ماكينة تعبئة حاصلات زراعية موديل 904 من شركة المهندس منسي
ماكينة تعبئة حاصلات زراعية موديل 904 من شركة المهندس منسي
العميل: سلام عليكم
المهندس منسي: عليكم السلام
العميل: والله شفت عندكم على النت شركة منسي للصناعات الهندسية، كنت عايز أسأل على ماكينات تعبئة يدوي
المهندس منسي: آه
العميل: تعبئة حاصلات زراعية
المهندس منسي: أهلاً بيك
العميل: أهلاً بحضرتك
المهندس منسي: عايز تعبي الحاصلات الزراعية يدوي
العميل: في مكن عندكم يدوي..
المهندس منسي: مفيش حاجة اسمها يدوي، معنى كلمة مكنة يبقى إنت طلعت عن اليدوي، يدوي دي يعني ممكن تعبي بكوز، ممكن تعبي بكباية
العميل: تمام.. فاهمك
المهندس منسي: أول البداية مكنة نقول مكنة نص أتوماتيك، طالما مكنة يبقى لازم يبقى ليها دور
العميل: تمام.. ماشي تمام
المهندس منسي: هوه إنت هتعبي إيه؟
العميل: هعبي رز وسكر وكلام من ده
المهندس منسي: آه…
العميل: محتاج مكنة تغليف اللي هي اللحام دي
المهندس منسي: آه… هوه في مكنة نص أتوماتيك، هوه الرز والسكر بيقولوا عليها حاصلات زراعية؟
العميل: أيوه يا باشا، كله حاصلات زراعية طبعاً
المهندس منسي: هوه حضرتك موظف حكومي
العميل: لأ.. لأ أنا بعمل مشروع بس…
المهندس منسي: على أساس بشوف المصطلح طلع من مين يعني
العميل: لا همه حاصلات زراعية، ما أي حاجة ممكن أعبي سكر أعبي رز أعبي أي حاجة مش شرط
المهندس منسي: أصل هوه صدقني أنا بقالي دلوقتي 10 سنين في السوق أو 8 سنين في السوق فأول مرة أسمع المصطلح دوت
العميل: ما هي ما تعتبر حاصلات زراعية دوت، لا تعتبر إيه؟
المهندس منسي: لا صح.. صح إنت كلامك صح مهو عشان كده…
العميل: شامل كل حاجة
المهندس منسي: هوه دايماً بيجيبوا الألفاظ اللي هي كده اللي هوه الجماعة باللغة العربية موظفين الحكومة
العميل: آه.. آه… طب كويس اييه علاقة يا باش مهندس؟
المهندس منسي: تعبئة وتغليف الحاصلات الزراعية اللي عبارة عن السكر والبقوليات وإيه تاني؟
العميل: كله، السكر والرز والكلام دوت، أي حاجة.. أي حاجة
المهندس منسي: العدس والفاصوليا… موجود يا باشا، إنت عايزها نص أتوماتيك؟
العميل: آه تمام
المهندس منسي: موجودة آه، وعندنا برده مكنة نكملها لك بحيث إن إنت يعني مثلاً إزاي، حضرتك حطيت الكيس تحت الأوتوفيل جست الأوتوفيل شافه يقوم رميلك الكمية بتاعتك، الكمية بتاعتك دي مثلاً 100 جم، 200 جم، 300 جم، 400 جم، لغاية كيلو
العميل: آه..
المهندس منسي: مش شرط بس الـ 100 والـ 200، لأن الناس بتفهمنا غلط، يعني ممكن 150 عادي، ممكن 135 عادي.. يعني بالجرامات يعني عاوز تزود 10 عاوز تزود 5 جرام….
العميل: أقصى حاجة كيلو
المهندس منسي: أقصى حاجة فيها كيلو، دي وزنية
العميل: ما فيش حاجة 5 كيلو
المهندس منسي: 5كيلو تاخد 5 مكنات جنب بعضيهم
5 مكنات جنب بعضيهم
المهندس منسي: آه.. ونعملهم قادوس ياخد منهم همه الخمسة
العميل: آه… بس مفيش حاجة تعمل الـ 5 كيلو على طول
المهندس منسي: ما هوه الـ 5 كيلو ديت مشاكلها كتير و صيانة كتير، واخد بالك، يعني إحنا نقدر نعمل الـ 5 كيلو بس عارف في حاجة اسمها الجاذبية الأرضية، الجاذبية الأرضية النهاردة هتيجي تهبدلك الـ 5 كيلو شيلة واحدة واخد بالك فبتروح عاملاك مشاكل، عامللنا إحنا مشاكل في المكنة مشاكل، وعامله مع الزبون مشاكل
العميل: إن هي بتنزل الكمية مرة واحدة.. آه
المهندس منسي: آه… اللي هي السير، لأن الحاجة دي بتبقى حاجة اسمها سير وزني، يعني حطين الحاصلات كلها بتاعت حضرتك، اللي عبارة عن السكر والرز والحاجات ديت
العميل: آه..
