ماكينة تعبئة اكياس السكر الاتوماتيكية من شركة المهندس منسي

ماكينة تعبئة اكياس السكر الاتوماتيكية من شركة المهندس منسي

العميل : سلام عليكم

المهندس منسي : عليكم السلام ورحمة الله وبركاته

العميل : شركة المهندس

المهندس منسي : أيوه

العميل : لو سمحت يا أستاذ عايز أعرف سعر مكنة تعبئة السكر بكام؟

المهندس منسي : عايز تعبي سكر في إيه بالضبط؟ في أكياس ولا في أكياس صوابع؟

العميل : لأ أكياس لأن أنا هوزع على المحلات و…..

المهندس منسي : آه… إيه؟

العميل : الجملة بتاع بياعين الجملة والقطاعي

المهندس منسي : يعني عايز من كام جرام لكام جرام؟

العميل : اللي هوه الكيس الكيلو

المهندس منسي : الكيس الكيلو، مش عايز حاجة ربع كيلو و200 جرام والحاجات دي؟

العميل : لأ يا كيلو يا 500، ممكن 500 جرام

المهندس منسي : في مكنة نص أتوماتيك وفي مكنة أتوماتيك كامل عايز أنهي فيهم؟

العميل : الأتوماتيك عامله كام والنص أتوماتيك عامله كام عشان أشوف إمكانياتي هتمشي مع إيه؟

المهندس منسي : إنت أبدعت، إنت أبدعت في الرد على السؤال، ماشي يا غالي النص أتوماتيك بتعمل وشوف الدولار عامل كام النهاردة، أنا بسميلك بالدولار إنما إنت بتيجي تدفع بالمصري مافيش مشكلة، إنما لو جيت دفعت بالدولار هنعملك خصم 5%

العميل : إحنا من دمياط يعني ما إحناش… إحنا من دمياط…

المهندس منسي : ولا حاجة يا ابن عمي، أنا سميتك بالدولار، دلوقتي أنا ليه بسميلك بالدولار ما هو إحنا في مصر؟؟ هقولك عشان خاطر مش كل شويه أقعد أزود الأسعار أزود الأسعار، إنما سعر الدولار ثابت عمره ما بيتغير

العميل : صح أيوه فهمت كلامك

المهندس منسي : أنا بسميلك بس بالدولار، إنما لو إنت جيبت دفعتلي في أي وقت بالمصري مش هقولك لأ دي عملة بلدي ما أقدرش

العميل : تمام.. كلامك تمام، ده النص أتوماتيك ماشي

المهندس منسي : والأتوماتيك

العميل : طيب بتعبي لي كام كيس في الساعة

المهندس منسي : عملية تعبي لك كام كيس ديت هي فيها إمكانية تعبيلك…. الأتوماتيك ولا النص أتوماتيك؟

العميل : لأ أنا بتكلم دلوقتي على النص اللي هوه إمكانياتي هتسمح بها

المهندس منسي : آه هي النص أتوماتيك معروفة بتعتمد على اللي واقف عليها، وإحنا عملنا حاجة حلوة قوي هتسرع معاك جامد في الإنتاج، يعني إنت ممكن دلوقتي تاخد النص أتوماتيك وتاخد حاجة اسمها سير لحام، سير اللحام ده إنت الأول كنت بتعمل إيه؟؟؟ كنت بتعبي وبعدين تخش على مكنة اللحام تقعد تستنى عبال ما يتلحم، مثلاً واحد بيعبي وواحد بيلحم

العميل : آه

المهندس منسي : لأ دلوقتي هوه اللي بيعبي هوه اللي بيلحم إزاي بقى؟؟؟ بعد ما عبيت بتحط الكيس ده على سير اللحام، سير اللحام بيعمل إيه؟؟؟ بيلحم الكيس وياخده الحته اللي إنت عايزها

العميل : تمام.. ماشي دي فكرة ممتازة دي

المهندس منسي : لأ دي سهلت جامد وسرعت جامد في الإنتاج

العميل : أيوه طب تمام، مكانكم فين؟

المهندس منسي : إحنا عندنا حدائق القبة، مدينة نصر، باب الشعرية

العميل : تمام ماشي، مافيش إلا الفرع ده؟

المهندس منسي : لأ ده كده مش فرع ده كده 3 فروع، يعني عندنا حدائق القبة، مدينة نصر، باب الشعرية، باب الشعرية دي منطقة اسمها باب الشعرية، وحدائق القبة دي منطقة اسمها حدائق القبة، ومدينة نصر ديت منطقة اسمها مدينة نصر

العميل : أيوه.. آه.. آه معلش ماخدش بالي معلش، يعني عندك في مدينة نصر وحدائق القبة وباب الشعرية

المهندس منسي : وعندنا في أكتوبر والعبور

العميل : آه.. طيب يعني أجيلك أكتوبر أحسن

المهندس منسي : ماشي أنا هبعتلك دلوقتي الفرع بتاع أكتوبر واخد بال حضرتك، هبعتلك دلوقتي اللي ماسكين الفرع بتاع أكتوبر أي حاجة ابعتلي علي الواتس عادي

العميل : خلاص ماشي

المهندس منسي : لو في أي حاجة كلمني، إحنا هنا الإدارة

العميل : طيب ماشي هتبعتلي على الواتس بتاعي الرقم دلوقتي…

المهندس منسي : هبعتهولك على التليفون أسرع

العميل : خلاص ماشي

المهندس منسي : ماشي يا حبيبي

العميل : ماشي يا أستاذ، متشكرين قوي يا أستاذ

المهندس منسي : لا تحت أمرك يا غالي

العميل : ماشي في سلامة الله