ماكينة تعبئة الرز والسكر الالية من شركة المهندس منسي

ماكينة تعبئة الرز والسكر الالية من شركة المهندس منسي

العميل : السلام عليكم

المهندس منسي : عليكم السلام ورحمة الله وبركاته

العميل : شركة المنسي

المهندس منسي : أيوه

العميل : كنت محتاج مكنة تعبئة سكر ورز آلي

المهندس منسي : في عندنا نص أتوماتيك وفي أتوماتيك كامل عايز أنهي فيهم؟

العميل : ماشي يا بيه أنا سيادتك عايز مكنة تعبي الرز والسكر من ربع كيلو لـ 5 كيلو

المهندس منسي : لا المكن بيبقى إيه نظامه؟؟؟ من 50 جرام لغاية 500 جرام

ومن 100 جرام لغاية كيلو ومن نص كيلو لغاية 5 كيلو

العميل : طيب عايزين إحنا مثلاً من نص كيلو لغاية 5

المهندس منسي : إحنا بقى اللي عندنا من 100 جرام لغاية كيلو، ومن نص كيلو لغاية 5 ديت بتتعمل بالطلب أما من 100 جرام لغاية كيلو دي موجودة بضاعة حاضرة

العميل : طب ما فيش حاجة مستعمل عند حضرتك أو قريبة قدامك

المهندس منسي : إحنا أسعارنا تعتبر قريبة من المستعمل

العميل : طيب شوفلي النص كيلو لـ 5 تعمل كام

المهندس منسي : لأ اللي أنا بتكلم فيه دلوقتي بضاعة حاضرة اللي هي من 100 جرام لغاية كيلو أما الـ 5 كيلو ديت حضرتك تيجي تشرفنا نقعد مع بعض ونتفق

العميل : طيب اللي هي بتعبي من 100 جرام لكيلو تمنها كام بقى؟

المهندس منسي : في منها نص أتوماتيك وفي منها أتوماتيك كامل؟

العميل : لا إحنا عايزنها أتوماتيك كامل

المهندس منسي : آه الأتوماتيك كامل بتبدأ من

العميل : يعني كده تعدي 100 ألف، لأ 18 مثلاً × … يعني تعملها 80 ألف

المهندس منسي : آه في الحدود دي آه

العميل : طيب ما هو أنا النهاردة عايز أعبي رز 5 كيلو مثلاً، يعني هركن مكنة بـ 75000 وأنزل أشتري مكنة تانية بـ 100

المهندس منسي : آه ما إنت مصنع يبقالك مكنتين مكنة كده ومكنة كده، إنما لو جبت المكنة التانية 5 كيلو عشان تعبي عليها كيلو دي هتبهدلك، إنت عامل كده زي ما تكون جايب عربية نقل وبتقضي بيها مشاويرك

العميل : آه صح كده، خلاص ماشي يعني دي جاهزة لو أنا جيبت الفلوس في أي لحظة وجيت المكتب عند حضرتك

المهندس منسي : آه تاخدها على طول

العميل : إنتم في باب الشعرية؟

المهندس منسي : في باب الشعرية آه

العميل : إحنا من باب الشعرية برده

المهندس منسي : إحنا عندنا حدائق القبة، مدينة نصر، باب الشعرية، 6 أكتوبر

العميل : لا.. لا.. خلينا القريب لينا باب الشعرية، عشان إحنا من باب الشعرية، أنا من الظاهر

المهندس منسي : هبعتلك بقى تليفون المبيعات في رسالة أهو

العميل : طيب زي بعضه يا ريت يا بيه ماشي، خلاص وأنا جاي هكلمك علي الواتس بحضرتك بإذن الله

المهندس منسي : ماشي يا غالي

العميل : ماشي يا بيه، إنتم فاتحين الحد ولا قافلين

المهندس منسي : فاتحين طول أيام الأسبوع وأجازتنا يوم الجمعة

العميل : خلاص ماشي يا بيه ألف شكر يا باشا، بالسلامة