ماكينات تعبئة البقوليات من شركة المهندس منسي

ماكينات تعبئة البقوليات من شركة المهندس منسي

العميل : السلام عليكم

المهندس منسي : عليكم السلام ورحمة الله وبركاته

العميل : كنت بسأل على أكياس تغليف بتاعت البقوليات

المهندس منسي : آه

العميل : أقدر أعرف أو بيكون إزاي؟

المهندس منسي : هوه في سيم أتوماتيك وفي أتوماتيك

العميل : ده بيبقى رول يعني ولا إيه؟

المهندس منسي : بيبقى رول بيخش المكنة يتفصل يتعمل أكياس وبعد ما يتعمل أكياس بيتعبه وتغلف وتنتج لوحدها دون تدخل أي تدخل بشري

العميل : طيب والتاني؟

المهندس منسي : أما السيم أتوماتيك حد بيبقى قاعد على المكنة يلقملها الكيس، وبعد ما يلقملها الكيس ياخد الكيس يحطه على سير، السير دوت بياخد الكيس يلحمه ويوديه الناحية التانية

العميل : تمام…

المهندس منسي : وممكن أنا أستخدم الكيس دوت في التعبئة اليدوي، يعني أنا هعبي بإيدي وبمكنة لحام تانية أمشي عليها ويلحم عادي

العميل : آه…

المهندس منسي : هوه مكنة اللحام النهاردة السير أفضل من الثابتة اللي إنت كنت بتشوفها النظام القديم دوت، بقى في نظام حديث دلوقتي بسير، بحيث إنك تحط الكيس بعد ما تعبيه على السير دوت ياخد الكيس يلحمه ويوديه الناحية التانية

العميل : يعني هي مكنة لحام بسير بس؟

المهندس منسي : آه فدي وفرت عليك عامل ووفرت عليك وقت، يعني الأول كانوا 2 بيقعدوا، واحد يعبي والتاني يلحم وراه

العميل : صحيح

المهندس منسي : لأ دلوقتي واحد بس يقعد يعبي ويرمي على السير، يعبي ويرمي على السير، فالنهاردة بدل ما كنت بتشغل مكنة واحدة بقيت بتشغل مكنتين، يعني مكنة واحدة بـ2 عمال بقيت تشغل مكنتين، يعني المكنتين جنب بعض السير من هنا والسير من هنا، واخد بالك، وكل واحد يبقى شغال على خط لوحده

العميل : تمام… طب دي سعرها كام المكنة اللي هي السير اللي بتلحم؟

المهندس منسي : يعني ، إحنا بسنمي بس بالدولار عشان خاطر نضمن بس ثبات

العميل : مافيش مشاكل

المهندس منسي : آه.. لأنه الدولار ثابت أما الجنيه هوه اللي بيطلع وينزل

العميل : هوه اللي فيه مشكلة

المهندس منسي : آه

العميل : طب دي شكل اللحام بتاعها بيكون نظيف كويس؟ ولا…

المهندس منسي : أرقى أنواع اللحام

العميل : يعني شكل الكيس لأنه بحطه على الرف بعد كده فالزبون بيروح…

المهندس منسي : أرقى أنواع اللحام اللي إنت بتشوفه اللحام المنقوش دوت أو السادة، اللي هوه عرضه 1.5 سم ده

العميل : أيوه صحيح

المهندس منسي : أرقى أنواع اللحام اللي موجود في العالم لغاية دلوقتي

العميل : طيب ده موجود عند حضرتك المكنة دي متوفرة؟

المهندس منسي : متوفرة آه

العميل : طب أقدر أعرف بقى أسعار الأكياس إيه بقى؟

المهندس منسي : هي بتحدد بناء على عدد من العوامل: السماكة، والخامة، والتكنيك، والعرض، والطول، والكمية…. فده ما أقدرش أدي فيه سعر كده إلا لما حضرتك تيجي تشرفنا بالزيارة ويبقى معاك التصميم في إيدك نتفرج عليه ونعد عدد الألوان ونبدأ نقولك إنت هتاخد كمية أد إيه، تختار الكميات اللي إنت عايزها، تختار المنتج اللي إنت عايزه، فبناء على الحاجات ديت نبدأ نقول

العميل : تمام… طيب الله المستعان، هوه كلام عاقل فعلاً مقنع، طب أنا هشوف كده الأمور.. طب إديني العنوان كده ممكن؟

المهندس منسي : إحنا عندنا حدائق القبة، مدينة نصر، باب الشعرية، 6 أكتوبر

العميل : طيب إديني عنوان 6 أكتوبر

المهندس منسي : هبعتهولك في رسالة حالاً

العميل : غير العنوان اللي هوه على النت

المهندس منسي : آه

العميل : طيب خلاص اتفقنا، متشكر جداً، مع السلامة