ماكينة تعبئة التوابل الاتوماتيك من شركة المهندس منسي

ماكينة تعبئة التوابل الاتوماتيك من شركة المهندس منسي

العميل : سلام عليكم

المهندس منسي : عليكم السلام ورحمة الله وبركاته

العميل : شركة المهندس منسي

المهندس منسي : أيوه

العميل : والله كنت بسأل على مكنة التعبئة والتغليف بتاع أكياس اللي هي 5 و 10 جرام اللي هي الأتوماتيك

المهندس منسي : موجودة إن شاء الله

العميل : طب دي عامله كام يا باشا

المهندس منسي : إنت هتعبي إيه؟

العميل : توابل

المهندس منسي : آه موجودة إن شاء الله، في نص أتوماتيك وفي أتوماتيك، النص أتوماتيك عامله ، والأتوماتيك عامله

العميل : طيب معلش هوه في نظام تقسيط عندكم؟

المهندس منسي : لا والله كل شغلنا كاش

العميل : هوه بس مكتوب على النت إن في مكن بالتقسيط من شركة المهندس منسي

المهندس منسي : طب ابعتلي الرابط كده أشوفها لو كان في غلطة أعدلها

العميل : يعني إنت أساساً ما عندكش ولا إنت ممكن تطلع قسط؟

المهندس منسي : ما هوه أنا براهن بس على واحد مرة كتبلنا شيك وجيه قالي أنا هسدد الشيك اللي عليا مش عارف ليه؟؟ تعرفش ليه؟؟؟!!!

العميل : آه.. آه… يعني في النظام ده عندكم؟

المهندس منسي : لأ كل شغلنا كاش

العميل : طيب أم دي نص أتوماتيك

المهندس منسي : آه نص أتوماتيك وزنية

العميل : طب ماشي الدفع بالدولار ولا بالمصري؟

المهندس منسي : لأ بالجنيه المصري، إحنا بس بنسمي بالدولار عشان خاطر ثبات الأسعار، أصل إنت ممكن تيجي بعد شهر أو شهرين وتيجي تقولي أنا جيت أهوه عشان أنفذ، يبقى طخيتك المشوار على الفاضي، مافيش ثبات في الجنيه، بس، إنما هوه أنا باخد بالمصري، وما ينفعش ما أخدش منك بالمصري، أنا لو ثبت نفسي وتنشنت دماغي وقلتلك بالدولار إنت تروح تشكيني

العميل : لأ لأ عادي

المهندس منسي : لأ اعرف حقك في بلدك، هوه أساساً ما ينفعش أقولك هاتلي بالدولار

العميل : آه.. تمام يا باشا

المهندس منسي : ولكن هوه عادي أنا باخد بالمصري، بس بسمي بس بالدولار عشان يبقى في عملة استرشادية بدل ما الجنيه بتاعنا عمال يطلع وينزل… مجننا يا راجل وراه، وأنا كل يوم هقعد أقول سعر

العميل : أيوه فهمت آه

المهندس منسي : ممكن أقولك النهاردة 100 جنيه، تيجي بكرة هوب بقوا 115 يا مرزق، هوب بقى 85… الله هتقول الناس ديت ما عندهاش مصداقية

العميل : آه..

المهندس منسي : فهمتني، إنما لما أقولك بالدولار هتكلمني بعد 10 سنين طولت العمر ليا وليك، هقولك برده بنفس ، هتلاقيني ثابت

العميل : وبالنسبة للأكياس بتاعت التوابل اللي هي…

المهندس منسي : عندنا

العميل : آه دي عامله كام الكيلو يا باشا؟

المهندس منسي : لأ دي بقى ما ينفعش سعرها أقوله كده، دي المفروض إن أنا باخد الديزاين، حضرتك بتشرفني وبتجيب معاك الديزاين، بعرف منك عدد الألوان، بعرف التكنيك أد إيه، والخامة اللي إنت هتختارها أد إيه، والكميات أد إيه، وطول وعرض، وحاجات من دي وأبدأ أقولك آه الشريحة كذا بكذا

العميل : تمام.. خلاص ماشي بإذن الله يا باشا إن شاء الله، شكراً

المهندس منسي : ماشي يا غالي