ماكينة تعبئة البهارات النص اتوماتيك وماكينة اللحام من شركة المهندس منسي
ماكينة تعبئة البهارات النص اتوماتيك وماكينة اللحام من شركة المهندس منسي
العميل : سلام عليكم
المهندس منسي : عليكم السلام ورحمة الله وبركاته
العميل : إزيك يا باشا باش مهندس منسي
المهندس منسي : أيوه
العميل : الله يخليك يا باش مهندس، هل في عند حضرتك مكن تعبئة بهارات حاجة تبقى يدوي أو مانيوال حاجة صغيرة كده
المهندس منسي : آه عندنا آه
العميل : يدوي يكون سعرها معقول
المهندس منسي : يدوي إزاي، مافيش يدوي، يا نص أتوماتيك يا أتوماتيك
العميل : طب ماشي نص أتوماتيك ده مثلاً مكنة كبيرة، حجمها كام × كام تقريباً؟
المهندس منسي : كل المكن اللي عندنا أحجامه بنوسطنها إنها تتحط في مكان صغير
العميل : طب بيروح لحد فين تقريباً؟
المهندس منسي : يعني تقريباً في حدود يعني في حدود 8000 وشويه، وفي بقى معاها مكنة لحام حاجة اسمها لحام سير، بعد ما إنت عملت الحركة ديت تروح حاطط الكيس وهو ياخدها ويلحمها ويرميها الناحية التانية لوحده
العميل : آه.. تمام… دي موجودة عند حضرتك حالياً يعني؟
المهندس منسي : آه موجودة تعالى اتفرج
العميل : طيب ماشي… حضرتك أنا بس جيت معايا عربية تعذبت لحد ما وصلتلك دلوقتي أنا جاي مواصلات، أنا من القليوبية شبين القناطر، أركب إيه عشان آجي لحضرتك
المهندس منسي : كنت جاي معاك عربية وعملت إيه؟
العميل : أقعدت أسأل لحد ما وصلتلك، كان معايا العربية، مش فاكر الطريق، فدلوقتي أنا جاي مواصلات هنزل مسطرد، أركب إيه من مسطرد عشان أوصل لحضرتك
المهندس منسي : أنا بالنسبة وصف العناوين صعب، هبعتلك في رسالة هتلاقي في تليفونات المبيعات كلم أي حد فيهم وهوه هيوصفلك
العميل : طيب ماشي، حضرتك ابعتلي الرسالة الله يعزك يا رب، الله يخليك، ماشي، ماشي يا فندم.. اتفضل.. سلام عليكم