ماكينة تعبئة الحبوب الأوتوماتيك ذات اللحام من الظهر من شركة المهندس منسي
ماكينة تعبئة الحبوب الأوتوماتيك ذات اللحام من الظهر من شركة المهندس منسي
العميل : السلام عليكم
مهندس منسي : عليكم السلام ورحمة الله وبركاته
العميل : المهندس منسي
مهندس منسي : أيوه
العميل : مع حضرتك محمود صدقي
مهندس منسي : أهلاً بيك
العميل : أهلاً بيك يا فندم، أنا شفت إعلان بتاع مكنة تغليف فكنت عايز أعرف آخد فكرة عن الموضوع ده وأشوف الأسعار
مهندس منسي : آه تحت الأمر
العميل : الله يخليك يا فندم، هوه المصنع في باب الشعرية صح؟
مهندس منسي : إحنا عندنا حدائق القبة، مدينة نصر، باب الشعرية، 6أكتوبر، العبور
العميل : حضرتك متواجد فين؟
مهندس منسي : أنا موجود في باب الشعرية طول أيام الأسبوع ماعدا يوم السبت والثلاثاء بكون في فرع مدينة نصر
العميل : تمام، يعني حضرتك موجود النهاردة في باب الشعرية؟
مهندس منسي : إن شاء الله
العميل : طيب ممكن نيجي ناخد من وقتك ربع ساعة كده؟
مهندس منسي : هوه بس عشان بيبقى في مقابلات كتيرة، فإنت قولي عايز إيه وأنا ممكن أشوفلك حد يتعامل معاك، أما لو في حاجة تستدعيني أنا شخصياً فأنا عادي ما أقولش لأ يعني
العميل : إحنا كنا عايزين مكنة تغليف تغلف حبوب يعني
مهندس منسي : آه عايزها نص أتوماتيك ولا أتوماتيك؟
العميل : عايزها أتوماتيك
مهندس منسي : دي موجودة
العميل : تمام… ممكن تحب نشوفها إمتى، أو لو في حد هيتعامل معانا..
مهندس منسي : هبعتلك المبيعات أنا دلوقتي ، هي سعرها عامل ، وإحنا بندي في الأيام الحلوة ديت خصم 15%
العميل : دي اللي هي موديل 905 إم تو باك
مهندس منسي : ممكن 905 لو إنت عايز الكيس رباعي، أو 902 لو إنت عايز الكيس سنتر سيلنج، يعني لحام من الظهر ومن فوق ومن تحت
العميل : تمام.. تمام.. أنا أستأذن حضرتك لو هتواصل مع حد أقدر أروح له وأشوف المكنة وأتكلم معاه في التفاصيل يبقى تمام
مهندس منسي : إن شاء الله
العميل : تمام يا فندم، حضرتك هتبعتلي رقم حد؟
مهندس منسي : إن شاء الله
العميل : ماشي يا باش مهندس، شكراً، مع السلامة