مكنة تعبئة ملح ماركة المهندس منسي
مكنة تعبئة ملح ماركة المهندس منسي
العميل: سلام عليكم
المهندس منسي: سلام عليكم
العميل: آسف جداً لو كنت براسل حضرتك متأخر يا باشا
المهندس منسي: ماشي يا غالي
العميل: إيه الأخبار
المهندس منسي: الحمد لله
العميل: أنا عايز أسأل على مكنة تعبئة ملح التكلفة بتتراوح من كام لكام؟
المهندس منسي: هي عامله
العميل: دي اللي هي أول كاتيجري
المهندس منسي: آه…
العميل: تعبي أد إيه، يعني من كام لكام؟
المهندس منسي: من 50 جرام لغاية 350 جرام في الملح هتبقى لغاية نص كيلو، عشان الملح الكثافة.. الوزن بتاعه تقيل
العميل: آه.. طيب وبالنسبة دي هاف أتوماتيك؟
المهندس منسي: لا أتوماتيك كامل في منها نص أتوماتيك بتعمل
العميل: آه… بس أنا عايز أعرف المكنة دي بتشيل حجم أد إيه مثلاً بيتصب فيها أد إيه فوق مثلاً أو لحد كام
شوال..تمام… وبالنسبة التحكم بتاعها
المهندس منسي: إزاي؟؟؟
العميل: الكمبيوتر بتاع الجهاز بتاعها
المهندس منسي: بتاعنا إحنا مخصص لشغلنا
العميل: بتاعكم إنتم آه… تمام، دي بتعبي بقى كذا حاجة في بعض
المهندس منسي: آه
العميل: يعني ممكن تعبي بقوليات مع برده.. كل حاجة بأحجامها يعني
المهندس منسي: إن شاء الله
العميل: بالنسبة برده معلش هي حضرتك بتعمل كام كيس في الدقيقة
المهندس منسي: عملية كام كيس في الدقيقة ديت أنا ممكن أقولك دلوقتي 80 كيس في الدقيقة أو 120 كيس في الآخر ممكن المكنة ما تجيبهومش، بناء على إيه بقى؟؟؟ بناء على الخامة نفسها اللي إنت هتلحمها، والمادة اللي هتعبيها
العميل: هي بتقبل جميع أنواع الخامات البلاستيك
المهندس منسي: آه طبعاً
العميل: بتقبل كله سواء خفيف أو تقيل
المهندس منسي: إن شاء الله
العميل: والاستالس بتاعها كويس ولا معدل…
المهندس منسي: تعالى بص عليها
العميل: تمام… ماشي يا فندم، هوه مكان حضرتكم في باب الشعرية
المهندس منسي: إحنا عندنا حدائق القبة، مدينة نصر، باب الشعرية
العميل: فين في مدينة نصر؟
المهندس منسي: في مكرم عبيد
العميل: فين معلش في مكرم؟
المهندس منسي: قدام عمر أفندي، أنا هبعتلك الداتا بتاعته في رسالة دلوقتي حالاً
العميل: قدام عمر أفندي على طول يعني جنب السراج يعتبر
المهندس منسي: آه هناك كده آه
العميل: آه تمام يا ريت لو تبعتلي الداتا ياريت تمام.. ماشي يا فندم شكراً، مع السلامة