ماكينة تعبئة بودره الحريق من شركة المهندس منسي
ماكينة تعبئة بودره الحريق من شركة المهندس منسي
العميل: أيوه يا باشا.
المهندس منسي: أهلاً وسهلاً مين.
العميل: أنا كنت كلمتك علي الواتس قبل كده بحضرتك بخصوص مكنة تعبئة بدرة الحريق.
المهندس منسي: بدرة إيه؟
العميل: بدرة الحريق، بدرة الطفايات.
المهندس منسي: آه.
العميل: عملتنا إيه.. دي جت ولا لسه.
المهندس منسي: جت آه.
العميل: طب آجي في أنهي فرع.
المهندس منسي: هوه إنت كنت حاجز ولا إيه الوضع؟
العميل: كنت رحت الفرع اللي هوه في شارع.. حدائق القبة شارع الخليج المصري، بعدين قالولي ادوني ميعاد، اتصلت بيهم مرة تانية قالولي لسه من ما جتش من الميناء، المهم يعني سويت اتصال من كام يوم كده…
المهندس منسي: إنت كنت حاجز مكنة ولا مش حاجزها.
العميل: لا مش حاجز، أنا كنت خدت رقمها….
المهندس منسي: لا لا اللي جاينلي… اللي جم جم بالحجز، ممكن تروح تتفرج عليهم وتحجز.
العميل: طب فين أروح في أنهي فرع.
المهندس منسي: هوه فرع حدائق القبة، هبعتلك أنا العنوان في رسالة حالاً.
العميل: لا مش.. ما أنا رحت قبل كده ما أنا بقولك أنا رحت هناك.
المهندس منسي: طب ماشي، روح بقى بص عليها تاني.
العميل: طب خلاص ماشي، شكراً.
المهندس منسي: ماشي يا باشا مع السلامة.