ماكينات تعبئة بودرة البلاستيك الناعمة من شركة المهندس منسي
ماكينات تعبئة بودرة البلاستيك الناعمة من شركة المهندس منسي
العميل : السلام عليكم
المهندس منسي : عليكم السلام ورحمة الله وبركاته
العميل : شركة المهندس منسي للتغليف
المهندس منسي : أيوه
العميل : يا فندم المصنع بتاع حضرتك بيصنع مكن؟
المهندس منسي : آه
العميل : طيب إحنا عايزين تصنيع مكن بتاع بودرة وعايزنها نقفلها الغطا
المهندس منسي : هتعبوا بودرة إيه؟
العميل : أدوية، إحنا شركة أدوية
المهندس منسي : بس عايز أشوف الأدوية لأن البودرة نفسها
المهندس منسي : العبوات عندنا بلاستيك
العميل : آه ما شاء الله، كويس قوي
المهندس منسي : بصي يا سيتي البودرة نفسها أنواع، ففي بودرة اللي هي زي النشا والدقيق، وفي بودرة زي السكر المطحون، المكنة دي ما تنفعش للمكنة دي، والمكنة دي ما تنفعش للمكنة
العميل : تمام
المهندس منسي : فكنت عايز أشوف عينة من البودرة وأعرف هتعبوا كام جرام؟ وعايزين طاقة إنتاجية أد إيه في الساعة؟
العميل : طيب ممكن تستنى معايا ثواني؟
المهندس منسي : لأ هتخليني على التليفون لحد ما تروحي تسألي، اسألي واتصلي بيا تاني
العميل : طيب معلش اسم حضرتك إيه؟
المهندس منسي : المهندس منسي
المهندس منسي : إحنا شركة الحكمة فارما
العميل : أهلاً بيكي، مع السلامة
المهندس منسي : مع السلامة
العميل : السلام عليكم
المهندس منسي : عليكم السلام ورحمة الله وبركاته
العميل : شركة المهندس منسي
المهندس منسي : أيوه
العميل : مع حضرتك هشام متولي شركة الحكمة فارما
المهندس منسي : أهلاً بيك
العميل : أهلاً بيك يا فندم، أ/ مروة لسه مكلمة حضرتك دلوقتي بخصوص مكنة باودر ماشين
المهندس منسي : آه
العميل : إنتم بتصنعوا ماكينات يا باش مهندس؟
المهندس منسي : إحنا بنعمل تصميماتنا ورسوماتنا وبنصنع قطع الغيار بره وبنجمعها هنا في مصر
العميل : ما عنديش مشكلة، طيب بس إنت في الأول بتبعتلي رسم للمكنة اللي هنفذ عليها، بناء على المواصفات اللي أنا هبعتهالك صح؟
المهندس منسي : آه بنعملك رسم وكل حاجة بس ده لما نحس بالجدية بس في التنفيذ
العميل : ده أكيد يا فندم….ثانية واحدة
المهندس منسي : أنا معاك
العميل : ألو…ألو…سامعني كده كويس
المهندس منسي : أيوه معاك اتفضل
العميل : بص يا باش مهندس، إحنا مطلوب مننا مكنة تبقى 2 أو 3 نزل نعبي فيها بودرة بلاستيك
المهندس منسي : آه.. كام جرام؟
العميل : لأ هي سوفت مش عارف كام جرام بالضبط، بس هي بتبقى سوفت، ناعمة
المهندس منسي : آه… بس كنت عايز بس أشوف عينة البودرة، لأن البودرة دي أنواع، في منها زي النشا والدقيق والحنا والبن، وفي منها زي السكر المطحون كده، في فرق سعر كبير قوي بين دي وبين دي، وفرق ميكانيزم كبير قوي بين دي ودي
العميل : لأ بص هي غالباً سوفت عامله زي السكر المطحون
المهندس منسي : آه ماشي
العميل : لأن هي سوفت فعلاً وأنا بدخل كده كده في الصناعة بتاعتي سوفت
المهندس منسي : وماله ممكن نتكلم دلوقتي على السكر المطحون وبعد كده ساعة التنفيذ…
العميل : آه هيبان ساعتها ماعنديش مشكلة إن شاء الله
المهندس منسي : إن شاء الله
العميل : هبعتلك عينه بتاع الكاب البلاستيك والبلاستيك بوتل بتاعها، ماشي
المهندس منسي : ماشي
العميل : أستأذنك بس تبعتلي الميل بس في رسالة أبعتلك عليه؟
المهندس منسي : حاضر هبعتلك في رسالة حاضر
العميل : ماشي مع السلامة