ماكينات تعبئة الملح اتوماتيك ونصف اتوماتيك من شركة المهندس منسى
ماكينات تعبئة الملح اتوماتيك ونصف اتوماتيك من شركة المهندس منسى
العميل: السلام عليكم
المهندس منسى: عليكم السلام ورحمة الله وبركاته
العميل: كيف الحال
المهندس منسى: الحمد لله أحمد ربنا وأشكر فضله
العميل: شو اسمه أنا اتصلت عشان ماكينة الملح
المهندس منسى: آه
العميل: أنتم عندكم إنتاج الملح ولا بتستوردونها؟
المهندس منسى: إحنا بنصنع بره مصر وبنجمع المكن جوه مصر، دي ماركة عالمية
العميل: ممتاز… طيب كام إنتاجها بالطن هادي؟
المهندس منسى: النص أتوماتيك ولا الأتوماتيك؟
العميل: الأتوماتيك
المهندس منسى: ممكن تعمل لغاية 4.5-5 طن، بس هي بتتحسب على إيه؟؟؟ الإنتاجية مش بتتحسب على سرعة المكنة نفسها، المكنة ممكن أعايرهالك إن تنزلك 7 ـ 8 طن، ولكن الإنتاجية بتتحسب بناء على الكيس اللي هيتلحم شكله إيه؟؟؟ الكيس بتاع حضرتك شكله إيه والخلفية بتاعته شكلها إيه، ليه؟؟؟ لأنه الإنتاجية بتتحسب بناء على التايم اللي هيتلحم في الكيس، يعني إنت ممكن تجيبلي كيس لحميته تخينة وتقولي وريني الإنتاجية كده، فهنا الإنتاجية بتتحسب بناء على إيه؟؟؟،أول حاجة الهرولة بتاعت الملح، يعني الملح خشن ولا ناعم؟ لو خشن الهرولة بتاعته تبقى سريعة، طب لو ناعم الهرولة بتاعته بتبقى بطيئة
العميل: نعم
المهندس منسى: فهنا الإنتاجية ما أقدرش أقولك الإنتاجية مثلاً 8 طن في الساعة، وفي الآخر….
العميل: أوكيه عم تتكلم بالساعة
المهندس منسى: أيوه
العميل: تتكلم بالساعة الإنتاجية
المهندس منسى: إن شاء الله
العميل: الإنتاجية كام طن بالساعة؟
المهندس منسى: من 4-7 طن
العميل: كام سعرها هادي يا أستاذ؟
المهندس منسى: تعمل أو ما يعادله بالجنيه المصري
العميل: أنا دخلت بالإنترنت لقيتهم حاطين
المهندس منسى: لأ على إيه؟ على مكنة أتوماتيك بتعبي الملح؟
العميل: آه
المهندس منسى: لأ النص أتوماتيك بتعمل بس
العميل: نعم… أبغى الأتوماتيك
المهندس منسى: الأتوماتيك بتعمل استحالة، هاتلي الرابط وهخش كده أشوف المكنة دي إيه؟
العميل: مش مشكلة.. مش مشكلة…
المهندس منسى: لأ دي غلطة في حقنا إزاي
العميل: لا.. لا… اترك ما مشكلة نتعرض لدي كتير، خلينا عمليين شوي
المهندس منسى: آه
العميل: إنت شكلك متخصص في إنتاج المواد صح؟
المهندس منسى: أكيد عندنا الـ 2 عندنا المواد وعندنا….
العميل: أبغى السيور أبيها عندكم؟
المهندس منسى: إن شاء الله
العميل: أبغى أعبي مش بأكياس، أبغى أعبي بعبوات
المهندس منسى: مافيش مشكلة عندنا
العميل: موجود عندكم الماكينة هادي
المهندس منسى: عندي.. عندي.. كل العملية إن إحنا هنجيبلك وحدات نص أتوماتيك وهنركبها لك على سير أتوماتيك
العميل: طيب في إمكانية إنه أنا أكلمك من السعودية، في إمكانية إنه مثلاً بداية التشغيل إنكم تجودولنا مهندس وناس تعرفنا المكن
المهندس منسى: بص هوه أميز حاجة في المكن بتاعنا إن إحنا مصممنها حيث إنها مش محتاجة فنيات كتير، ولكن في كل الأحوال إنت لو احتجتني في أي وقت أنا معاك، الناس عندنا بيرحبوا بالسفر إلى السعودية
العميل: أنا قصدي إن أنا لما أعمل المعمل عندي يصير عندي 2 من عندك إنت منتقيهم ومدربهم
المهندس منسى: آه.. أو إنت ابعت 2 من عندك ندربهملك تمام التدريب، وندربهم لك صيانة، وكل حاجة…
العميل: لا أنا أبغى تعامل حدا تانى
المهندس منسى: الناس اللي الـ 2 اللي عندك دول… يا أخي اسمع كلام أخوك لوجه الله
العميل: لا إله إلا الله اسمع، أبغى آخد 2 من عندك إنت
المهندس منسى: قصدك أجيب 2 من عندنا نعمل إعلانات يعني ونجيب 2 وندربهم ونبعتهملك
العميل: من الجماعة بتوعك يا ابن الحلال بلا إعلانات بلا بطيخ، على طول اللي عايز يطلع للسعودية ويصير عنده معهد فني وعارف في المكن وزي كده ييجي الله يحيك، أطلعلهم تأشيرات ييجوا
المهندس منسى: أنا مش فاهم، إنت عايز 2 من عندي مدربين صيانة يعني؟
العميل: أبغى صيانة وإنتاج، 5 مش مشكلة، ممكن أخلي الطاقم كله مصري
المهندس منسى: مافيش مشكلة، ماشي، مافيش مشكلة نضبطها مع بعض دي
العميل: أنا بس أكلمك الحين بداية الكلام هادا عشان ندخل بالتفاصيل وندخل بالجد، لأني عايز أكثر من ماكينة، هادي بتصير إنتاجية ضخمة
المهندس منسى: إن شاء الله
العميل: أبغى تشوفلي يا طويل العمر ما بين 20-50 طن إنتاجية سويلي إنت بقى تفاصيل بكام الآلات والمعدات وكل حاجة كام تكلفني تقريباً، وأنا بتصل بيك بعد بكرة
المهندس منسى: ما بين كام؟
العميل: ما بين 20-50 طن يومي
المهندس منسى: آه ماشي، مافيش مشكلة حاضر
العميل: لأنه أنا مش عايز أبدأ كبير، أبي أبدأ بالتدرج لحد ما أعرف السوق وأطلع فوق
المهندس منسى: إن شاء الله
العميل: إن شاء الله، ما اتعرفنا باسمك؟
المهندس منسى: المهندس منسي
العميل: معاك عبد العزيز الحمولى
المهندس منسى: ماشي يا غالي
العميل: وفي واحد عندي بالسفارة السعودية بينسق معاك بس هوه الآن بأمريكا بينزل بعد أسبوع
المهندس منسى: يعمل إيه؟
العميل: يبي يتكلم معاك يزورك ويشوفك وتشوفه زي كده لغاية ما نوصل لاتفاق
المهندس منسى: إن شاء الله
العميل: السلام عليكم
المهندس منسى: عليكم السلام ورحمة الله وبركاته