ماكينة تعبئة سكر كيلو اتوماتيك من شركة المهندس منسي

ماكينة تعبئة سكر كيلو اتوماتيك من شركة المهندس منسي

العميل : سلام عليكم

المهندس منسي : عليكم السلام ورحمة الله وبركاته

العميل : شركة المهندس منسي

المهندس منسي : أيوه

العميل : كنت عايز أسأل عن خط إنتاج تعبئة وتغليف أكياس سكر كيلو، بس إديني تفاصيل، أنا عايز أعمل مشروع أعبي وأغلف سكر

المهندس منسي : ماشي حاضر، هوه في نص أتوماتيك وفي أتوماتك

العميل : تمام…

المهندس منسي : كمل إنت بقى ما هو أنا مش هتكلم لوحدي، إنت اتكلم، يعني قولي النص أتوماتيك إيه وضعه… كده يعني نعيش مع بعض

العميل : ما أنا بقولك اشرحلي أهوه

المهندس منسي : آه.. النص أتوماتيك ده بـ والأتوماتيك بـ 6

العميل : تمام.. خلينا في الأتوماتيك

المهندس منسي : 6 يعني 0 جنيه والأسعار دي سارية لغاية 30/9 يعني 1 أكتوبر هنرفع الأسعار بسعر الدولار اللي موجود في السوق الحالي

العميل : تمام.. هي عبارة عن إيه بقى؟

المهندس منسي : بتبقى أتوماتيك كاملة، بيركب فيها الرول وبتحط السكر من فوق السكر بينزل بيتعبا ويتغلف في الكيس أتوماتيك

العميل : تمام، بيحتاج مساحة أد إيه؟

المهندس منسي : مساحة بسيطة يعني 10 – 20 متر كويس قوي، مكان 12 متر شغال مافيش مشكلة

العميل : تمام طب في دراسة جدوى ليه

المهندس منسي : عايز إيه؟

العميل : دراسة جدوى

المهندس منسي : عايز دراسة جدوى لمشروع تعبئة السكر، دراسة جدوى عبارة عن إيه يعني؟

العميل : هوه فيه تمويل من وزارة التعاون الدولي فقالولي لازم تقدم للمشروع دوت دراسة جدوى بتاعته

المهندس منسي : آه.. طب افهملي نموذج كده وإحنا نملاهولك يعني

العميل : بس أنا شفت حد منزل على صحفتكم على النت….

المهندس منسي : أصل إحنا شركة كبيرة عدد الناس اللي موجودين فيها كبير، شفت إن إحنا عاملين دراسة جدوى لمشروع السكر؟

العميل : لأ مش عارف تعبئة وتغلف تقريباً

المهندس منسي : آه.. آه

العميل : حاجة زي كده، لكن سكر لأ عشان كده

المهندس منسي : لأ لو عايز دراسة جدوى للسكر شوفلي أكتب إيه وأنا أكتبهولك وأنظمهولك وأنظملك الدنيا وكده يعني

العميل : يعني هوه كده المشروع مش محتاج غير الـ 0 يعني مثلاً

المهندس منسي : نعم؟؟

العميل : بقول مافيش أي مكن مرفق مع المكنة دي هتيجي

المهندس منسي : ما هو المشكلة إحنا إنت بتملينا وإحنا وراك، يعني مثلاً بتقول أنا عايز مكنة كذا وكذا وكذا.. فهمتني، إنت اللي بتقول أنا عايز مكنة كذا وعايز مكنة كذا وعايز مكنة كذا، مش إحنا اللي بنقولك إنت عايز مكنة كذا…

العميل : بتاعت السكر دي هوه هيجي السكر سايب…

المهندس منسي : آه.. آه.. هوه المفروض إنك لما تيجي تعمل مصنع تعبئة وتغليف سكر مثلاً بتاخد جنبيه حاجة اسمها هوبر، هوبر ده اللي هوه بيتطلعك السكر فوق، ولكن في ناس بتوفر الهوبر بتعمل حاجة اسمها بنك، بتنزل السكر على البنك وتاخد من البنك وتحط في البتاع ده، وفي ناس بيعملوا إيه؟؟؟ بياخدوا مكان دورين ويخرم السقف ويحط السكر من فوق وينزل السكر من السقف، دي محاولات.. محاولات كتيرة، فأنا مقدرش أقولك كذا كذا كذا، يبقى أنا بفرض عليك مكن، إنت مش محتاجه مثلاً، المفروض إنك إنت اللي بتقولي وأنا إيه أوكيه دي ودي ودي وأضبطلك الدنيا

العميل : لكن المكنة اللي بـ 0 دي بتطلع المنتج متعبي ومتغلف

المهندس منسي : متغلف جاهز على البيع على طول

العميل : آه… طب تمام

المهندس منسي : وبعدين بتحتاجلك على الأقل في حدود طن ولا 2 طن ورق لتغليف السكر، أو ربع طن لو إنت شغال بفلوسك والدنيا ضيقة معاك ممكن تعمل ربع طن، معايا، لو الدنيا واسعة والعملية حلوة اعملك 2 طن

العميل : آه..

المهندس منسي : اللي هوه الورق اللي إنت هتغلف بيه، الورق الرول دوت اللي هيبقى كيس

العميل : آه.. آه..

المهندس منسي : ماشي يا غالي

العميل : ماشي يا فندم

المهندس منسي : مع السلامة

العميل : شكراً