ماكينات تعبئة الملح الاتوماتيك والنص اتوماتيك من شركة المهندس منسي
ماكينات تعبئة الملح الاتوماتيك والنص اتوماتيك من شركة المهندس منسي
العميل : سلام عليكم
المهندس منسي : عليكم السلام ورحمة الله وبركاته
العميل : إزيك يا باش مهندس
المهندس منسي : أهلاً بيك
العميل : الباش مهندس منسي
المهندس منسي : أيوه
العميل : إزي حضرتك يا فندم
المهندس منسي : الحمد لله
العميل : بقول لحضرتك كنت عايز أستفسر بس على أسعار مكينة تعبئة وتغليف الملح
المهندس منسي : آه اتفضل
العميل : عايزين حاجة …. إحنا لسه مبتدئين فعايزين حاجة على الأد يعني، بداية مشروع صغير كده، فعايزين مشورة حضرتك يعني
المهندس منسي : ولا يهمك، إحنا عندنا نص أتوماتيك وتلت تربع أتوماتيك وأتوماتيك
العميل : طب ده بكام؟ وده بكام؟ وده بكام؟
المهندس منسي : النص أتوماتيك بـ يعني ، والتلت تربع أتوماتيك بـ 3 يعني 0 جنيه، والأتوماتيك الكاملة يعني 0 جنيه
العميل : طب اللي هي النص أتوماتيك دي يا باش مهندس عبارة عن إيه؟
المهندس منسي : دي مكنة تعبئة بيبقى معاها مكنة لحام بتشتري مكنة لحام جنبها اسمها لحام سير، إنك بعد ما تعبي تقوم حاطط الكيس على السير، السير ياخده يلحمه ويرمي الناحية التانية
العميل : آه.. يعني أنا أجيب المكنة مثلاً بتاعت حضرتك دي بتعبي
المهندس منسي : آه
العميل : يعني لازم أجيب برده مكنه تطحن كده صح؟
المهندس منسي : تطحن إزاي؟؟
العميل : مش هيا فيها طاحونة مثلاً لو حطيت…
المهندس منسي : لا الطاحونة لوحدها، إنت بتحط الملح بس سايب، وهي تروح واخده الملح ده تروح معبياهولك في كيس، بعد ما تعبي في كيس العامل كل دوره إن هوه ياخد الكيس يحطه على السير، هوه السير بقى بينقله ويلحمه ويحطهولك في المكان اللي إنت عايزه
العميل : يعني أنا بعد ما آخد المكنة ديت أجيب مكنة لحام؟
المهندس منسي : آه اسمها مكنة لحام بسير
العميل : اللي هي ديت عامله كام؟
المهندس منسي : مش مكنة لحام عادية اللي بتشوفها في محل البقالين ديت، لأ مكنة لحام بسير، ديت إنت كل اللي عليك إنك بتحط الكيس على السير بيروح يترمي على الناحية التانية
العميل : يعني مثلاً بعد ما المكنة تعبي.. هي بتعبي وزني طبعاً لما تديها الوزن بتعبيه؟
المهندس منسي : أيوه
العميل : طب حضرتك إنتم مكانكم فين؟
المهندس منسي : إحنا عندنا حدائق القبة، مدينة نصر، باب الشعرية، 6 أكتوبر، العبور
العميل : طيب ماشي، لو كده إن شاء الله إحنا ممكن نعمل زيارة لحضرتك ونشوف الدنيا فيها إيه، ونيجي نشوف ده ونشوف ده ونشوف ده إن شاء الله
المهندس منسي : تيجي تنورنا يا غالي، عايز أبعتلك مبيعات أنهي فرع
العميل : والله أنا هنا في كفر الشيخ
المهندس منسي : هبعتلك باب الشعرية حالاً
العميل : طيب ماشي أنا الأقرب مني إيه؟
المهندس منسي : والله ما عارف، أنا هبعتلك الفروع كلها وإنت تنقي؟
العميل : طيب ماشي، إنت هتبعتلي إيه أرقام مثلاً؟
المهندس منسي : آه أرقام المبيعات وإنت تابع معاهم بقى، تقولهم أنا عايز النص أتوماتيك… كده أنا وضحت لك الصورة ده دوري، إنما أنا مش مبيعات، أنا استشاري بس
العميل : تمام.. طيب ماشي يا باشا
المهندس منسي : أنا دوري إن أنا أوضحلك الصورة وأقولك المكنة اللي تناسبك إيه، والمكنة إيه وأوصفلك الحالة…
العميل : بس هي نوعها إيه يا باش مهندس؟ إيطالي ولا صناعة إيه؟
المهندس منسي : إيطالي إيه؟؟
العميل : يعني هي صناعة مصرية ولا…
المهندس منسي : إحنا ماركة حضرتك ماركة.. براند، بص حضرتك إنت مثلاً لما تيجي تتكلم تقول التليفون الآي فون مثلاً، هتقوله دي بلده إيه؟
العميل : لأ طبعاً
المهندس منسي : إنت بتاخده على سمعة آي فون نفسه لأنه ده يعتبر دولة لوحده، فإنت النهاردة دي ماركة مش ماركة مسجلة مصرية بس، دي ماركة عالمية
العميل : تمام…
المهندس منسي : إنتم عايزين أكتر من كده بقى، بس هوه إيه قالك ايه البلد ما بيحظهاش
العميل : أكيد.. أكيد
المهندس منسي : إن ناجح البلد لا يطرب
العميل : أكيد أو شاعر البلد ما بيسليهاش صحيح
المهندس منسي : أيوه… إنما إحنا اسمنا بره باسم الله ما شاء الله الماركة بتاعتنا بره بقى كل الناس عارفنها وفاهمنها وعارفين القصة بتاعتها والجودة بتاعتها وخدمة ما بعد البيع…
