مكنة تعبئة ملح اتوماتيك من شركة المهندس منسي
مكنة تعبئة ملح اتوماتيك من شركة المهندس منسي
العميل: سلام عليكم..باش مهندس منسي معايا
المهندس منسي: أيوه
العميل: معاك محمود من الجيزة
المهندس منسي: أهلاً بيك..نعم؟؟؟
العميل: حضرتك كنت عايز مكنة تعبئة ملح
المهندس منسي: مش سامع حضرتك يا أ/ محمود
العميل: بقولك عندك مكنة تعبئة ملح
المهندس منسي: آه عندنا آه
العميل:عامله كام؟
المهندس منسي: عايزها نص أتوماتيك ولا أتوماتيك
العميل: لا أتوماتيك
المهندس منسي: آه بتبدأ من
العميل: اللي عندك بجهاز الرفع بتاعها وكله ولا….؟؟
المهندس منسي: لا من غير جهاز الرفع، جهاز الرفع لوحده بيعمل
العميل: وستالس تيل كلها ولا فيها أجزاء حديد؟
المهندس منسي: الأجزاء الملامسة للمنتج كلها ستالس
العميل: والشاسيه حديد صح؟
المهندس منسي: آه الشاسيه حديد واخد ألتراسونيك، وفي كمان مكن استالس كلها كامله
العميل: بتزيد في ؟
المهندس منسي: بتزيد حوالي 3000 جنيه بس يعني
العميل: يعني لو عايز مكنة كلها استالس بجهاز الرفع كلها تعمل أد إيه بالضبط؟
المهندس منسي: ما هو زي ما قلتلك يا أ/ محمود، المكنة بـ ، والمناول… لو إنت عايز المناول مع إن أنا مش شايف له فايدة المناول يعني، مالوش أي لازمة
العميل: ليه بقى؟؟
المهندس منسي: ما هو إنت بتعمل بنك وبترص الشكاير بتاعتك كلها على البنك
العميل: لأ… اللي الرفع…. اللي هوه الحوض رفع
المهندس منسي: آه.. بص الكلام في الصناعة ما ينفعش نظام الشات ده، إنت حضرتك تيجي وتقعد معانا هنقولك أحدث حاجة، هنحللك مشاكل كتير قوي، يعني إنت دلوقتي بتشيل الشوال بتاعك وبتحطه تحت، جهاز الرفع يروح إيه يروح مطلعه فوق في المكنة
العميل: آه…
المهندس منسي: طب ما هو إحنا دلوقتي وصلنا لطريقة إن إحنا عملنا حاجة اسمها بنك، البنك دوت اعتلاؤه اعتلاء شوية للمكنة، بحيث إن اللي بيعتق الحاجة بيعتها على البنك ده، فريحك الراجل ما ينزلش على الأرض
العميل: آه…
المهندس منسي: وبعد ما عتق الحاجة بيجر ويحط في المكنة، يبقى المناول فايدته إيه بقى؟؟؟ ما عدش له فايدة غير إنه يتعب ظهر اللي واقف بس
العميل: هجيلك إن شاء الله يوم السبت، أجيلك الساعة كام؟
المهندس منسي: تيجي تنورنا إحنا عندنا حدائق القبة، مدينة نصر، باب الشعرية
العميل: الفرع بتاع مدينة نصر فأنهي حته بالضبط؟
المهندس منسي: في مكرم عبيد
العميل: طب ممكن تديني العنوان بالضبط، ولا أنا لما آجي هناك أرن عليك؟
المهندس منسي: هبعتهولك في رسالة حالاً
العميل: ماشي يا باشا.. ماشي يا باشا