ماكينة تعبئة وتغليف السكر موديل 904 وموديل 903 ماركة المهندس منسي
ماكينة تعبئة وتغليف السكر موديل 904 وموديل 903 ماركة المهندس منسي
العميل : السلام عليكم
المهندس منسي : عليكم السلام ورحمة الله وبركاته
العميل : كيف الحال
المهندس منسي : الحمد لله
العميل : بدي أسألك على الماكينات إنتم شركة المهندس منسي مضبوط
المهندس منسي : أيوه
العميل : طيب عايز أستفسر عن ماكينة تعبئة وتغليف السكر هي لازماني ماكينة وعايز أستفسر عن المواصفات والأسعار
المهندس منسي : عايز إيه في السكر اللي على الكيلو ولا مقاس كام؟
العميل : اللي هي سيم أتوماتيك اللي هي تقريباً كيلو
المهندس منسي : في بتعبي لغاية كيلو نص أتوماتيك وفي أتوماتيك كامل
العميل : النص أتوماتيك مثلاً موديل كام؟
المهندس منسي : كله أحدث موديل، كله جديد
العميل : طيب النص أتوماتيك عامله كام والأتوماتيك سعرها بيعمل كام؟
المهندس منسي : النص أتوماتيك رقم الموديل بتاعها 904 دي عامله ، والأتوماتيك رقم الموديل بتاعها 903 عامله
العميل : طيب تمام، حضرتك إنتم اللي بتركبوها مثلاً وبتشغلوها…
المهندس منسي : عادي.. عادي إحنا بندربك عليها وبنعملك فيديوهات عليها قبل ما تشيلها، وبندربك عليها تمام التدريب بحيث إنك تقول خلاص تمام وبتجيب معاك المنتج اللي إنت عايز تعبيه ونقعد نجرب عليها…
العميل : بس أنا شغال في نفسي المجال عموماً، شغال في المواد الغذائية يعني عندي خلفية عن الموضوع، بس كنت رايح أشتري من الصين وبعدين حبيت اتفرجت على الموقع عندكم…
المهندس منسي : إحنا عندنا معرض بيبيع مكن في قلب الصين
العميل : تمام.. ممتاز
المهندس منسي : وكنا عرضنا…
العميل : تمام
المهندس منسي : وكنا عارضين في معرض الصين الدولي اللي هوه معرض كانتون اللي هوه شهر 10 اللي فات كنا عارضين في الصين بنافس في الصينيين ممكن تكتب المهندس منسي في معرض الصين الدولي
العميل : طيب ممتاز، طيب السير اللي بيطلع منه المنتج ولا الراس بس؟
المهندس منسي : لأ المكنة كلها أتوماتيك كاملة
العميل : يعني سير التصدير بيتحط عليه المنتج اللي هوه بتاع المنتج مضبوط
المهندس منسي : لو عايز سير مع المكنة السير سعرها رخيص
العميل : آه يعني هي فقط
المهندس منسي : يعني إنت بتحط السكر فوق، هي بتاخد الرول تصنعه أكياس، وبعد ما تصنعه أكياس…
العميل : أيوه أنا فاهم على حضرتك، حالياً مش بييجي سير المفروض أبو طبق دوت يوزع على أتوماتيك الماكينة من فوق مضبوط، حالياً مثلاً كل الحاجات ديت مع الماكينة بـ ولا الماكينة لوحدها
المهندس منسي : بص حضرتك يستحسن لو جيت شرفتنا بالزيارة اتفرجت عليها على الطبيعة
العميل : تمام ممتاز، طب لو عايز أروح فرع مثلاً فيه في دمنهور عندكم ولا في القاهرة بس، أقرب مكان ليا من إسكندرية مثلاً
المهندس منسي : إحنا عندنا حدائق القبة، مدينة نصر، باب الشعرية، 6 أكتوبر
العميل : طب خلاص ممتاز، خلاص برن عليك أنا إن شاء الله وباجي لحضرتك بإذن الله
المهندس منسي : إن شاء الله
العميل : يا الله السلام عليكم
المهندس منسي : عليكم السلام ورحمة الله وبركاته