ماكينات تغليف المكرونة من شركة المهندس منسي
ماكينات تغليف المكرونة من شركة المهندس منسي
العميل : سلام عليكم
المهندس منسي : عليكم السلام ورحمة الله وبركاته
العميل : بقول لحضرتك
المهندس منسي : اتفضل
العميل : الرقم ده بتاع الشركة بتاعت مكن التغليف
المهندس منسي : آه
العميل : مين حضرتك؟
المهندس منسي : خير أأمرني
العميل : ما يأمرش عليك ظالم، أنا دايخ عليك عمال بدور قولي المكان فين عايز أتفرج على مكنتين 3 بتوع تغليف المكرونة
المهندس منسي : حاضر إحنا شركة المهندس منسي للصناعات الهندسية والتغليف الحديث
العميل : المهندس منسي
المهندس منسي : أيوه
العميل : تصدق بقى وتؤمن بالله أنا بدور في حته اسمها المنسي ناحية بركات بتاع اللب كده..
المهندس منسي : ما هوه ده
العميل : بتاع باب الشعرية
المهندس منسي : آه هوه ده آه
العميل : طب فين بقى عند المنسي عند المقام
المهندس منسي : أدام مطعم منسي
العميل : هوه المحل اللي على اليمين ده أبو سلالم
المهندس منسي : شقة في الدور الأول بعد الأرضي، أنا هبعتلك العنوان في رسالة دلوقتي هتكلم أي حد من الـ 3 تليفونات اللي فيها هيوصفلك بالضبط
العميل : طب أنا بالضبط أدام مطعم المنسي أهوه
المهندس منسي : بص كده هتلاقي في شبابيك لونها أزرق
العميل : ممكن نص دقيقة، أنا بمد أهوه، مطعم المنسي بتاع الفول والطعمية
المهندس منسي : آه.. في بوابة أدامك دلوقتي
العميل : اللي على بابها سبيل المياه
المهندس منسي : أيوه خش البوابة ديت وأطلع في الدور الأول بعد الأرضي، إمشي ورا النور
العميل : طب أنا طلعت كده السلم في باب شقة على إيدي الشمال وسلم في الوش أهوه وفي أسانسير على إيدي الشمال أهوه
المهندس منسي : أدام الأسانسير في باب مفتوح ولا مقفول
العميل : مقفول
المهندس منسي : طب تعالى لنا في المكتب التاني
العميل : اللي هوه الدور الأولاني بعد الأرضي، كده إحنا طلعنا الدور الأولاني
المهندس منسي : تعالى في المكتب التاني، إحنا عندنا مكتبين في نفس الشارع، تعالى في المكتب التاني اللي قدام سيدي المنسي
العميل : يعني أنا كده أنزل من العمارة
المهندس منسي : آه
العميل : طيب المكتب التاني فين
المهندس منسي : قدام سيدي المنسي
العميل : قدام المقام ذات نفسه في الحارة ولا….
المهندس منسي : في الحارة إزاي؟
العميل : يعني في الحارة جوه ولا على الشارع نفسه
المهندس منسي : إحنا قدام المقام مباشرة
العميل : اسأل بقى مقام سيدي المنسي فين قدام منه على طول هتلاقي اليافطة بتاعتنا مداريا بشجرتين ماشي
المهندس منسي : يعني أدي ظهري للمقام بتاع المنسي دوت واليافطة بتاعتكم مداريه بشجرتين على اليمين
العميل : إن شاء الله طب أطلع إزاي يعني فوق ولا تحت ولا إيه
المهندس منسي : آه الدور الأول بعد الأرضي
العميل : ماشي يا فندم شكراً
المهندس منسي : العفو انا كدا كتبتلك العنوان بالتفصيل
العميل : أنا كده بالضبط واقف عند المقام بتاع المنسي
المهندس منسي : آه.. ادي ظهرك للمقام بقى هتلاقي فيه كوافير الكوافير ده بقى في بوابة، اطلع الدور الأول بعد الأرضي
العميل : الكوافير إيه؟
المهندس منسي : مش في بوابة قدامك
العميل : أنا كده في بتاع بلاي ستاشن
المهندس منسي : بلاي ستاشن فين؟ لا في مدرسة جنب المقام إدي ظهرك للمدرسة
العميل : في مدرسة جنب المقام، المدرسة اللي هنا فين؟
المهندس منسي : اسأل الناس اللي عندك قولهم المهندس منسي فين؟
العميل : إنت بتتكلم على الشجرتين الرفيعين الصغيرين دول اللي قدامهم العربية النوبيرا
المهندس منسي : أيوه همه دول
العميل : آه.. آه.. البوابة ديت اللي هي قهوة وسوبر ماركت
المهندس منسي : آه اطلع بقى فوق الدور الأول بعد الأرضي
العميل : شقة كام
المهندس منسي : شقة.. اطلع هتلاقي يافطة بتاعتنا مافيش إلا إحنا في الدور الأول
العميل : ماشي يا فندم الدور الأول بعد الأرضي