ماكينة تعبئة وتغليف الارز من شركة المهندس منسي
ماكينة تعبئة وتغليف الارز من شركة المهندس منسي
العميل : حضرتك معايا
المهندس منسي : أيوه معاك
العميل : بقول لحضرتك
المهندس منسي : أيوه معاك اتفضل
العميل : باش مهندس منسي …معايا..
المهندس منسي : ايوة معاك
العميل : مش عارف النت وحش عند حضرتك ولا إيه
المهندس منسي : كده كويس
العميل : أيوه كده معقول كده
المهندس منسي : أيوه اتفضل
العميل : بقول لحضرتك أنا كنت بعتلك الأكياس إمبارح على أساس أعرف المكنة اللي تعمل دي تتكلف كام؟ اللي تطبع على الكيس
المهندس منسي : آه إنت عايزها على مكنة أتوماتيك ولا عايزها يدوي؟
العميل : لأ أنا هحط الأكياس مثلاً تلصقها على سير وكده، الكيس يعبي تحتها وتروح مدياله
المهندس منسي : إحنا عندنا مكنة وإنت بتعبي هي بتعملها، إنت عندك الأكياس جاهزة ولا…
العميل : آه جاهزة
المهندس منسي : آه في عندنا مكنة نص أتوماتيك تقدر تقوملك بالمصلحة دي
العميل : طيب ديت عامله كام؟ نص أتوماتيك إزاي يعني؟
المهندس منسي : دي بتحطلها الكيس وهي تنزل تضرب لوحدها
العميل : يعني مش على سير يمشي…
المهندس منسي : وممكن تعيرها إنك ترميلها الأكياس وهي على أد رميت إيدك تضرب.. تضرب.. تضرب…. وكده يعني
العميل : طيب دي عامله كام يا باش مهندس؟
المهندس منسي : ، إحنا بنسمي بالدولار إنما بناخد بالجنيه المصري عادي، ولكن بنسمي بالدولار عشان خاطر ثبات بس، عشان نضمن ثبات
العميل : بكام يعني؟
المهندس منسي : بقولك
العميل : طب بالمصري كام يعني؟
المهندس منسي : احسبها، ضربها شوف النهاردة بالمصري كام
العميل : يعني هي مش موجودة حالياً عندك دلوقتي يعني؟
المهندس منسي : موجودة بضاعة حاضرة
العميل : طيب ماشي هوه أنا هديك بالدولار ولا بالمصري؟
المهندس منسي : بالمصري آه دقيقة واحدة = جنيه
العميل : لكن دي مش على سير.. طب ممكن تبعتلي شكلها يا باش مهندس…
المهندس منسي : والله يستحسن لو حضرتك شرفتنا بالزيارة هي موجودة بضاعة حاضرة، تتفرج عليها…
العميل : أصل زي ما قلت لحضرتك أنا من كفر الشيخ، طب خد الحاج صاحب المضرب يكلمك أهوه، اتفضل معاك أهوه إيه يا باش مهندس السلام عليكم
المهندس منسي : عليكم السلام ورحمة الله وبركاته
العميل : إزيك يا باش مهندس
المهندس منسي : أهلاً بيك
العميل : أنا عندي أصلاً مكنتين يا باش مهندس في السعودية مكن إنك جيت بيعبي على السير، خدت بال حضرتك معايا، وهوه معدي على السير نفسه التعبئة بتروح على طول هي مطلعه الضربات…
المهندس منسي : إحنا عندنا نوعيات كتيرة من مكن اللحام المستمر، عندنا 4 نوعيات
العميل : مش لحام يا باش مهندس…
المهندس منسي : مش مكن لحام، بكلم حضرتك على مكن طباعة تاريخ الصلاحية، عندنا حوالي 4 أو 5 أنواع، فلو حضرتك شرفتنا بالزيارة وده يفضل بالنسبة لنا تتفرج عليهم، إنما نقعد نوصف لبعض أكيد مش هنوصل لـ…
العميل : باش مهندس مين معايا حضرتك؟
المهندس منسي : مهندس منسي
العميل : بص حضرتك إيه المشكلة اللي عندي، أنا عندي المكنة أصلاً مكن طباعة، ماعنديش مشكلة في الكلام ده، ولكن أنا عندي الكمية الأخيرة وقرار وزير بتاع التجارة إن عايز على الكيس سعر الكيلو مصنع خدت بالك، سعر الكيلو بالمصنع كذا، وسعر الكيلو للمستهلك كذا، صفين هيتحطه تحت بعض يا باش مهندس، عشان أحطهم أصلاً أنا عندي هناك أعرف أحط صفين وأعرف أحط 4
يا باش مهندس منسي
المهندس منسي : معاك يا غالي
العميل : فصفين عايز أطبعهم على بضاعة عندي متعبية، فالفكرة اللي عندي زي ما بقول لحضرتك عندي أصلاً هناك في السعودية المكنة تتثبت والبضاعة بتعدي عليها وطبعاً بيبقى فيها أصلاً فوتوفيل أول ما تشوف الكيس تروح على طول مدياله الطبعة، خدت بال حضرتك، الكلام ده على الإزاز والبولي إيثيلين في مصنع المياه، ونفس الكلام على الكيس المعبأ مكرونة أو رز أو حاجة
ده اللي إحنا عايزنه
المهندس منسي : إنت عندك الأكياس متعبية؟
العميل : أيوه ما هو أنا بقولك عشان هي متعبية، أيوه تعبيت عشان كده أنا عايز أحط والكلام ده بضاعة تانية على….