ماكينة تعبئة البودر الناعم الأوتوماتيكية من شركة المهندس منسي
ماكينة تعبئة البودر الناعم الأوتوماتيكية من شركة المهندس منسي
العميل : شركة المهندس إن شاء الله
مهندس منسي : أيوه
العميل : بقولك يا باشا كنت عايز أعرف المكنة اللي هي بتاعت تعبئة البدرة دي
مهندس منسي : آه موجودة آه
العميل : دي عامله كام؟
مهندس منسي : في نص أتوماتيك وفي أتوماتيك
العميل : طب النص أتوماتيك دي عامله كام؟
مهندس منسي :
العميل : طب والأتوماتيك؟
مهندس منسي :
العميل : طب تحتاج مكان أد إيه؟
مهندس منسي : المكن الحديث دلوقتي ما بقاش بيحتاج مكان
العميل : مش بتحتاج مكان كبير يعني؟
مهندس منسي : آه… كل المكن الحديث دلوقتي اللي هوه أحدث تكنولوجيا العصر ما بيحتاجش مكان قوي، يعني كل العملية لو إنت عندك مكان فاضي متر × متر، مترين × مترين خلصت، كمان عملينوا كله كهربا بيوت عادية…
العميل : يعني ما يستهلكش كهربا يعني؟
مهندس منسي : ولا الهوا، ومسهلين الأمور كمان
العميل : والرول؟
مهندس منسي : إنت هتاخد نص أتوماتيك ولا أتوماتيك كاملة؟
العميل : هشوف أنا، هوه بالنسبة لو أخدت الأتوماتيك الرول هجيبه من المصنع عادي؟
مهندس منسي : آه عندنا برده، عندنا رولات وعندنا أكياس، ولكن إنت في حالة النص أتوماتيك إنت بتاخد أكياس مش رولات، أما في حالة الأتوماتيك إنت بتاخد رولات مش أكياس
مهندس منسي : يا حبيب إنت في النص أتوماتيك بتاخد أكياس…
العميل : أكياس عادي…
مهندس منسي : يا أخي اسمعني لما أتكلم إنت… ما هو أنا هقعد أقول …… في الآخر مش هتفهم مني حاجة
العميل : طيب
مهندس منسي : في النص أتوماتيك إنت بتاخد أكياس، أما في الأتوماتيك بتاخد رولات، اتفضل
العميل : آه.. آه… خلاص طيب، اسم حضرتك إيه طيب؟
مهندس منسي : المهندس منسي الاستشاري بتاع الشركة
العميل : ماشي يا باش مهندس
مهندس منسي : هبعتلك بقى تليفون المبيعات وإنت اتعامل معاهم بقى
العميل : ابعتهولي يا باشا، عشان لو كده إن شاء الله يا باشا على الحد كده نكلمك
مهندس منسي : ماشي يا بيه
العميل : ماشي.. أنا شغال على فكرة في المنظفات في كارفور
مهندس منسي : والله
العميل : آه والله، شغال في المنظفات في كارفور
مهندس منسي : آه.. آه.. يعني إنت ماسك إيه هناك؟
العميل : ماسك البودر.. كل حاجة يعني
مهندس منسي : يعني إنت في الادارة ولا في السلز ولا إيه؟
العميل : لأ أنا في السلز بره
مهندس منسي : آه يعني ماسك مثلاً.. الناس مثلاً لما تكون عايزين تجيب منتجات من عندكم أعرفهم بيك؟
العميل : آه.. عرفهم بيا لو عايزين يجيبوا منتجات جملة؟
مهندس منسي : آه
العميل : هو الأيام دي الدنيا عندنا متعقدة، فاهمني
مهندس منسي : قافلين يعني
العميل : آه قافلين قفلة سودا يعني، فاهمني
مهندس منسي : الطلب عليها جامد
العميل : عشان حققنا التارجت بتاعنا فقفلينها الأيام دي
مهندس منسي : آه.. آه…
العميل : فاهم قصدي
مهندس منسي : اه يا ريس
العميل : آه.. آه.. في شهر واحد كده إن شاء الله خير
مهندس منسي : يعني كمان أسبوع
العميل : آه.. آه.. ما تقلقش يا باش مهندس
مهندس منسي : ماشي
العميل : أنا هكلمك إن شاء الله يكون فيه فتحة خير بينا
مهندس منسي : إن شاء الله
العميل : ماشي يا باش مهندس