ماكينة تعبئة وتغليف الكراتيه والبوزو من شركة المهندس منسي
ماكينة تعبئة وتغليف الكراتيه والبوزو من شركة المهندس منسي
العميل : سلام عليكم
مهندس منسي : عليكم السلام ورحمة الله وبركاته
العميل : إزيك يا فندم
مهندس منسي : أهلاً بيك
العميل : عايزين نسأل كده على خط إنتاج صغير بتاع الكراتيه والبوزو والحاجات دي؟
مهندس منسي : آه.. آه، هوه بص حضرتك أنا متخصص في مكن التعبئة والتغليف، يعني أنا أعرف مكنة وتغليف الكراتيه والسناكس والحاجات دي، إنما خطوط الإنتاج التصنيع ده مش تبعي، تبع حد من الشركة، ممكن حضرتك بقى تبعتلهم رسالة تطلب طلب استفسار عنها يعني
العميل : تعمل كام تقريباً يعني؟
مهندس منسي : ما هو أنا لو كنت عارف ما كنتش اتأخرت عنك
العميل : آه….
مهندس منسي : فهو ابعت رسالة للناس في الشركة همه هيردوا عليك في خلال من 48 ساعة ـ لأسبوع، ويعملولك دراسة تكاليف للمشروع ويبعتولك دراسة التكاليف
العميل : طيب كام بالضبط كام الرقم كام
مهندس منسي : على الإيميل
العميل : الرقم.. الرقم كام؟
مهندس منسي : الإيميل ده مش رقم الإيميل ده نظام بريدي يعني
العميل : آه… طب مافيش رقم تليفون
مهندس منسي : لأ ما لهومش رقم تليفون، همه فريق المراسلات مالوش رقم تليفون
العميل : طب التغليف بكام؟
مهندس منسي : آه مكنة التعبئة والتغليف بـ ، أتوماتيك
العميل : يعني كام مصري كده؟
مهندس منسي : يعني
العميل : مكن التصنيع يعمل كام تقريباً يعني؟
مهندس منسي : صدقني أنا لو كنت عارف أنا ما كنتش اتأخرت عنك
العميل : يعني تقريب يعني كده
مهندس منسي : يعني إيه بالتقريب، أنا بقول لحضرتك ما أعرفش، أنا ما أعرفش يبقى هقول لحضرتك أي سعر وبس
العميل : ماشي طب الإيميل كام الرقم
مهندس منسي : آه ابعت على الإيميل، أبعتلك الإيميل في رسالة علي النت ؟
العميل : ابعتهولي ماشي
مهندس منسي : ماشي مع السلامة
العميل : ماشي يا أستاذي شكراً