ماكينات تعبئة بقوليات واعشاب لحد كيلو من شركة المهندس منسي
ماكينات تعبئة بقوليات واعشاب لحد كيلو من شركة المهندس منسي
العميل: سلام عليكم
المهندس منسي: عليكم السلام ورحمة الله وبركاته
العميل: والله بس بسأل على ماكينات التعبئة اللي عندكم
المهندس منسي: آه
العميل: الأسعار بس، في عندك أتوماتيك ولا نص أتوماتيك
المهندس منسي: عندي الأتوماتيك والنص أتوماتيك، وبتعبي في أكياس، وبتعبي في عبوات
لأ العميل: تعبئة وتغليف نص أتوماتيك وأتوماتيك، عايزين سعر…
المهندس منسي: ما هو حضرتك كده بتسأل سؤال عام، مكن تعبئة وتغليف اللي إنت عايزها هتعبي إيه وهتغلف إيه؟؟؟ كده يعني
العميل: بقوليات.. سكر وبتاع، وبعدين أعشاب وبجانبها أعشاب يعني تبدأ من نص كيلو وكيلو وممكن 5 كيلو، أو لحد كيلو مش مشكلة
المهندس منسي: آه…
العميل: نص أتوماتيك؟
المهندس منسي: آه
العميل: والأتوماتيك؟
المهندس منسي: بتبدأ من 38500
العميل: طيب لو فتحنا لـ 5 كيلو يعني تبدأ من كيلو ـ لحد 5 كيلو كام؟
المهندس منسي: بتعمل 75000
العميل: ده الأتوماتيك ها؟
المهندس منسي: لا النص أتوماتيك
العميل: والأتوماتيك؟
المهندس منسي: بتعمل في حدود ربع مليون
العميل: يعني 250 ها؟
المهندس منسي: الله ينور عليك، إيه الحلاوة دي
العميل: طيب بالنسبة للنص أتوماتيك إنت تديها الأكياس والتعبئة الكتروني، ولا تتعبى وتلحم بس
المهندس منسي: آه إنت تديها الأكياس وهي تعبي، وبعد ما تعبي تاخد منها الأكياس واخد بالك، وتحطه على مكنة لحام إنتاجية
العميل: آه… يعني أم 75000 دي بس تعبئة بس يعني
المهندس منسي: تعبئة بس للـ 5 كيلو وزنية
العميل: أيوه لحد 5 كيلو
المهندس منسي: هوه إنت عايز تعبي 5 كيلو ليه؟؟؟
العميل: هوه إحنا الأساسي كيلو
المهندس منسي: آه ما هوه الأساسي كيلو دايماً، فإنت بدل ما تفتح على مبالغ كبيرة، فإنت خليك في الكيلو وخلاص وريح دماغك، وبعدين الكيلو ممكن في يوم من الأيام إنت ممكن….
العميل: نعم؟؟
المهندس منسي: إنت ممكن المكنة الكيلو في يوم من الأيام تعدلها
العميل: آه.. يعني تعبي خمسات
المهندس منسي: آه ممكن آه في يوم من الأيام تعدلها، إيه المانع؟؟
العميل: طيب دي اللي هي آخرها، خلينا في الأتوماتيك، إحنا عرفنا النص أتوماتيك 16
المهندس منسي: آه…
العميل: إنما الأتوماتيك كاملة بـ 38.5 دي في مجال في الكلام ده ولا ما فيش؟
ل المهندس منسي: ا ده إحنا شركة إنترناشيونال، شركة محترمة
العميل: يا سيدي أنا عارف يا باش مهندس منسي أنا جايب….
المهندس منسي: يعني ينفع تتصل بشركة توشيبا وتقولهم في مجال….
العميل: لا ممكن خط الإنتاج ممكن أقوله الكلمة دي…
المهندس منسي: ده مع التجار مش معانا، إنما إحنا براند، براند يعني إحنا ماركة، شركة إنترناشيونال شركة عالمية، مش شركة صغيرة
العميل: ده محلي ولا ماركات؟
المهندس منسي: آه دي ماركة المهندس منسي دي ماركة….
العميل: أنا عارف يا سيدي… يا باش مهندس معاك المهندس علي إنتاج معاك واخد بالك، أنا عارف إن ماركات، ده تصنيعك محلي، بالنسبة للمواتير والبتاع ده بيبقى ماركات ولا كله محلي عندك
المهندس منسي: أنا مش شايفك سيبلي مساحة إن أنا أتكلم، هاديني فرصة إن أنا أتكلم عشان خاطر أقدر أفهمك الوضع إيه…
العميل: طب أنا معاك واتكلم للنهاية
المهندس منسي: إحنا بالنسبة لنا بنصنع الاسبير بارتس اللي هي قطع الغيار بنصنعها بره مصر، هنا في مصر مش عارفين نصنع أي حاجة
العميل: آه
المهندس منسي: فإحنا بنصنع قطع الغيار بره مصر وبعد كده بنجمعها، لينا فرع في هونج كونج، ولينا فرعين في الصين، ولينا 5 أو 7 فروع مصر
العميل: آه….
المهندس منسي: وقريب إيطاليا وأوكرانيا وتركيا والسعودية
العميل: آه…
المهندس منسي: فهمتني ولا ما فهمتنيش
العميل: فهمت حضرتك
المهندس منسي: إحنا شركة عالمية، إحنا مهندسين ناجحين وليس تجار
العميل: آه.. آه…
المهندس منسي: المعتاد في مصر إن إنتم بتتكلموا دايماً مع تجار، فيقعد هوه وشطراته مع الزبون، لأن أنا راجل مهندس، معرفش شطارة، أعرف التصنيع، أنا تكونت على الصناعة
العميل:تمام… لا يبقى يلزمك جايه بقى
المهندس منسي: العنوان بتاعك باب الشعرية القديم، أمام مدرسة البنات الثانوية..إن شاء الله تيجي تنورني في أي وقت يا غالي
العميل: ماشي على العموم يعني أنا خلال اليومين دول هكون عند حضرتك
المهندس منسي: ماشي يا غالي
العميل: أسعارك اللي هي 38.5 و 12 ها
المهندس منسي: إن شاء الله
العميل: طيب ماشي، ده بالنسبة للأتوماتيك الخاصة.. من البداية للنهاية
المهندس منسي: آه إن شاء الله
العميل: طيب ماشي… شاكرين أفضالك
العميل: 12نص أتوماتيك
المهندس منسي: آه ما الـ 12 نص، أما أم 38.5 دي أتوماتيك تاخد منها المنتج على طول
إن شاء الله
العميل: ماشي يا باش مهندس، تسلم يا باشا شكراً