ماكينة تعبئة أصابع السكر أتوماتيكيا من شركة مهندس منسي
ماكينة تعبئة أصابع السكر أتوماتيكيا من شركة مهندس منسي
العميل: الو المهندس منسي؟
المهندس منسي: ايوه
العميل: ازي حضرتك.
المهندس منسي: الحمد الله.
العميل: محمد حماد, بكلمك من طرف الحاج أشرف خطاب بتاع شركة الطباعة بتاع البلاستك.
المهندس منسي: اه اه إخباره أي؟
العميل: بتاع جسر السويس, أزيك يا حاج منسي.
المهندس منسي: أزيك يا باشا.
العميل: الله يكرمك يا باشا أنا كنت عنده النها رده أما كنت عنده النهاردة وكنت بكلمة اني كنت محتاج مكنة تعبئة سكر فقالي المهندس منسي من أحسن الناس وعنده خدمة ما بعد البيع كمان أحسن وأحسن يعني.
المهندس منسي: الحمد الله فضل ربنا
العميل: الله يبار كلك يا بشمهندس أنت حضرتك مكانك فين يا بشمهندس؟
المهندس منسي: أحنا عندنا باب الشعرية وحدائق القبة ومدينة نصر.
العميل: طيب تمام,أنا كنت محتاج اوتوماتيك تعبي رز وسكر ينفع؟ ولا لازم رز لوحدها وسكر لوحدها؟
المهندس منسي: لا عادي أحنا عندنا الاوبشن ده ضايفينه علي المكنة بحيث أنها تعبي الاثنين.
العميل: طيب ويركب عليها البلاستك ليمنشن وهاي؟
المهندس منسي: لا يركب ليمنيشن بس,الهاي ده مشروع فاشل الناس بيضحكوا علي بعض يعني, بنضحك علي بعض بيها يعني ,الهاي لها مكنة الهاي لها مكنة لوحدها ولكن لما تعبي هاي تعبي لما تيجي تعبي هاي تعبي أكياس بس لأن مينفعش تعبي أكياس وفي نفس الوقت تعبي رز بنضحك على بعض صدقني يا ابن عمي, انا راجل مهندس مش تاجر,معرفش اتكلم ,اعرف اصنع , يعني انا شغلتي اني اعرف اصنع انما لما اجي أتكلم بيبئا كلامي عامل زي التروس كده.
العميل: تمام هو بس الانميشن في السكر هيكون تكلفته عاليه.
المهندس منسي: لا في بئا حلينها بحاجة تانية احنا عملنا حاجة تقدر تقول لأستاذ أشرف عليها أسمها بوب.
العميل: اه.
المهندس منسي: البوب ده تقدر عادي تعبية علي المكنة الاتوماتيك عادي مفيهاش مشكلة خالص وهتلاقي التكلفة أقل بكثير من الهاي والحاجات دي.
العميل: بجد والله.
المهندس منسي: أن شاء الله. أنت هتلاقسي غالي أغلى من الهاي لكن لما تيجي تحسبها وتحسب التكلفة هتدعي لأخوك.
العميل: طيب المكنة دي عاملة كام يا حاج منسي؟
المهندس منسي: 6.
العميل: يعني كام يعني حوالي 0 الف دلوقتي.
المهندس منسي: لا أقل أقل النها رده ب 9 ونص.
العميل: يعني تقريبا بالمصري كام كله ؟
المهندس منسي: يعني 63 في الحدود دي.
العميل: 63000؟
المهندس منسي: اه.
العميل: شاملة التركيب وكل حاجة يا بشمهندس؟
المهندس منسي: أن شاء الله شاملة التركيب والتدريب واثنين سيديهاية اثنين سيديهاية فيديو بتعليم وتدريب وصيانة وكل حاجة.
العميل: طيب دي بكام طول الأرتفاع؟
المهندس منسي: تعمل في حدود 3طن في النص ساعة.
العميل: 3 طن في الساعة! طيب لو كنت عايز اجي أقعد مع حضرتك شوية بناسبك امتي وفين؟
المهندس منسي: احنا موجودين دايما من 11 ل 9 .
العميل: فين بئا؟ في أي فرع؟
المهندس منسي: هبعتلك في رسالة احنا عندنا فرع حدائق القبة وفي مدينة نصر وفي باب الشعرية أقربلك أنت أي؟
العميل: لا انا عايز اقابلك أنت, مقصدش الفروع انا عايز اقعد معاك أنت.
المهندس منسي: ده هما هيخدموك أكثر مني.
العميل: تمام, هو في مكن هقدر أبص عليها؟
المهندس منسي: هتلاقيني قاعد 100 حاجة في دماغي, أنما هما هيبئوا قاعدين فاضيلنك أنت قاعدين مرتحنلك, يعني أنت لما تروح مثلاً لترزي هتقول عايز صاحب المحل ولا عايز الواد ال أيده تتلف في حرير؟
العميل: صح صحيح الله ينور عليك.
المهندس منسي: الواد هيعملك بكلة هنا وغرزة هنا ويسنجفلك العملية, أنما صاحب المحل 600 حاجة في دماغة.
العميل: مضبوط مضبوط طيب ابعتلي الثلاث عناوين عشان أشوف الأنسب ليا أي واروحلهم.
المهندس منسي: طيب ماشي حاضر.
العميل: تسلم يا بشمهندس ربنا يخليك. مع السلامة.