المهندس منسي: حطينها على المنتج، على القادوس
العميل: في القادوس…
المهندس منسي: في القادوس، نزلت على السير وزن كيلو، واخد بالك، أكتر من الكيلو دي بمشاكل
العميل: تجيب مشاكل آه
المهندس منسي: عشان كده لما نيجي بنعمل الـ 5 كيلو بنعمل إيه، بنعمل 5 مكنات جنب بعض، واخد بالك
العميل: معاك
المهندس منسي: فهنا المكنة ديت عامله النهاردة ، يعني
العميل: دي اللي هي المكنة اللي بتوزن من 100 جم لغاية 1000 جم
المهندس منسي: آه.. ده النهاردة ده سعر النهاردة
العميل: دي على سينسور ولا على إيه؟
المهندس منسي: على سينسورات آه
العميل: طب السينسور ده لو جراله حاجة دي قطع غياره أخباره إيه؟
المهندس منسي: ما هوه إحنا ماركة، إحنا ماركة براند عالمي، مش ناس راحت جابت شوية مكن من أي حته وجم يبيعوه، لا..
العميل: طب والقادوس بتاع حضرتك بياخد أد إيه؟
المهندس منسي: القادوس ممكن ياخدله في حدود 25 كيلو
العميل: بس
المهندس منسي: آه… ما هوه إنت بعد كده تعمل هوبر
العميل: هوبر إيه؟
المهندس منسي: هوبر يشيل المنتج يحطه في القادوس، وبعدين القادوس مش عالي قوي يعني، ده القادوس ارتفاعه 1.20
العميل: يعني ممكن واحد واقف.. بس 25 دي ماكس مام أقصى حاجة 25 كيس، الواحد كده هيشتغل على طول مش…
المهندس منسي: إنت ممكن تعمل إيه، إنت ممكن تعمل حاجة اسمها بنك، بنك إزاي؟ بنك تشغيل، تروح عامل اللي هوه بسموه الديكو، الديكو يعني إيه؟ روحت إنت عامل ترابيزة كده حاطط الشيلة عليها
العميل: آه..
المهندس منسي: الترابيزة دي بارتفاع القادوس
العميل: وواحد واقف يحط مثلاً يزود..
المهندس منسي: أيوه، هوه نفسه اللي بيعبي هوه نفسه اللي بيحط
العميل: لكن مافيش قادوس كبير؟ هوه نفسه اللي واقف بيعبي أنا فاهم حضرتك
المهندس منسي: آه أعملك قادوس كبير هيكلفك، أنا بسهلها عليك
العميل: هوه يبقى عامل شغال آه
المهندس منسي: أنا بسهلها عليك ما هوه…
العميل: طب لو قادوس مثلاً ياخد شوالين أو 3…
المهندس منسي: ما هوه أنا جايلك أهوه
العميل: اتفضل
المهندس منسي: أنا ممكن أعملك قادوس للمكنة القادوس يشيل نص طن، بس هيكلف أد حق المكنة، طب هوه أنا بحاول أسهلهالك وبحاول أعقدهالك
العميل: طب لو أنا حبيت أعمل القادوس كده، يعني حضرتك تديلي المكنة وأنا حبيت أعمل تعديل ممكن أكبره؟
المهندس منسي: كل المكن بتاعنا بدون استثناء كل المكن اللي بيحمل ماركتنا فليكسبورتي، يعني فليكسبورتي، يعني مرن، يعني تقدر تعمل فيه اللي إنت عايزها
العميل: آه…
المهندس منسي: المكنة النص أتوماتيك اللي حضرتك خدتها دي في يوم من الأيام تقدر تحولها أتوماتيك
العميل: آه…
المهندس منسي: فهمتني إزاي، هي دي الثورة، أو دي الصيحة اللي إحنا بنقدمها…
العميل: طب بتعدلها أتوماتيك إزاي بقى؟ تعدلها أتوماتيك وتلحم لوحدها، تعدلها أتوماتيك إزاي بقى؟
المهندس منسي: طب هعرف أوصفهالك إزاي بقى؟
العميل: طب خلاص لما أجيلك بقى، لما أجيلك بقى يا باش مهندس، اسم حضرتك إيه يا باش مهندس؟
المهندس منسي: أنا المهندس منسي
العميل: مهندس منسي، ده حضرتك شخصياً، ده أنت بحضرتك شخصياً
المهندس منسي: الله يبارلك
العميل: طب المواعيد إيه عشان لما آجي لحضرتك، عشان أنا هاجي من إسكندرية؟
المهندس منسي: من 11-9
العميل: كل يوم ماعدا يوم إيه؟
المهندس منسي: ماعدا يوم الجمعة
العميل: من 11-9 مساء ماعدا يوم الجمعة
المهندس منسي: هكملك باقي الحوار
العميل: مع حضرتك يا باش مهندس
المهندس منسي: بعد ما حضرتك عبيت روحت راميها على إيه على مكنة، فالمكنة التانية دي مكنة لحام أكياس، بس مش مكنة لحام أكياس عادية، المكنة اللحام الأكياس ديت بتعمل إيه، اللي إحنا عملناها بقى، بتعمل إيه؟ ليها سير، بتحط إنت الكيس على السير وبس وبتسيبه، يعني…
العميل: على السير وهو يمشي كده على السير…
المهندس منسي: بيمشي على السير يتلحم وترميه الناحية التانية
العميل: السير ده يدوب على أد الخط اللي ماشي عليه، صح كده؟
المهندس منسي: بيشيل لحد 5 كيلو
العميل: آه بمجرد ما أحطه على السير…
المهندس منسي: وممكن يشيل لحد 10 كيلو، يعني دلوقتي أنا ريحتك من عملية إن إنت كنت تمسك الكيس وتعبيه وبعد ما تعبيه تقعد تستنى لغاية ما يتلحم
العميل: تلحمه آه…
المهندس منسي: لأ دلوقتي بقيت تعبيه وبعد ما تعبيه إيه اللي يحصل؟ تروح رميه على السير..
