ماكينة تعبئة وتغليف المكرونة ماركة المهندس منسي
ماكينة تعبئة وتغليف المكرونة ماركة المهندس منسي
العميل: السلام عليكم
المهندس منسي: وعليكم السلام
العميل: مساء الخير يا فندم
المهندس منسي: مساء النور
العميل: شركة المهندس منسي للصناعات
المهندس منسي: أيوه
العميل: كنت حضرتك عايزه أستفسر عن شويه حاجات
المهندس منسي: اتفضلي
العميل: كنت عايزه أستفسر عن ماكينات صنع المكرونة والتغليف والتعبئة
المهندس منسي: آه اللي عندنا مكن تعبئة وتغليف المكرونة وبس
العميل: تعبئة المكرونة بس؟
المهندس منسي: آه تعبئة وتغليف المكرونة
العميل: بالنسبة لماكينات التصنيع مش موجودة؟
المهندس منسي: لا مش موجودة
العميل: طب ماشي ممكن أعرف أستفسر عنهم وكده، وأعرف صناعتها إيطالي ولا صيني وكده
المهندس منسي: هوه صيني تحت إشراف شركة المهندس منسي
العميل: تمام…
المهندس منسي: في منها نص أتوماتيك وفي منها أتوماتيك كامل
العميل: إيه الاختلاف ما بينهم؟
المهندس منسي: النص أتوماتيك الكيس يدوي وهي بتعبي، وبعد كده بتحطيها على سير لحام، سير اللحام بياخدها يلحمها ويوديها الناحية التانية
العميل: تمام… الأتوماتيك طبعاً بيكون معاها الكيس وكل حاجة
المهندس منسي: الأتوماتيك بحطلها الرول هي بتفصل الكيس وبتعبيه، وبتغلفه، وبتعمل كل حاجة لوحدها
العميل: آه…
خلاص ماشي حضرتك طيب عايزه أعرف سرعتها، استخدامها، أسعارها.. كل حاجة
المهندس منسي: تمام
العميل: بص حضرتك إحنا ناويين بإذن الله نفتح مصنع مكرونة، فأنا بقدر الإمكان عمال أبحث على النت عشان ألاقي مصنع أجيب منه الآلات والكلام ده
المهندس منسي: هوه لو حضرتك تقدري تشرفينا تتفرجي على المكن بضاعة حاضرة
العميل: خلاص ماشي تمام، ممكن بس العنوان بالتفصيل
المهندس منسي: إحنا عندنا حدائق القبة، مدينة نصر، باب الشعرية، 6 أكتوبر
العميل: أقول لحضرتك حاجة، مدينة نصر يعني… أخويا متواجد في مدينة نصر الحي السابع هناك
المهندس منسي: إحنا عندنا في الحي السابع وفي مكرم عبيد
العميل: طب ممكن تديني العنوان بالتفصيل معلش
المهندس منسي: هبعتلك الداتا بتاعته في رسالة، وحضرتكم كليمهم وتابعي معاهم
العميل: أنا شاكرة لحضرتك جداً
المهندس منسي: مع السلامة