ماكينات تعبئة سكر وارز وبقوليات فى اكياس من شركة المهندس منسى
ماكينات تعبئة سكر وارز وبقوليات فى اكياس من شركة المهندس منسى
العميل: سلام عليكم
المهندس منسى: عليكم السلام ورحمة الله وبركاته
العميل: حضرتك معاك مصطفى الأطرش، كان عندي استفسار عن مكن التعبئة والتغليف عند حضرتك، مكن تعبئة وتغليف السكر والرز عامل كام دلوقتي النص أتوماتيك والأتوماتيك بعد إذنك؟
المهندس منسى: النص أتوماتيك عامله…. إنت هتعبي إيه وإيه وإيه بالضبط؟
العميل: سكر ورز وبقوليات طبعاً، لو هينفع بيبقى وزنها من كام لكام مثلاً؟
المهندس منسى: ما هي دي أحد الأسئلة اللي أنا لسه هسألها لك، بس قولي كل الحاجات اللي إنت هتعبيها عشان أعرف بالضبط إيه المكنة اللي إنت هتحتاجها
العميل: والله كبداية هشتغل في الرز والسكر والبقوليات اللي هوه العدس والكلام ده، كبداية، مافيش في دماغي حالياً أي حاجة مستقبلية غير كده
المهندس منسى: ماشي.. هتعبي من كام لكام؟ أقصى وزن عايزه
العميل: هيبقى 5 كيلو
المهندس منسى: آه…. هي أقصى حاجة عندنا لغاية كيلو، فممكن نتكلم في الكيلو وبعد كده الـ 5 كيلو ممكن تخليها 5 وحدات جنب بعض
العميل: أيوه… أيوه.. تمام حلو
المهندس منسى: بص يا سيدي، هي المكنة النص أتوماتيك دي وزنية، والمكنة الأتوماتيك تقدر تاخد النص أتوماتيك تركبها على الأتوماتيك تبقى أتوماتيك، إزاي؟؟؟ إنت دلوقتي مافيش في مقدرتك إنك تجيب الأتوماتيك، تاخد نص أتوماتيك دلوقتي، وبعد ما تاخدها تقدر تحدثها تخليها أتوماتيك كاملة
العميل: في المستقبل
المهندس منسى: أيوه
العميل: تمام.. ممتاز جداً
المهندس منسى: النص أتوماتيك عامله يعني 1، والأتوماتيك يعني 0 جنيه مصري
العميل: طب أستأذنك بس حضرتك موقع الشركة بتاعكم فين بالضبط لو هنزل القاهرة؟
المهندس منسى: إحنا عندنا حدائق القبة، مدينة نصر، باب الشعرية، غمرة، 6 أكتوبر
العميل: فين في مدينة نصر؟
المهندس منسى: هبعتلك العنوان بتاعه دلوقتي في رسالة حالاً
العميل: حبيبي ماشي.. شكراً جزيلاً
المهندس منسى: ماشي يا باشا، مع السلامة
العميل: ماشي شكراً، مع السلامة