفت حاجات وفيديوهات بس أنا بسألك عشان لو في حاجة أفهم منها بشكل أوضح، عشان لو عجبني مكنة معينة في فيديو أو صورة أسألك على سعر المكنة دي عامله إيه |
| المهندس منسي | : | هو إحنا المكن عندنا متصنف بالكود، يعني مثلاً مكنة التعبئة الكود بتاعها 904 ماركة المهندس منسي، معاك ورقة وقلم وبتكتب |
| العميل | : | معاك اتفضل |
| المهندس منسي | : | المكنة النص أتوماتيك رقمها 904 ماركة المهندس منسي |
| العميل | : | تمام |
| المهندس منسي | : | والمكنة الأتوماتيك رقمها 902 ماركة المهندس منسي، والمكنة الأتوماتيك الكبيرة رقمها 903 ماركة المهندس منسي |
| العميل | : | دي إيه الفرق بينها وبين 902؟ |
| المهندس منسي | : | الـ 902 ممكن تعبي لغاية نص كيلو، أما الكبيرة ممكن تعبي لغاية كيلو و |
| العميل | : | يعني الأتوماتيك 902 تعبي الأظرف الصغيرة لحد نص كيلو، والـ 903 للنص والكيلو |
| المهندس منسي | : | أيوه، أما 904 تعبي لحد 4 كيلو |
| العميل | : | طب 903 دي سعرها كام؟ |
| المهندس منسي | : | يعني 108 ألف جنيه مصري |
| العميل | : | طب لو نفس الأوزان ديت نص أتوماتيك |
| المهندس منسي | : | النص أتوماتيك موديلها 904 ماركة المهندس منسي، ودي فيها ميزة مش موجودة إنها وزنية |
| العميل | : | بمعنى |
| المهندس منسي | : | يعني بتنزل لك الجرام جرام، بالوزن يعني، ما بتحتاجش إنك تاخد من وراها توزن |
| العميل | : | دي اللي هي بتنزل الكيس متعبي بس عايز يتقفل |
| المهندس منسي | : | 904 ديت نص أتوماتيك، يعني فعلاً متعبي وعايز يتقفل آه |
| العميل | : | عايز يتحط بعد كده على مكنة اللحام، دي سعرها كام حضرتك معلش؟ |
| المهندس منسي | : | يعني |
| العميل | : | دي لو دخلت أنا كتبت 904 ماركة المهندس منسي هشوف شكلها وشغلها بالفيديو وكده |
| المهندس منسي | : | أكيد آه |
| العميل | : | همه الثلاثة دول ولا في حاجة تانية ما يكونش عالي قوي |
| المهندس منسي | : | لا مافيش غير كده، هو ده تعبئة كل المواد الجافة |
| العميل | : | طب معلش سؤال أخير، إيه الفرق بين الـ 903 و 904 الفرق في الفلوس كبير قوي، إيه الفرق غير إن الكيس بينزل مقفول |
| المهندس منسي | : | ما هو النهاردة أجرة العامل بكام؟ ما هي دي بتوفر لك أجرة عامل، وبتوفر لك أجرة تفصيل أكياس، يعني إنت بتاخد رول، يعني لما بتيجي تطبع الشغل بتطبعه رول |
| العميل | : | بيركب على المكنة 903 رول كامل، لكن النص أتوماتيك دي بتعوز عامل يلقم كيس بكيس؟ |
| المهندس منسي | : | كيس بكيس، وأكثر من كده هي بتحتاج الأكياس جاهزة، إنما دي ما بتاخدش الأكياس جاهزة، بكر كده موبين وهي بتقفله وتلحمه وتفصله كيس وتعبيه وتنزله |
| العميل | : | لكن النص أتوماتيك هي الأكياس بتبقى متفصلة بكيس وعامل يلقمه وعامل يستقبله عشان يلحمه |
| المهندس منسي | : | مضبوط آه |
| العميل | : | مكان حضرتك في القاهرة؟ |
| المهندس منسي | : | إحنا عندنا باب الشعرية، حدائق القبة، مدينة نصر، 6 أكتوبر، غمرة، العبور |
| العميل | : | مافيش في إسكندرية؟ |
| المهندس منسي | : | إن شاء الله 1/1/2019 |
| العميل | : | تمام مافيش مشكلة، هكلم حضرتك تاني بإذن الله، شكراً |
| المهندس منسي | : | مع السلامة |