ماكينة تعبئة الباودر في الكراتين بماكينات من شركة مهندس منسي
ماكينة تعبئة الباودر في الكراتين بماكينات من شركة مهندس منسي
العميل: السلام عليكم.
المهندس منسي: السلام عليكم.
العميل: وعليكم السلام، مهندس المنسي شركة المهندس؟ آلو؟
المهندس منسي: أيوا يافندم اتفضل.
العميل: آه بقول لحضرتك كنا محتاجين نشتري مكنة اللي هي بتعبي كرتون اللي هي الصفا العشرة.. ، عند حضرتك؟
المهندس منسي: لأ، انت عايز تعبي الكرتونة؟
العميل: آه.
المهندس منسي: يعني الكرتونة نفسها اتقفلت وعايز تعبيها؟
العميل: لا لا، أنا عيز أحط بودرة تقفل الكرتونة
المهندس منسي: آه، مهو اللي عندنا مكنة نص أوتوماتيك بتعبي الكرتونة.
العميل: كرتونة إيه بقى؟
المهندس منسي: أي كرتونة، تعبي الكرتونة، تعبي العلبة، تعبي اللي انت عايزه.
العميل: يعني تعبيها إزاي؟ مش فاهم يافندم يعني إديني فكرة ليها حضرتك؟
المهندس منسي: آه طب ممكن تجيب كراتين متقفلة وتيجي تشرفنا بالزيارة؟
العميل: آه طب أعرف العنوان حضرتك؟
المهندس منسي: إحنا عندنا حدائق القبة، ومدينة نصر، وباب الشعرية.
العميل: إديني باب الشعرية يافندم.
المهندس منسي: هبعتهولك في رسالة حالاً.
العميل: طيب يعني أفهم بس، انت عارف علب الصفا يافندم؟ علب الصفا؟ الصغيرة دي.
المهندس منسي: مربى..
العميل: يعني علب.. علب الصفا.. طب ممكن في واتساب أبعتلك الصورة دلوقتي؟ رقم الواتساب؟
المهندس منسي: آه في آه.
العميل: أبعتلك حالاً دلوقتي، وانت ابعتلي العنوان، هبعتلك علبة حالاً دلوقتي ماشي؟
المهندس منسي: إن شاء الله
العميل: ماشي مين معايا يافندم؟
المهندس منسي: المهندس منسي.
العميل: آلو؟
المهندس منسي: المهندس منسي معاك.
العميل: ماشي يا باشمهندس، ماشي يافندم.
المهندس منسي: مع السلامة.
العميل: شكراً.