ماكينة تعبئة رز وبقوليات 1 كيلو من شركة المهندس منسي
ماكينة تعبئة رز وبقوليات 1 كيلو من شركة المهندس منسي
العميل : سلام عليكم
المهندس منسي : عليكم السلام ورحمة الله وبركاته
العميل : إزي الحال يا باشا
المهندس منسي : الحمد لله
العميل : باشا بعد إذنك عايز أسأل على مكنة التعبئة والتغليف اللي هي 1 كيلو
المهندس منسي : آه.. عايز تعبي إيه؟
العميل : سكر ورز وبقوليات وعدس وكده يعني
المهندس منسي : ماشي يا باشا، دي عامله.. الأتوماتيك كاملة
العميل : آه الأتوماتيك كاملة آه
المهندس منسي : بتسأل عليها على سعرها ولا على إيه بالضبط؟
العميل : والمواصفات
المهندس منسي : آه هي المواصفات بتاعتها إنها بتعبي من 100 جرام -1 كيلو، الكهرباء بتاعتها كهرباء بتاعت البيت العادية
العميل : 220 تمام والماتور بتاعها صناعتها صناعته إيه؟
المهندس منسي : الماتور لو عايز نخليهولك إيطالي ماشي، لو عايز نخليهولك ألماني ماشي، بس هوه ماتورها شغال زي الفل وما فيش منه أدنى مشكلة، إنما لو عايز أخيلك المواتير إيطالي ألماني.. حسب رغبة العميل، هوه أصلها المكنة عبارة عن وحدات، وحدات إزاي؟ مش عملنها كده إنها متقفله في بعضها، إنما عملنها عبارة عن وحدات تقدر تغير فيها اللي إنت عايزه
عايز أخيلك المواتير إيطالي، عايز أخليهالك أمريكاني، عايز أخليهالك الماركة اللي إنت عايزها براحتك، إنما ماتورها شغال وزي الفل ومفيش مشكلة منه بقالنا دلوقتي 10 سنين في السوق مغيرناش
العميل : طب اللي هوه فيها ده صناعته إيه؟
المهندس منسي : مش عملية صناعته، هوه إحنا بالنسبة لنا إحنا ماركة
العميل : أيوه يا باش مهندس معاك أنا يعني الماتور اللي فيها استيراد…
المهندس منسي : يا ابني افهمني الله يفتح عليك
العميل : اتفضل
المهندس منسي : افهمني عشان نقدر نفهم بعض، إحنا بقالنا 10 سنين مغيرناش ماتور، عندنا مواتير الدنيا مفيش حد جيه قالنا في مرة تعالوا لما نستفتحكم نشتري منك ماتور، واخد بالك
العميل : آه…
المهندس منسي : ده رقم واحد، رقم 2 إحنا مش تجار، إحنا مصنعين
العميل : ما أنا بتكلم على كده طيب
المهندس منسي : اللي أكتر من إن إحنا ماركة، ماركة يعني إيه؟ يعني مثلاً لما تيجي تقول الكمبيوتر مثلاً نفترض الكمبيوتر الإتش بي، هوه بيجب قطع غياره من أي حته، بس في الآخر اسمه هوه اللي بيتحرك، فهمتني
العميل : أيوه
المهندس منسي : مش معناها الماتور ده بلده إيه، في الآخر ماركة المهندس منسي هيه اللي بتتكلم
العميل : طب هوه الضمان أد إيه يا باش مهندس؟
المهندس منسي : آه.. ضمان لمدة سنة ضد عيوب الصناعة، 5 سنين توفير قطع الغيار لحساب العميل، آه أهي دي الحاجات اللي نتكلم فيها سوا، لأن إحنا مصنعين مش تجار
العميل : ماشي أنا بس كان قصدي أعرف بس الصناعة الجيربوكس بالسخانات…
المهندس منسي : هاجي مثلاً أقولك الجيربوكس إيطالي، هاجي أقولك الجيربوكس تايواني، والماتور مثلاً هونج كونج، طب وإنت هدوخ نفسك معايا ليه، في الآخر إنت بتتعامل مع ماركة إيه؟ أنا مش تاجر، مش شركة ببيع، أنا شركة صناعية
العميل : يا باشا على راسي من فوق..
المهندس منسي : ما هوه أنا جاي لحضرتك، أصل أنا عمال أفهم حضرتك وحضرتك برده لسه مش قادر تستوعبها…
العميل : أنا لسه مبتدأ
المهندس منسي : بص إنت معاك حق متقدرش تفهمني معاك حق، لأنه الداوشه اللي حوليك وشركات واسماء كتير و مش عارف إيه وبضاعة كل واحد معاه قرشين راح جاب مكنتين 3 من الصين وجيه يبيع فيهم واتعشت، إحنا غير كده، إحنا أخدنا طريق تاني، أخدنا طريق إن إحنا نصنع ونرفع ماركة ونسجل اسمنا ونبقى ماركة عالمية، إحنا الحمد لله ماركتنا منتشرة في العالم دلوقتي، يعني إحنا لينا فرع في هونج كونج، ولينا فرع في الصين، وإن شاء الله قريب قوي هيبقلنا فرع في إيطاليا، وفرع في أوكرانيا، واخد بالك، لأن إحنا ماركة
العميل : تمام.. تمام كام يا باشا؟
المهندس منسي : 6 علماً بأننا نعامل الدولار بـ 10 مصري، إذن يكون 0 جنيه مصري، لماكينة تعبئة الرز والبقوليات والعدس والفاصوليا وكل أنواع…
العميل : طب والعنوان زي ماهو مكتوب على النت أمام مدرسة البنات الثانوية ش المنسي
المهندس منسي : هوه نفسه، بس هبعتلك أنا العنوان أسهل، إحنا عندنا حدائق القبة، مدينة نصر، باب الشعرية، وفي غمرة،
العميل : طب خلينا في الفرع اللي في مدينة نصر
المهندس منسي : هبعتلك الفرع بتاع مدينة نصر دلوقتي حالاً
العميل : ماشي يا باشا.. اتفضل