ماكينة تغليف الاسمدة من شركة المهندس منسي
ماكينة تغليف الاسمدة من شركة المهندس منسي
العميل : سلام عليكم
المهندس منسي : عليكم السلام ورحمة الله وبركاته
العميل : شركة المهندس
المهندس منسي : أيوه
العميل : إزي حضرتك يا فندم
المهندس منسي : الحمد لله
العميل : معاك إبراهيم عبد الله كنت عايز أسأل على حاجة معينة كده يا فندم
المهندس منسي : اتفضل
العميل : بقول لحضرتك في مكن تغليف أسمدة عندكم؟
المهندس منسي : إن شاء الله
العميل : أنواعها إيه؟ وأسعارها إيه؟
المهندس منسي : حضرتك عايز أسمدة سايلة ولا أسمدة جافة ولا إيه؟
العميل : النوعين يا فندم
المهندس منسي : يبقى يلزم حضرتك تشرفنا بالزيارة لأنه العدد كبير جداً هيبقى صعب عليا إن أنا أقعد أكرلك كل اللي موجود عندنا لأنه حاجات كتيرة قوي قوي
العميل : طيب ممكن تبعتلي طيب على الإيميل أو حاجة، أنا عايز…
المهندس منسي : هوه حضرتك إنت بتتكلم مع شركة المهندس منسي دي شركة عالمية، يعني لينا هنا في جمهورية مصر العربية 10 فروع، وبره مصر حوالي 5 فروع، وأرخص سعر على مستوى العالم، يعني معناها إيه؟؟ معناها إن إحنا كنا عارضين في الصين بنافس في الصينيين، يبقى إنت محتاج إيه أكتر من كده؟؟
العميل : ما هو أنا عارف يا فندم، أنا كنت محتاج بس أعرف الأسعار، أنا عندي بس خطة مختلفة شويه عشان طبيعة نوع الشغل يعني، وبنشتغل في كذا حاجة، فأنا كنت عايز مين طيب غير حضرتك ممكن يكون في التفاصيل دي وأنواع المكن…
المهندس منسي : ولا أي حاجة، حضرتك دلوقتي هتخش على الموقع بتاعنا هتاخد فكرة عامة عن الموقع بتاعنا، كل اللي عليك إنك هتكتب المهندس منسي على جوجل وتعمل سيرش عليه، هتاخد معلومات وبعد كده تبدأ تيجي للتوضيح بقى، تيجي مرة تشرفنا بالزيارة وضحولي دي.. وضحولي دي.. وضحولي دي….. كده يعني
العميل : يعني الأسعار موجودة يا فندم على الموقع…
المهندس منسي : آه حاطين أسعار وده نادر جداً لما تلاقيها يعني، لأنه إحنا مش مثلاً… إحنا إيد أولى، مش سبلاير، إحنا إيد أولى
العميل : آه.. آه.. طب حلو جداً
المهندس منسي : وهتلاقي أرخص سعر مش في مصر، هتلاقي أرخص سعر في العالم كله
العميل : تمام.. تمام..
المهندس منسي : قارن.. قارن برده، والحاجة اللي إنت شاكك في سعرها اتصل بينا وقول ديت مثلاً أنا شاكك مثلاً إن في حد أعلى أو حد أقل أو كده وخلي في مراوضة، وعادي مش شرط تشتري، ولكن أنا يهمني إن حضرتك تعرف بس
العميل : تمام.. ما اتشرفتش باسم حضرتك؟
المهندس منسي : المهندس منسي مع حضرتك
العميل : ماشي يا باش مهندس بشكرك جداً يا باش مهندس
المهندس منسي : ماشي يا غالي
العميل : هدخل على الموقع دلوقتي وأشوف
ماشي يا غالي