ماكينة تعبئة أكياس الكابتشينو من شركة المهندس منسي

ماكينة تعبئة أكياس الكابتشينو من شركة المهندس منسي

العميل: سلام عليكم.

المهندس منسي: سلام عليكم.

العميل: شركة المهندس منسي يا باشا؟

المهندس منسي: أيوه.

العميل: كنت عاوز أسأل على ماكينة بتاعت تعبئة الكابتشينو؟

المهندس منسي: تعبئة الكابتشينو؟

العميل: آه.

المهندس منسي: موجودة إن شاء الله.

العميل: دي سعرها كام يا باشا؟

المهندس منسي: في نص أتوماتيك وفي أتوماتيك.

العميل: طيب دي عاملة كام ودي عاملة كام؟

المهندس منسي: النص أتوماتيك عاملة ، والأتوماتيك عاملة .

العميل: يعني تعملها كام مصري؟

المهندس منسي: اكتب الحاجة اللي قولتهالك دي في ورقة وشوف بقى سعر الدولار النهاردة كام وضربها واعرف ..النص أتوماتيك بـ، والأتوماتيك .

العميل: ماشي يا باشا.. إنما الخامات والحاجات ديت لما آجي أشتري أعرف من حضرتك برده صح، الحاجات اللي أنا هجيبها وأشتغل بيها.

المهندس منسي: أكيد آه.. الخامات عندنا برده.

العميل: مافيش مشكلة، طب حضرتك كان في برده مكنة كنتم عارضنها باعت الفاكيوم بتاعت تصنيع الأدوات البلاستيكية والحاجات دي.

المهندس منسي: آه.. موجودة آه.

العميل: دي عاملة كام؟

المهندس منسي: عاملة 1500  دولار.

العميل: دي في منها حالات… المكنة دي ثابتة ولا ليها برده حالات…

المهندس منسي: لا ممكن تتغير إنت ممكن تغير الاسطمبات بتاعتها.

إنت بتتكلم حضرتك على الاسطمبات، يعني اللي هوه في أعلى منها ولا هي أم 1 بس.

المهندس منسي: إنت عايز أعلى؟

العميل: يعني هوه المفروض ليها كذا نوع ولا نوع واحد؟

المهندس منسي: هي نوع واحد بس لو عايز نغليلك نغليهولك عشان نقول أعلى ولا يهمك يا باشا إحنا تحت الأمر..هنديك نفس المكنة ونقلك ما تقلقش ونقلك دي إيه بقى دي مالهاش حل في جمالها، دي بقى المواتير مش عارف إيه، ونقولك شوية كلام بـ إيه المانع، مادام إنت عايز أعلى.

العميل: ماشي يا باشا..بقول لحضرتك المكان فين في العاشر؟

المهندس منسي: لا إحنا مش في العاشر، عندنا في مدينة نصر، حدائق القبة، باب الشعرية، وقريب قوي هيبقى العبور و6 أكتوبر.

العميل:تمام…ماشي يا باشا ألف شكر يا باشا.

المهندس منسي: مع السلامة.