ماكينة تعبئة وتغليف السكر والارز والبقوليات من شركة المهندس منسي

ماكينة تعبئة وتغليف السكر والارز والبقوليات من شركة المهندس منسي 

العميل: السلام عليكم

المهندس منسي: عليكم السلام ورحمة الله وبركاته

العميل:  أهلاً وسهلاً

المهندس منسي: خير أأمرني

العميل:  يا أهلاً وسهلاً يا باشمهندس … على كل أنا اسمي صالح أنا بتكلم معاك من خارج مصر من أوروبا

المهندس منسي: آه أهلاً وسهلاً خير اتفضل

العميل:  بتكلم معاك من الدانمرك لكن أنا جزائري مش مصري، لكن نحب نسأل التغليف بتاع السكر

المهندس منسي: آه

العميل:  التغليف بتاع كيس السكر وبتاع الأرز والحاجات دي

المهندس منسي: آه بنستخدمه آه

العميل:  الشركة تبعكم تصنع الحاجة دي؟

المهندس منسي: إن شاء الله

العميل:  أنا حابب أشتري آلة من مصر على كل حال، يا ترى تبيعوا إنتم البلاستيك والمكن بتاع التغليف ولا لأ

المهندس منسي: بنبيع الـ 2 إن شاء الله

العميل:  حتى الأخرى عندكم كمان؟

المهندس منسي: حتى الأخرى عندنا آه

العميل:  سامحني على كل حال، والآلة أديش طولها اللي تعمل الكيس بتاع السكر والأرز

المهندس منسي: ما هو الآلات بتاعت التعبئة والتغليف كتير قوي، فلازم أعرف إنت هتعبي إيه وهتغلف إيه….وأعرف إذا كنت عايز مكن نص أتوماتيك ولا أتوماتيك كامل

وفي أكياس ولا عبوات…. عايز شويه معلومات كده منك عشان خاطر أعرف أرد عليك يعني

العميل:  صحيح.. صحيح.. الأتوماتيك أديش سعره، والنص أتوماتيك أديش تسوى يا معلم؟

المهندس منسي: أتوماتيك هتعبي إيه وتغلف إيه؟

العميل:  تعبي سكر، وتعبي أرز، وتعبي بقوليات…

المهندس منسي: آه النص أتوماتيك سعرها ، والأتوماتيك سعرها يبدأ من

العميل:  وكبيرة ولا صغيرة؟

المهندس منسي: آه كبيرة آه كويسة

العميل:  أديش كام كيلو تحطلها في البيت بتاعها

المهندس منسي: عايز تحطلها كيلو إيه؟

العميل:  أديش تحطلها مش هي تقدر تشتغل لوحدها

المهندس منسي: آه هي تقدر تشتغل لوحدها آه

العميل:  والحجم بتاعها كبير ولا صغير؟

المهندس منسي: أنا مش فاهم السؤال ده إيه معناه، الحجم بتاعها أنا ممكن صغير ولا كبير مش فاهم بالنسبة لك يعني إيه صغير ولا كبير، اللي أنا أعرفه مقاس الحجم بتاعها كذا × كذا × كذا، فأنا مش عارف ده بالنسبة لك كبير ولا صغير

العميل:  لا الحجم كبير ولا صغير بتاع السكر، بتاع كبير ولا صغير

المهندس منسي: آه الحجم بتاعها متر × متر × ارتفاع 1.75 متر

العميل:  دي اللي هي الأتوماتيك

المهندس منسي: أما النص أتوماتيك متر × متر × ارتفاع 1.05 أو 1.10 متر

العميل:  والنص أتوماتيك أديش تسوى يا معلم؟

المهندس منسي: سعرها فقط

العميل:  طيب الآلة بتاعت هادي تعمرلي بقوليات سكر ورز

المهندس منسي: آه تعمر كل حاجة آه

العميل:  إنت مثلاً أنا هشتري من عندك الآلة هادي بتاعت التغليف

المهندس منسي: آه

العميل:  يا ترى بعديك أنا بدي أبعتها أنا جزائري، يا ترى بخلصها أنا ولا خالصه

المهندس منسي: والله سيان، عايزني  أخلصها لك أخلصها لك بس هيبقى على حسابك، لو عايز تخلصها إنت مافيش مشكلة

العميل:  لا أنا في حد يفهمها، عندكم ناس يشتغلوا معاها قصدي

المهندس منسي: عادي مافيش مشكلة، نقدر نبعتلك المكان اللي إنت عايزه

العميل:  آه… أديش سعرها تبعتهالي على الجزائر على كل حال

المهندس منسي: سعر الشحن ده مش تبعي، إنت تتصل بأي شركة شحن تقولهم أنا عندي مكنة طول كذا × عرض كذا × ارتفاع كذا عايز أشحنها للجزائر تكلفتها كام؟

العميل:  آآآآآآآآه، إنت ما تقدرش تبعتهالي قصدك؟

المهندس منسي: أبعتهالك من العين دي قبل العين دي، أنا أتولى لك عملية الشحن، بس عملية إن أنا أتصل بشركة شحن كل شويه أقولهم كام، كام… ناس كتير قوي بيستفسروا وما بينفذوش، فحضرتك اتصل بشركة الشحن…

العميل:  لا في حاجة  ، سامحني… قبل ما نشتري نيجي مصر نشوفها يعني نتعب ونيجي مصر

المهندس منسي: إنت تيجي تنورني، وده بالنسبة لنا أفضل، إنك تيجي مصر وتشوف الحاجة وتعاينها

العميل:  أنواع بتاعت بلاستيك؟؟؟

المهندس منسي: آه بنخدم كل الأنواع، وبنطبع بأحدث أنواع الطباعة في العالم كله اسمها طباعة الروتوجرافيك

العميل:  آآآآآآآه فهمت …على كل حال الرول بتاع البلاستيك أديش المتر فيه، كام متر

المهندس منسي:  لا ده مش بالمتر ده بيبقى بالكيلو، والكيلو بيتحدد بناء على شكل الديزاين، بيتحدد بناء على الديزاين المقدم من العميل، وبيتحدد بناء على الكمية والسماكة، والخامة اللي حضرتك هتختارها

العميل:  مثلاً هحط لوجو فيها 20 كيلو أو 10 كيلو ، أديش ؟

المهندس منسي:  لا.. لا مافيش حاجة اسمها 10-20 كيلو، أقل كمية ربع طن…. ما أقدرش أديلك سعر خامات البلاستيك كده إلا لما أشوف الحاجة لازم حضرتك تيجي تشرفنا أو تبعتلنا على الإيميل المواصفات اللي إنت عايزها

العميل:  لا أنا بدي معلومات عشان أعمل حسابي…

المهندس منسي:  لا هوه النظام عندنا إن حضرتك تبعتلنا رسالة بالإيميل طلب عرض أسعار بالنسبة للبلاستيك الخامة نقولك ورينا الديزاين بتاعك… أديلك سعر بناء على إيه؟؟ يعني أديلك سعر إيه في إيه..

العميل:  قلتلي الآلة نص أتوماتيك حوالي

المهندس منسي:  مش حوالي هي سعرها

العميل:  والآلة الأتوماتيك تسوى قلتلي

المهندس منسي:  آه…آه راسل الشركة عليه وإن شاء الشركة عليه وإن شاء الله هيردوا عليك في أقرب فرصة

العميل:  ماشي

المهندس منسي:  ماشي يا غالي، مع السلامة

العميل:  السلام عليكم

المهندس منسي:  عليكم السلام ورحمة الله وبركاته