ماكينة تعبئة وتغليف السيليكا من شركة المهندس منسي
ماكينة تعبئة وتغليف السيليكا من شركة المهندس منسي
العميل : سلام عليكم
مهندس منسي : عليكم السلام ورحمة الله وبركاته
العميل : إزيك يا باش مهندس
مهندس منسي : أهلاً بيك
العميل : والله في سؤال صغير حضرتك عارف الجيل اللي هوه بيسحب الرطوبة اللي هي الأكياس الصغيرة اللي هي 1 جرام و3 جرام دي
مهندس منسي : الـ إيه؟
العميل : حضرتك عارف حبات الجيل الأكياس اللي بتتحط في علبة الأدوية والحاجات اللي زي كده؟
مهندس منسي : أكياس الجيل أنهي؟
العميل : اللي هي أكياس الحب الجيل الصغيرة
مهندس منسي : حب السيلكا
العميل : آه السليكات آه، ألاقيها متوفرة عند حضرتك؟
مهندس منسي : لا إحنا بنعمل بس الأكياس بتاعتها
العميل : الأكياس بتاعتها متوفرة
مهندس منسي : آه
العميل : متوفر جاهز آجي آخد كمية منها مثلاً؟
مهندس منسي : لا والله ماكناش فاكرين إن حضرتك هتجيلنا النهاردة والله
العميل : مش جاهز
مهندس منسي : آه..
العميل : تجهزلي مخصوص حاجة تبقى مخصوص يعني
مهندس منسي : إن شاء الله
العميل : آه.. طب مفيش عند حضرتك حد يكون تبع حضرتك حد يكون بيعمل حاجة زي كده؟
مهندس منسي : لا إحنا بنصنعها، بس بالطلب
العميل : آه…
مهندس منسي : الكمية اللي إنت عايزها قولنا عليها وإحنا نصنعها لك
العميل : كميات أوردرات تبقى كبيرة طبعاً
مهندس منسي : وعندنا المكن بتاع التعبئة بتاعها، وعندنا المكن اللي بيعبيها ويغلفها وينزلهالك في كيس
العميل : آه.. أصل هوه في شركات بتعملها جاهزة وبتطلعها…
مهندس منسي : لغاية دلوقتي ما شوفتش ولا شركة، كل الشركات بتاخد المكن بتاعها، مكن تعبئة وتغليف السيليكا بتعبي أتوماتيك وتعمل، إنما جديدة عليا إن أنا أشوف حد بيصنع كيس السيليكا دوت ويبيعه
العميل : طيب ماشي، أشوف كده وآجي أبص على مكنة صغيرة تعمل… تبقى مكلفة المكنة الصغيرة بتاعتها؟
مهندس منسي : الـ إيه؟؟؟
العميل : المكنة بتاعتها مكلفة
مهندس منسي : المكنة بتاعتها تكلفتها حوالي ، يعني 0 جنيه الأتوماتيك بتاعتها
العميل : هاجي أبص عليها عند حضرتك وأتكلم معاك، شاكر أفضال حضرتك، سلام
مع السلامة