مكن تعبئة ألى للبقوليات من شركة المهندس منسي
مكن تعبئة ألى للبقوليات من شركة المهندس منسي
العميل : السلام عليكم شركة ام تو تاك ؟
المهندس منسي : ايوه .
العميل : انا كنت بتصل عشان اتكلم مع حد بخصوص مكنات تعبئة .
المهندس منسي : اه
العميل : انا كنت بتكلم مع حد من عندكم على مكن تعبئة ألى للبقوليات
المهندس منسي : اه يعنى انت عايز شركات مكن تعبئة ولا انت عايز مكنة التعبئة نفسه وخامات ؟
العميل : تمام مظبوط مكن تعبئة ألى
المهندس منسي : ايوه عندنا ألى وعندنا نص ألى .
العميل : لا انا بتكلم على الالى انا بقي كنت عايز اتكلم مع مدير المبيعات عن المكن ده بالنسبة للالى .
المهندس منسي : معاك اتفضل .
العميل : انت حضرتك ؟ اتشرف بيك
المهندس منسي : معاك المهندس منسي خير أأمرنى
العميل : حضرتك احنا مجمع الصناعات الغذائية والتعبئة للقوات المسلحة .
المهندس منسي : اه
العميل : حضرتك معاك مصطفى .
المهندس منسي : اهلا بيك
العميل : اهلا بيك ، كنا عايزين تيجي توردلنا المكن الخاص بالمكن للتعبئة والتغذية .
المهندس منسي : طب يعنى ايه المجمع الغذائي والتعبئة اعذرنى لجهلى بالموضوع ؟
العميل : حضرتك يعنى ….
المهندس منسي : مجموعة وحدات مثلا .
العميل : مجموعة مصانع يا أفندم .
المهندس منسي : اه مجموعة مصانع جنب بعضها .
العميل : هو هو مجمع مقفول بسور جواه المصانع يا أفندم .
المهندس منسي : مصانع مصانع ايه بقي ؟ المصانع ديه كلها للقوات المسلحة ولا مصانع ناس عادية .
العميل : لا مصانع كلها قوات مسلحة .
المهندس منسي : اللى هى في فريدر تقريبآ ؟
العميل : لا فى العاشر من رمضان .
المهندس منسي : العاشر من رمضان اه اه ، اهلا بيك ، اتفضل
العميل : انا كنت بسال السبت الساعة 10 مناسب
المهندس منسي : احنا عموما الزيارات بالنسبة الخارجية مقفولة بس هى العملية اثارت فضولى انا بحب اتفرج على الحاجات ديه .
العميل : اه
المهندس منسي : انا زى ما تقول المصانع يعنى ولا ايه اه عايز اجي واتعرف وكده يعنى .
العميل : طب هو حضرتك نشرفنا يوم السبت ؟
المهندس منسي : ياحبيب الساعة 10 ده يكون لسا الفجر بتاعى يكون فى جزيرة القطن بكون نايم
العميل : اه تمام اه
المهندس منسي : انتوا ناس بسم الله ماشاء الله قاعدين تحرصوا الوطن بتصحوا الساعة 6 الصبح
العميل : اهاهاهااهاها
المهندس منسي : اما احنا ناس واخدين على الانتخة بنصحة الساعة 11 اهاهاهاهاهاه
العميل : تمام يعنى الوقت المناسب ؟
المهندس منسي : اجيلك من العين ديه قبل العين ديه على الساعة 1 او 2
العميل : تمام الساعة اتنين كويس يا أفندم
المهندس منسي : من الساعة 1 الى 2
العميل : تمام يا أفندم
المهندس منسي : ماشي يابرنس انا نفسي اقولك الساعة 1 بالظبط اكون راشق فيك الساعة 1 بس انت عارف ظروف بلدنا متعرفش تظبط ساعة مواعيد .
العميل : خلاص نتشرف بحضرتك مفيش مشكلة .
المهندس منسي : اسم الكريم ايه ؟
العميل : استاذ مصطفى حامد
المهندس منسي : ايه
العميل : حامد حامد
المهندس منسي : اهلا بيك اهلا بيك
العميل : حضرتك اسمك ايه معلش ؟
المهندس منسي : انا المهندس منسي
العميل : المهندس منسي ؟
المهندس منسي : اه المهندس منسي رئيس مجلس ادارة مجموعات شركات المهندس منسي .
العميل : اهلا وسهلا بحضرتك .
المهندس منسي : اهلا بيك ياغالى
العميل : ماشي يا أفندم حضرتك عارف العنوان ولا اقولهولك ؟
المهندس منسي : لا مش عارف العنوان ولو قولتوا انا مش هحفظ هتصل بحضرتك يومها وانا جى واخد بال معاليك وكونكت معاك ونتواصل باذن الله .
العميل : تمام باذن الله سلام
المهندس منسي : اتفضل ، شكرآ