ماكينة تعبئة الرز والبقوليات الاتوماتيك من شركة المهندس منسي
ماكينة تعبئة الرز والبقوليات الاتوماتيك من شركة المهندس منسي
العميل : سلام عليكم
المهندس منسي : عليكم السلام ورحمة الله وبركاته
العميل : شركة المهندس منسي
المهندس منسي : أيوه
العميل : لو سمحت كنت عايز أسأل على أسعار مكن تعبئة تغليف الرز والبقوليات
المهندس منسي : آه
العميل : المكن الأتوماتيك
المهندس منسي : موجود آه
العميل : بكام؟
المهندس منسي : بتعمل 6
العميل : آه يعني بالمصري كام؟
المهندس منسي : ثانية واحدة أحسبها لك ¬ × 12.5 =
العميل : آه… طيب هوه الدولار النهاردة بـ 12.5؟
المهندس منسي : إحنا بنحسبوا بـ 12.5 لأنه هوه هيوصل إن شاء الله 12.5
العميل : تمام إن شاء الله، طيب هي دي مكوناتها إيه؟ كلها استالس؟
المهندس منسي : الأجزاء الملامسة للمنتج ستالس
العميل : تمام…
المهندس منسي : إنما لو عايز تجلدها كلها ستالس مافيش مشكلة، إنما هي الأجزاء الملامسة للمنتج كلها استالس
العميل : طيب هي صناعتها إيه أو…
المهندس منسي : هوه العملية الوضع هنا مختلف شويه، لأنه إحنا مختلفين عن السوق يعني حاجة نادرة في السوق شويه، إحنا بنصنع قطع الغيار ومستلزمات إنتاج لحسابنا بره مصر، وما تقوليش فين بره مصر، أي بلد.. يعني مثلاً لو قلتلي هاتلي الماتور ألماني، هركبلك الماتور ألماني مافيش مشكلة عندي فهمتني
العميل : آه
المهندس منسي : أو إيطالي مثلاً، براحتك، إحنا لينا فلسفة تانية في عالم الصناعة، إن إحنا بنصنع قطع الغيار بره مصر وبنجمعها جوه مصر عشان نستخدم التكنولوجيا الحديثة بره عشان في الآخر منتجنا يبقى في السوق واخد وضعه يعني، يبقى ماركة، يعني إحنا بنعرض في كل بلدان العالم، وبنبيع في كل بلدان العالم، فإحنا ماركة، فصعب إنك تيجي تقارني بحد راح جاب مكنتين 3 من هنا ومن هنا وقالك دول كذا ودول كذا، إحنا مش وكلاء ولا موزعين
العميل : تمام…
المهندس منسي : إحنا الفيرست السورس، يعني المصدر الأول
العميل : آه.. فهمت
المهندس منسي : تمام..
العميل : طيب هي عليها ضمان؟
المهندس منسي : آه ضمان لمدة سنة ضد عيوب الصناعة و5 سنين توفير قطع الغيار لحساب العميل
العميل : تمام… طيب هي دي أتوماتيك كامل، يعني بتاخد المنتج وهو خام وتخش عليها أكياس رولات
المهندس منسي : آه بتخش رولات وهي بتصنع الأكياس وبعد كده تعبيها وتغلفها
العميل : وتقطعها وتفصلها عن بعضها
المهندس منسي : أيوه
العميل : تمام.. يعني بتاخد من الألف إلى الياء، مافيش حاجة مانيوال خالص
المهندس منسي : مضبوط آه
العميل : تمام.. عامله دلوقتي بالمصري 81500
المهندس منسي : 250
العميل : آه.. طيب هل في حاجة عند حضرتك نص أتوماتيك
المهندس منسي : في آه في عندنا وزني نص أتوماتيك
العميل : إزاي يعني؟ بتعمل خطوات إيه وبتسيب إيه
المهندس منسي : مكنة وزنية، يعني حضرتك بتحط عليها المنتجات اللي إنت عايزها أياً كانت سكر، رز، حبيبات، بقوليات… وهي بتوزنها لك وفيها علامة أوتوفيل كده أول ما تحط إيدك بالكيس هي تروح منزلالك الكمية لو كانت اتكملت، أما لو ما اكتملتش هتستنى شويه
العميل : وبعد كده…
المهندس منسي : لو كانت اكتملت وزنها، يعني تاخد توزن وبعد كده بتحتفظ بالكيلو جواها، إنت تروح حاطط الكيس وهي تروح معبياهولك، في عندنا بقى مكنة كويسة قوي اسمها مكنة لحام مستمر، مكنة بسير كده، إنت بعد ما خلصت الكيس تروح رامي الكيس ده على السير، يروح السير ده واخد الكيس ولاحمه وموديه الناحية التانية، فإحنا هنا وفرنا عامل، لأنه الأول كان بيعمل إيه؟؟ كان الأول إنت بتعبي وبعد كده تديها للي جنبك يلحم وبعد كده يحط، فإحنا وفرنا واحد كده، بقيت تعبي وترمي على السير، السير ياخد ويودي…
العميل : ما تقعش الحاجة منها؟
المهندس منسي : تقع منين؟
العميل : مش أنا بعبي ورامي الكيس مفتوح؟
المهندس منسي : آه.. لا مش هتقع لأ ما تقلقش، لأنه إنت بتحط الكيس نفسه بزاوية
العميل : آه
المهندس منسي : فهوه مش هيقع
العميل : طب هوه مكان حضرتك فين بالضبط؟
المهندس منسي : إحنا عندنا حدائق القبة، مدينة نصر، باب الشعرية، غمرة
العميل : طب أنسب مكان آجي فيه فين؟ أنا من الهرم
المهندس منسي : لأ ما هو مش أنا اللي هتقابلني، أنا استشاري مش مبيعات
العميل : تمام.. طيب بتاع المبيعات هيقدر يشرحلي برده الجهاز وكده؟
المهندس منسي : آه كله هيشرحلك الجهاز آه
العميل : طيب
المهندس منسي : هيشرحلك ويدربك عليه، ويعلمك إزاي تشتغل، وهيبقوا كنكتد معاك كويس
العميل : طيب حضرتك قلتلي سعر المكنة النص أتوماتيك أو اللي هي الوزني ده
المهندس منسي :
العميل : يعني…
المهندس منسي : أحسبهالك؟
العميل : أنا بحسب أهوه × 12.5
المهندس منسي : آه
العميل : عامله 15000 جنيه
المهندس منسي : مضبوط كده
العميل : ده المكنة بس، طب ومكنة اللحام عامله كام؟ السير ده
المهندس منسي : دي
العميل : تمام يعني 2500 جنيه، طيب يعني أنا ممكن ساعة ما أقرر إن شاء الله آجي أكلم حضرتك توصفلي المكان ولا؟
المهندس منسي : والله هوه يستحسن إن حضرتك تقرر هتيجي في أنهي مكان وأنا هبعتلك الداتا بتاعته دلوقتي في رسالة
العميل : طيب ماشي، شوف حضرتك مدينة نصر بالنسبة لي كويسة
المهندس منسي : هبعتهولك في رسالة حالاً
العميل : ماشي شكراً جداً، مع السلامة