ماكينة تغليف السكر من شركة المهندس منسي
ماكينة تغليف السكر من شركة المهندس منسي
العميل : سلام عليكم
المهندس منسي : عليكم السلام ورحمة الله وبركاته
العميل : شركة المنسي يا باشا
المهندس منسي : أيوه
العميل : كنت عايز أسأل على سعر ماكينة تغليف السكر من 2-10 جرام
المهندس منسي : آه موجودة آه
العميل : تعمل كام يا باشا؟
المهندس منسي : ، إحنا بنسمي بالدولار عشان خاطر يبقى ثابت، إنما بناخد بالجنيه المصري عادي
العميل : هوه عامل كام مصري؟
المهندس منسي : بما يعادل 16، في حدود
العميل : ممكن توزن كام طن في اليوم
المهندس منسي : إنت هتعبي 2 جرام وعايز تنتج كام طن؟؟؟!!!!!
العميل : لا… لا…
المهندس منسي : تعملها في الساعة مثلاً… هي المفروض المكنة بتعمل في الدقيقة من 70-120 ولكن هي الورقة هيتلحم على سرعة كام؟؟ ما هو في سرعة على الورق إنت مرتبط بيها، واخد بالك
العميل : تمام.. تمام…
المهندس منسي : ليه؟؟ لأنه الورق عبال ما ياخد، عبال ما السكر ينزل وعبال مش عارف إيه…. يعني ممكن تعملك في حدود 4000 – كيس، كده يعني
العميل : معاها ضمان أد إيه؟
المهندس منسي : معاها ضمان لمدة سنة ضد عيوب الصناعة
العميل : تمام، والصناعة نوعها إيه؟
المهندس منسي : لأ دي ماركة، براند
العميل : ماشي دولة إيه؟
المهندس منسي : حبيب قلبي دي ماركة، براند، يعني إحنا بنصنع قطع الغيار بره وبنجمعها
العميل : تمام.. تمام..
المهندس منسي : ماركتنا إحنا
العميل : تمام..
المهندس منسي : يعني إحنا مش بنروح الصين نجيب مكنتين 3 ونيجي نتسبب فيهم
العميل : تمام.. تمام…
المهندس منسي : يعني إحنا بنعمل إيه؟؟ بنصمم الأول التصميم بتاعنا إحنا، والديزاين بتاعنا إحنا، والسوفت وير بتاع الـ دي إل تي بتاعنا إحنا
العميل : تمام.. تمام
المهندس منسي : الفنيين شغالين على المكن بتاعنا المكن بتاعنا إحنا بس، يعني لو رحت جبتلهم مكنة من بره وقلتهم صينوها مش هيعرفوا، هيصنوا مكنا إحنا بس، يبقى إحنا عملنا جيل من المهندسين والفنيين مدربين على مكنا إحنا بس
العميل : دي قسط ولا كاش؟
المهندس منسي : كله كاش
العميل : تمام يا باشا.. شكراً