ماكينة تعبئة زيتون موديل 901 ماركة المهندس منسي
ماكينة تعبئة زيتون موديل 901 ماركة المهندس منسي
العميل: مساء الخير
المهندس منسي: مساء الخير يا فندم
العميل: معايا المهندس منسي
المهندس منسي: أيوه
العميل: لو سمحت كنت عايز أسأل على مكنة تعبي زيتون في برطمانات إزاز
المهندس منسي: آه في نص أتوماتيك وفي أتوماتيك
العميل: طب موديلاتها إيه يا باشا عشان أخش أشوفها على السايد عندكم
المهندس منسي: هي موديلاتها هتتوفق هي 901، وهنعمل إيه بقى؟ هنعمل سير إنتاجي، سير أتوماتيك عشان يمشي لو إحنا أخدنا مثلاً وحدة 901 وعملنا لها سير بكنترول بدايرة كمبيوتر تبقى أتوماتيك، فهمتها
العميل: تمام… طيب الكباستي بتاعتها أد إيه
المهندس منسي: في حدود 1500 في الساعة، أما هي لو أتوماتيك تبقى في حدود 2000 ـ 2500 في الساعة
العميل: فيها حوض بسترة؟
المهندس منسي: حوض البسرة بيبقى خارجي لوحده
العميل: اللي عند حضرتك مافيهاش صح؟
المهندس منسي: مش اللي عندي ما فيهاش، هوه كل العملية إن إحنا بنجيب المكنة ديت وبنجيب المكنة ديت وبنجمعهم ويكون فيها بسترة فهمتني، يعني مثلاً دلوقتي بنقول إيه، أدي التعبية أهيت وأدي حوض البسرة بندمجهم مع بعض وبكده المكنتين بقوا مكنة واحدة مضبوط؟
العميل: تمام
المهندس منسي: فهي دي العملية…
العميل: يعني ممكن حضرتك توفقلي سعة بتاع البسرة مع الإنتاجية بتاع المكنة؟
المهندس منسي: آه مافيهاش مشكلة طبعاً
العميل: تمام… المكنة دي اللي عند حضرتك دي فيها ليبول، ولا الليبول حاجة لوحدها منفصلة
المهندس منسي: لا مكنة الليبول لوحدها في نص أتوماتيك وفي أتوماتيك، بنقدر نوفق كل حاجة مع بعضها
العميل: تمام… طب تقريباً الـ 901 دي لو إحنا هنعملها السير الأتوماتيك وكده هتبقى تقريباً…
المهندس منسي: لو هي نص أتوماتيك بتبقى، بسم الله الرحمن الرحيم، ثانية واحدة أخش أشوفها كده
العميل: اتفضل
المهندس منسي: هتبقى في حدود
العميل: ده اللي هي النص؟
المهندس منسي: آه…
العميل: طب لو إحنا عايزين نوصلها لأتوماتيك
المهندس منسي: لو أتوماتيك كاملة تبقى
العميل: طب وحوض البسترة والليبول
المهندس منسي: حوض البسترة حضرتك هتبعتلنا بيه رسالة على الإيميل، أما بالنسبة لليبول ده في نص أتوماتيك وفي أتوماتيك
العميل: تقريباً بكام يا باش مهندس؟
المهندس منسي: النص أتوماتيك بتعمل ، والأتوماتيك بتعمل 1
العميل: تمام.. طب أنا هتفرج بس كده على الموديل اللي هوه 901 وهرجع أكلم حضرتك تاني
المهندس منسي: إن شاء الله
العميل: دي هلاقيها في أنهي فئة عندكم على الموقع؟
المهندس منسي: في فئة التسعميات
العميل: اللي هي هتبقى في ماكينات تعبئة وتغليف
المهندس منسي: آه.. هتكتب ماكينات تحمل ماركة المهندس منسي
العميل: أيوه يا فندم ما أنا على السايد بتاعكم إم تو باك
المهندس منسي: إم تو باك دوت كوم ولا دوت مي
العميل: دوت كوم
المهندس منسي: هتخش بقى في رقم 9 ماكينات تعبئة الحبوب والحبيبات، 901 و 904
العميل: تمام… دقيقة كده وهرجع لحضرتك تاني
المهندس منسي: إن شاء الله
العميل: ماشي.. شكراً يا باش مهندس