العميل: تراك معين على أد السير يخش مكنة اللحام يلحم الـ 10 لتر
المهندس منسي: الله ينور عليك
العميل: ده يعتبر يدوي برده ولا يعتبر أتوماتيك
المهندس منسي: هوه إنت ماسك في اليدوي ليه، بقول لحضرتك طالما ماكينة ماتبقاش يدوي
العميل: فاهم حضرتك نص أتوماتيك
المهندس منسي: طالما دخل فيها كلمة تصنيع يبقى تحولت من يدوي إلى نص أتوماتيك، في بقى مكنة تانية أتوماتيك بقى اللي هي بتاخد كل حاجة وتعمل كل حاجة وتغلف لوحدها
العميل: آه…
المهندس منسي: اللي حضرتك بتسأل عليه دلوقتي نص أتوماتيك
العميل: طب تمام.. طب دي حضرتك بتكلفني بتكلفني المكنة بس بتاعت اللحام بالسير بتاعها ولا بتكلفني إيه؟ يعني جبت مكنة التعبئة
المهندس منسي: آه.. مكنة لحام السير دي لوحدها بـ ، يعني
العميل: 2000جنيه، طب إحنا إن شاء الله نيجي ناخد منك الحاجتين دول من حضرتك برده بالمرة
المهندس منسي: تيجي تنورنا
العميل: وفي كده حد بيجربهم ولا..
المهندس منسي: آه عادي بنجربهالك وبنعملك شرايط فيديو وبنعملك حاجات حلوة قوي
العميل: طب واللحام اللي هوه شريط اللحام حضرتك 12 مللي لو أنا عايز أطبع تاريخ الإنتاج عليه
المهندس منسي: موجودة فيها هي المكنة فيها الأوبشن ده
العميل: فيها الأوبشن ده، بيتحطلوا إيه ده أحبار ولا حاجة معينة؟
المهندس منسي: لا هوه بالغرز بيغرزها
العميل: آه بالغرز زي اسطمبة كده، حضرتك بتكتب اليوم وتروح غارزه
المهندس منسي: أيوه
العميل: تمام حضرتك يا باش مهندس، تمام
المهندس منسي: هبعتلك أنا بقى تليفون المبيعات في رسالة تتابع معاهم، هتقلهم عايز مكنة وزنية اللي على الكيلو، وعايز مكنة اللحام المستمر
العميل: ثواني مكنة اللحام المستمر، ومكنة تعبئة وزنية موديلها الموديل بتاعها…
المهندس منسي: موديل اللحام 301، وموديل مكنة التعبئة الوزنية 904
العميل: تمام كده، طب حضرتك هتديني الرقم ولا هتبعتهولي في رسالة؟
المهندس منسي: هبعتهولك في رسالة حالاً
العميل: طب حضرتك آجي على فين في القاهرة، آجي على باب الشعرية على طول ولا آجي على فين؟
المهندس منسي: براحتك إحنا عندنا باب الشعرية، وعندنا غمرة
العميل: أنا بتهيقلي غمرة دي جنب رمسيس على طول ممكن آجيها، مش همه الاتنين جنب بعض كده ولا إيه؟
المهندس منسي: براحتك.. براحتك، بص اللي يريحك وعندنا مدينة نصر
العميل: خلينا في القريب جنب رمسيس
المهندس منسي: شوف اللي يريحك إيه وأنا تحت أمرك
العميل: طب ابعتلي حضرتك رقم المبيعات وأنا آجي إن شاء الله ماشي
المهندس منسي: ماشي يا غالي
العميل: شكراً يا باش مهندس تعبت حضرتك شكراً يا باشا.. اتفضل مع السلامة