ماكينات تعبئة البقوليات والتوابل من شركة المهندس منسي

ماكينات تعبئة البقوليات والتوابل من شركة المهندس منسي

العميل : سلام عليكم

المهندس منسي : عليكم السلام ورحمة الله وبركاته

العميل : باش مهندس منسي

المهندس منسي : أيوه

العميل : إزي حضرتك

المهندس منسي : الحمد لله

العميل : معلش بكلم حضرتك بخصوص مكن التعبئة والتغليف، حضرتك مازلت شغال فيهم ولا…

المهندس منسي : شغالين آه إحنا ماركة شركة كبيرة مش واحد بس

العميل : طب تمام، طب ممكن آخد فكرة عن الأسعار ولا…

المهندس منسي : اتفضل

العميل : المكنة اللي هي من 50 جرام لكيلو دي سعرها كام؟

المهندس منسي : هتعبي إيه؟

العميل : توابل وبقوليات وحاجات زي كده يعني

المهندس منسي : آه… من 100 جرام لألف جرام في نص أتوماتيك وفي أتوماتيك، النص أتوماتيك عامله يعني ، والأتوماتيك يعني 0 جنيه دي الأتوماتيك كاملة

العميل : طب إيه الفرق بين النص والأتوماتيك؟

المهندس منسي : النص أتوماتيك بتحطلها الكيس بإيدك وبعد ما تحطلها الكيس في مكنة جنبيها تروح شايلها وتروح رمياها على المكنة، مش تستنى لما تلحم، هي المكنة التانية بتاخد الكيس وتلحمه وتروح رمياه الناحية التانية

العميل : تمام

المهندس منسي : يعني بتحتاج عامل واقف عليها، أما التانية ممكن 6 مكنات 10 مكنات يشغلها عامل واحد

العميل : اللي هي الأتوماتيك الكاملة

المهندس منسي : آه، إنما المكنة النص أتوماتيك بتبقى إيه بتبقى محصورة في كفاءة العامل

العميل : تمام…

المهندس منسي : أما الأتوماتيك بالنسبة لها العامل غير ذو أهمية، كل العملية إنك بتلقمها وبتحطلها المنتج وهي بتتعامل بقى كل حاجة بتعملها لوحدها

العميل : طب الصناعة بتاعتها إيه؟

المهندس منسي : لا دي ماركة.. ماركة، يعني المصمم والديزاينر مصري دارس في ألمانيا، فعمل رسم التصميمات وحط الأوبشن وبعد كده بيصنع، بيصنع القطعة وات إيفر أياً كانت البلد

العميل : آه.. آه.. آه

المهندس منسي : يعني أياً كانت البلد مش فارقة معاه، مثلاً نيجي نفترض مثلاً…

العميل : يعني حضرتك تقصد ماركتك

المهندس منسي : نفترض مثلاً تليفون ماركة سامسونج، دوت إنت بتقول إيه بتقول أنا بشتري سامسونج، مش بتقول هوه بلده إيه

العميل : آه.. آه… طيب هي ماركة إيه معلش؟

المهندس منسي : ماركة المهندس منسي، اكتب ماركة المهندس منسي على النت ودور عليها

العميل : تمام… ما هو جيبت الرقم من على النت آه، طب في ضمان معين عليها أو كده؟

المهندس منسي : آه ضمان لمدة سنة ضد عيوب الصناعة، و10 سنين توفير قطع الغيار لحساب العميل

العميل : طب هي بتعبي أي منتج ولا في حاجات معينة لازم أشتغل عليها بس؟

المهندس منسي : ما هو كل مدروس، شوف حضرتك كل ما هوه مدروس، مسحوق الغسيل، حبيبات، توابل، فاصوليا، لوبيا، مكرونة، رز.. عد بقى عد كل ما هو مضروس، كل ما هو هتلاقيه في صورة حبوب أو حبيبات

العميل : آه… لب مثلاً شغال

المهندس منسي : آه لب طبعاً، لب، تسالي، مكسرات

العميل : تمام…

المهندس منسي : فسدق، لوز، عين جمل، زبيب….

العميل : تمام…

المهندس منسي : كل ده تعبي، كل ما هوه من أول مسحوق.. من أول مثلاً سكر المطحون، الحبيبات بتاعت السكر المطحون، شفت درجة نعومتها أد إيه

العميل : تمام…

المهندس منسي : لغاية التمر، والبلح…

العميل : آه.. تمام

المهندس منسي : تقدر تعبي عليها تمر وبلح وزبيب، وجوزة الهند، ورز وسكر

العميل : تمام.. طب هي دلوقتي الشركة المقر الرئيسي ولا ليها فروع وكده

المهندس منسي : ليها فروع آه، الفروع زيها زي المقر الرئيسي بالضبط

العميل : طب أقرب فرع لكفر الشيخ إيه

المهندس منسي : هوه إحنا عندنا حدائق القبة، مدينة نصر، باب الشعرية، شوف الفرع اللي إنت تستريح فيه إيه وهبعتهولك

العميل : حدائق القبة، مدينة نصر، باب الشعرية، خلاص تمام يا فندم، لو كده هشوف أي فروع من دول هيناسب معايا ولو هكلمك برده وهنسق معاك برده

المهندس منسي : ماشي يا غالي

العميل : متشكر جداً لحضرتك

المهندس منسي : مع السلامة

العميل : الله يسلمك