ماكينات تعبئة بهارات نص اتوماتيك من شركة المهندس منسى
ماكينات تعبئة بهارات نص اتوماتيك من شركة المهندس منسى
العميل: السلام عليكم
المهندس منسى: عليكم السلام ورحمة الله وبركاته
العميل: مساء الخير
المهندس منسى: مساء الخير يا فندم
العميل: شركة منسي
المهندس منسى: أيوه
العميل: لو سمحت كنت عايز أستفسر عن الأسعار عندكم عن التغليف وكده
المهندس منسى: آه
العميل: دلوقتي أنا بعمل محتاج إن أنا أغلف حاجات أكياس بهارات وحاجات زي كده
المهندس منسى: أكياس بهارات آه
العميل: آه،دي إنت تقدر تساعدني في ده إزاي، وإيه الأسعار؟
المهندس منسى: هوه إحنا عندنا مكن نص أتوماتيك وعندنا أتوماتيك كامل
العميل: تمام
المهندس منسى: إيه اللي منهم ممكن يمشي مع حضرتك
العميل: طب ممكن تشرحلي أكتر يعني إيه نص أتوماتيك ويعني إيه أتوماتيك كامل؟
المهندس منسى: هوه نص أتوماتيك يعني إنت بتناول المكنة الكيس وهي بتعبيهولك
العميل: تمام
المهندس منسى: أما الأتوماتيك دي بتحط المادة الخام في قادوس وهي بتمسك الرول تفصله وتعمله كيس وتعبيه وتقفله هي لوحدها
العميل: تمام، أما النص أتوماتيك أنا اللي بحط الكيس بس هي طبعاً بتعبيه وتقفله
المهندس منسى: آه بتعبيه وتقفله آه
العميل: طيب أنا النهاردة مثلاً أنا اللي لازم أقف على المكنة ولا عندك حد ولا إيه الدنيا؟
المهندس منسى: يعني أنا أوفر لك المكنة وأوفر لك العامل كمان؟!!!!!
العميل: كله بحسابه
المهندس منسى: آه… لا أنا مش مقاول أنفار، أنا بتاع مكن
العميل: ماشي أنا معاك…
المهندس منسى: بص حضرتك أنا هقولك على حاجة كويسة قوي، إنت دلوقتي استعلمت إحنا عندنا المكن ده ولا ما عندناش؟
العميل: آه
المهندس منسى: فإحنا عندنا المكن ده، الأفضل إن حضرتك تتعب نفسك شويه وتيجي تتفرج على المكن ده على الطبيعة
العميل: تمام ده هيحصل ده طبيعي، بس أنا قلت أستفسر الأول عشان أنا المكن أشوف المناسب ليا والأسعار إيه عشان آجي أتفرج أشوفه على الطبيعة
المهندس منسى: إنت بدور كده على اللي بيتكلم أحسن مش اللي عنده مكنة أحسن، أنا ممكن أتكلم معاك حلو قوي وأقعد أقولك المكنة بتاعتنا والمكنة بتاعتنا…. حضرتك تروح تتفرج اتعب نفسك أسبوع 10 أيام ده مشروع مش تلفزيون، ده في التلفزيون بتنزل تدور،ده مشروع حضرتك مشكوراً ده نصيحتي ليك إنت تيجي تتفرج شمال ويمين وتتعرف على كل الشركات وبعد كده إنت لوحدك بقى تختار
العميل: طب هسأل حضرتك سؤال، حضرتك بتبيع المكن ولا بتعملوا عملية التغليف؟
المهندس منسى: لا إحنا بنبيع المكن والمواد
العميل: طيب لو المكنة نص أتوماتيك هتبقى تكلفني كام؟
المهندس منسى: تبدأ سعرها في حدود يعني
العميل: تمام… طب والمواد اللي هي الأكياس وكده؟
المهندس منسى: آه… لما تيجي بقى تبص على خامات الأكياس
المهندس منسى: ماشي يا باشا
العميل: السلام عليكم
المهندس منسى: عليكم السلام ورحمة الله وبركاته