ماكينة تعبئة البهارات الاوتوماتيك من شركة المهندي منسي

ماكينة تعبئة البهارات الاوتوماتيك من شركة المهندي منسي

العميل : السلام عليكم

مهندس منسي : عليكم السلام ورحمة الله وبركاته

العميل : باش مهندس منسي معايا

مهندس منسي : أيوه

العميل : إزيك يا باشا

مهندس منسي : أهلاً وسهلاً

العميل : أحمد خطاب معاك يا باشا

مهندس منسي : نعم؟؟؟

العميل : أحمد خطاب من طرف الحاج ياسر المرجاوي

مهندس منسي : أهلاً بيك

العميل : أهلاً بيك يا باشا، أنا خدت شوفت موقع حضرتك علي النت إمبارح قالي لو عايز تسأل على أي حاجة في موضوع المطاحن وكده الباش مهندس منسي هيفيدك يعني، فإحنا كنا عايزين مطحنتين صغيرين، أنا شغلي كله بهارات عشان تبقى عارف

مهندس منسي : آه مطحنة بهارات صغيرة؟

العميل : آه عايز 2 صغيرين، بس عايز حاجة تكون ليها قطع غيار، ويكون مالهاش صوت هتتحط في محل يعني

مهندس منسي : ما أحسن حاجة بنمتاز بيها إن المطحنة بتاعتنا مالهاش صوت، لا ليها صوت ولا غبرة

العميل : آه.. آه… يعني ما تطلعش غبرة ولا حاجة…

العميل : صيني هي ولا تركي ولا كوري…

مهندس منسي : صيني آه، صيني بس تحت إشرافنا إحنا، يعني إحنا اللي بنقي بناء على… لأن إحنا مهندسين مش تجار

العميل : أنا فاهم.. فاهم…

مهندس منسي : فاهمين يعني إيه مكنة ومواصفات

العميل : آه… طيب المكنة دي مثلاً القادوس بتاعها بياخد أد إيه؟

مهندس منسي : ما هي مش مكنة واحدة، إنت بتقولي مكنة عايز طاقة إنتاجية في الساعة كذا، أو في النص ساعة كذا، أو في اليوم كذا

العميل : عايز حاجة مثلاً ينفع تتحط في محل صغيرة، وفي نفس الوقت، مثلاً القادوس بتاعها ياخد 10-20 كيلو

مهندس منسي : آه.. لا إنت عايز حاجة صغيرة قوي

العميل : إنت عندك إيه بقى؟

مهندس منسي : أنا عندي الإنتاجية، اللي هي بتعمل نص طن في الساعة

العميل : طيب دي تشتغل طبعاً عايزه 3 فاز؟

مهندس منسي : لأ كل مكنا بنشغله 2 فاز، حتى لو 3 فاز بنشغله 2 فاز إلا إذا طلب العميل 3 فاز بنعملهاله 3 فاز، إنما بالنسبة 2 أو 3 فاز ديت مش فارقة خالص

العميل : آه يعني إنت قصدك بتعمل تعديل

مهندس منسي : آه بقولك إحنا مهندسين ففاهمين بنعمل إيه؟

العميل : طب كويس، حد من عندك بيعمل تعديل في الكهربا بحيث إنها تشتغل 2 فاز

مهندس منسي : إن شاء الله

العميل : طب ديت سعرها كام؟

مهندس منسي :

العميل : طيب ما ألاقيش حاجة صغيرة خالص؟

مهندس منسي : ممكن بقى تراسل الشركة وهمه يتابعوا معاك، أنا هبعتلك إيميل الشركة دلوقتي في رسالة وتابع معاهم

العميل : ماشي مافيش مشكلة

مهندس منسي : ماشي مع السلامة

العميل : ماشي يا باشا شكراً