العميل : طب في ضمان على الصيانة وفي…
المهندس منسي : أكيد سنة ضد عيوب الصناعة.. تصدق وتؤمن بالله
العميل : لا إله إلا الله
المهندس منسي : آخر تقارير جمعتها الشركة عندنا عدد المواتير اللي يتم استبدالها صفر.. صفر
العميل : طب الحمد لله، يعني الصناعة تمام
المهندس منسي : ولا ماتور لغاية دلوقتي رغم إن الماتور صيني درجة أولى، واخد بالك، صفر، عدد الكامات صفر، عدد العمدان صفر، مافيش، يعني الناس بتوع الصيانة لا حول الله قاعدين يمصمموا صوابعهم، خايفين لا الشركة تمشيهم
العميل : طب حضرتك بالنسبة للمكنة هي فيها كام كوباية؟ ولا هي عين واحدة مثلاً
المهندس منسي : لا الوزنية ما بتبقاش كوبايات بتبقى وزنية، بيبقى حاجة اسمها سينسور وزني، سيستم وزني كده الحاجة بتنزل على السيستم دوت بتتوزن تروح نازله في أوتوفيل كده…يعني بيخشلها مثلاً ليها كلبريشن كده يخش على الكلبريشن وتغطي المساحة مثلاً وتشتغل
العميل : أيوه الكلبريشن يا باشا ده أنا قعدت في شركة بيبسي العالمية في السعودية كنت أنا مسئول صيانة هناك على الماكينة اللي هي الألماني دي
المهندس منسي : آه.. آه.. ده كويس ممتاز
العميل : فكنت أنا شغال.. أنا عارف البرنامج بتاعها من الوزن والكلبريشن وكل حاجة يعني
المهندس منسي : آه.. كويس
العميل : بس طبعاً أنا قعدت وعايز أفتح المشروع ده، أنا عامة بوزع جملة، يعني بس بجيب من واحد بصراحة كل يوم طالعلي في سعر، فأنا قررت إن أنا أعبي أنا
هوه طالعلك في ديت إنت تعدلها، أما إنك يبقى حضنك في عبك، وابنك بتربيه على إيدك ده الفايدة الكبرى، الفايدة الكبرى إن ابنك الصغير بتربيه وبيكبر قدام عنيك، زرعك بيكبر قدام عينك تمام.. ما قلت أنا بشتغله أنا كده مندوب، باخد في الطرد مثلاً جنيه فمش هينفع
المهندس منسي : إنت عارف لو إنت بتاخد مكسب من وراه نص جنيه، وبتاخد من وراك إنت ربع جنيه، صدقني.. صدقني خد من وراك إنت ربع جنيه دلوقتي
العميل : تمام…
المهندس منسي : لأن إنت كده بتكبر في اسمه بالربع جنيه التاني
العميل : أكيد طبعاً
المهندس منسي : وهو كل واحد عندنا كأنه عبى شوية ملح ولا عبى شويه سكر فكر إنه عمل المفاعل النووي، يكتبلك اسمه واسم أمه وتولد فين ورقم التليفون أهوه…. وعمال يلف عشان ياكل رزقك
العميل : ده صحيح
المهندس منسي : بحيث إن تاجر الجملة يبص يلاقي الأرقام هوب يروح متصل بيه هوه، طب وإنت كل العملية إنك عملته دعاية، شكراً يا سيدي
العميل : صحيح.. ما هو أنا المسوق بتاعه
المهندس منسي : ما هو إنت عملته دعاية، ما هو إنت سوقته أكياسه عليها الويب سايد بتاعه، أو عليها الإيميل بتاعه، أو عليها التليفونات بتاعته، وقعدت تلف للناس وتقلهم جربوا، طب معلش، طب… وإنت اللي شلت المرمة وهوه قعد على الجاهز بتربيلوا زرعه
العميل : ده طبيعي صح.. صح
المهندس منسي : يعني هوه زرع الزرعة وإنت قاعد بتراعيها له وكل حاجة…
العميل : ده أنا وصلت الحمد لله مبيعات من عنده كام 2500 طرد شهري
المهندس منسي : يا عم مش مشكلة ربنا يرزقك، ولكن هوه صدقني نصيحة لوجه الله إنك إنت مجهودك إنت بتديه لغيرك، بتبني في ملك غيرك
العميل : تمام…
المهندس منسي : صدقني لو إنت هتكسب من مصنعك جنيه، ولو هتكسب من مصنعه هوه 2 جنيه، صدقني أفيدلك تكسب إنت جنيه، لأنك إنت بتبني اسم
العميل : وأعملي اسم في السوق
المهندس منسي : آه.. النهاردة مثلاً شركتنا ما كنش ليها اسم في السوق، كان اسمها مترنح، النهاردة شركتنا اسمها على مستوى العالم، بعد 8 سنين جهد بأمانة ومبدأ وضمير
العميل : أكيد.. أكيد.. أكيد، مافيش مشكلة إنت حضرت ابعتلي الأرقام وأنا هشوف إيه اللي قريب مني وإن شاء الله أتواصل معاه ونشوف، إنتم عندكم نظام تقسيط ولا كله كاش؟
المهندس منسي : كله كاش يا باشا
العميل : مافيش مشكلة على خير إن شاء الله
المهندس منسي : ماشي يا باشا
العميل : ابعتلي بس الأرقام ونشوف الدنيا فيها إيه وبإذن الله نتواصل معاهم
المهندس منسي : إن شاء الله
العميل : ماشي يا بيه كتر خيرك وآسف على الإزعاج معلش
المهندس منسي : ولا يهمك يا غالي
العميل : ربنا يخليك مع السلامة