ماكينة اتوماتيك لتعبئه وتغليف الباودر في اكياس
ماكينة اتوماتيك لتعبئه وتغليف الباودر في اكياس
العميل: السلام عليكم
المهندس منسي: عليكم السلام ورحمة الله وبركاته
العميل: حضرتك شركة المنسي
المهندس منسي: آه
العميل: طب والله حضرتك كنت عايز أسأل على مكن تعبية
المهندس منسي: آه مكن تعبية إيه؟
العميل: يعني مثلاً هعبي بن مثلاً سحلب كاكاو… اللي هوه الباودر يعني
المهندس منسي: آه.. هتعبيه في أكياس
العميل: هيبقى في أكياس بس مش الأكياس البيضا، هيبقى أكياس زي أكياس البن كده اللي في السوبرماركت
المهندس منسي: آه…
العميل: المكن ده موجود؟
المهندس منسي: موجود آه
العميل: طيب بالنسبة لأسعاره تتراوح من كام لكام يعني؟
المهندس منسي: في نص أتوماتيك وفي أتوماتيك
العميل: هتكلم في الأتوماتيك
المهندس منسي: الأتوماتيك بتعمل
العميل: يعني لو بالمصري تخش في 50000 مثلاً
المهندس منسي: في حدود 81000
العميل: شامله التغليف برده معاها؟
المهندس منسي: شامله التغليف إزاي؟
العميل: يعني مثلاً بحطلها المادة بتاعت التغليف وهي بتعبي وتغلف وتلحم؟ ولا مثلاً هتبقى تعبية بس بالنسبة لها؟
المهندس منسي: آه هي بتعمل كل حاجة أتوماتيك كاملة
العميل: يعني بديها مثلاً الشغل وبيطلع في الآخر متعبي في الحاجة اللي أنا هعبي فيها
المهندس منسي: أيوه
العميل: طيب ماشي حضرتك الشركة.. بس أنا جايب الرقم من على النت، المقر بتاع الشركة عشان لو عايز آجي الشركة أشوف المكنة
المهندس منسي: إحنا عندنا حدائق القبة، مدينة نصر، باب الشعرية، 6 أكتوبر
العميل: دول 3 فروع، طب لو أنا مثلاً هاجي لحضرتك، أو المفروض إن أنا آجي عن طريق عنوان…
المهندس منسي: إنت اختار الفرع اللي يعجبك أنا هبعتلك العنوان بتاعه
العميل: مافيش مشكلة… عموماً الرقم ده خاص بالشركة يعني..
المهندس منسي: آه خاص بيها
العميل: يعني أكيد الرقم ده في واتس آب وحاجات زي كده
المهندس منسي: آه فيه آه
العميل: خلاص مافيش مشكلة حضرتك أتكلم وقت تاني وناخد كل التفاصيل
المهندس منسي: ماشي يا غالي
العميل: ماشي شكراً
المهندس منسي: مع السلامة