ماكينة تعبأة نص أتوماتيك لتعبئة بودرة طفايات الحريق من شركة مهندس منسي
ماكينة تعبأة نص أتوماتيك لتعبئة بودرة طفايات الحريق من شركة مهندس منسي
المهندس منسي: السلام عليكم
العميل: وعليكم السلام ورحمة الله وبركاته، لو سمحت أنا بسال عن مكنة تعبئة البودرة، فكنت كلمت رقم جايبه من عالنت إداني عنوان إنه في شارع بورسعيد اللي هو في شارع خليل المصري.
المهندس منسي: آه
العميل: المهم إن أنا هناك دلوقتي، فقابلني واحد هناك وبيقولي لا إحنا معندناش المكنة دي، طب ده أنا واخد الـ.. يعني أنا داخل عالنت وشايف المكنة موجودة وإنتوا مصورينها هناك عندكو، عالنت بتاعكو، وأنا جيت على هذا الكلام يعني
المهندس منسي: مظبوط آه، طيب هو انت عايز تعبي بودرة شكلها إيه؟
العميل: بودرة طفايات يعني، و كنت اتصلت قبل كدا بـ 01211116958 فقالي موجودة فعلاً، ده حتى سعرها قالي عاملة 13 ألف جنيه وموجودة، وأنا جيت على هذا الأساس، ودلوقتي بيقولولي مفيش، هل ممكن تبقى موجودة في فرع تاني عندكم ولا إيه؟
المهندس منسي: لا هي موجودة، اطلع هناك كدا وخلي اللي موجود يكلمني
العميل: اطلعلك فوق تاني؟
المهندس منسي: آه، اطلع فوق وقله كلم الباشمهندس
العميل: طيب ماشي خليك معايا
المهندس منسي: أيوا؟
العميل: أيوا أنا طلعت أهو ثواني أديك الباشمهندس.. أهو الباشمهندس معاك أهو.
مدير الفرع: آلو؟
المهندس منسي: أيوا مين؟
مدير الفرع: يا هندسة.
المهندس منسي: مين معايا؟
مدير الفرع: معاك منذر مدير فرع حدائق القبة.
المهندس منسي: أهلا بيك إزيك يا باشا؟
مدير الفرع: الله يخليك يا باشا، أخبارك إيه؟
المهندس منسي: هو إحنا معندناش اللي هي الطَبْ نص أوتوماتيك؟
مدير الفرع: بتاع إيه؟
المهندس منسي: معندناش مكنة تغليف الكاب النص أوتوماتيك؟
مدير الفرع: لا والله يا هندسة، هو يا هندسة عايز يعبي البودرة بتاعة الطفايات، عاملة زي الدقيق بالظبط.
المهندس منسي: آآه، عايز يعبيها في أكياس ولا عبوات؟
مدير الفرع: لا عايز يعبيها جوا الطفاية ذات نفسها
المهندس منسي: مم.. يبقى في عبوات، طب قله بقى يستنى عشان خاطر الوزنية تقدر تعملها.
مدير الفرع: يعمل إيه؟
المهندس منسي: الوزنية، ممكن نعبيها عالوزنية.
مدير الفرع: آه يعني لحد يومين كدا لحد ما ييجي إن شاء الله
المهندس منسي: آه، قله أصلاً اللي جاي أربع ماكينات محجوزين، ييجي بس يجرب شغله ويحجز للي جاي.
مدير الفرع: طيب ماشي.
المهندس منسي: ماشي يا حبيبي.