ماكينات تعبئة وتغليف سكر من شركة المهندس منسى
ماكينات تعبئة وتغليف سكر من شركة المهندس منسى
المهندس منسى: سلام عليكم
العميل: سلام عليكم
المهندس منسى: عليكم السلام ورحمة الله وبركاته
العميل: كنت بسأل على المكاينة اللي هي تعبئة السكر البورشن الصغير
المهندس منسى: آه موجودة
العميل: سعرها كام دي؟
المهندس منسى: أتوماتيك كاملة عامله ، يعني 0 جنيه
العميل: آه على سعر الدولار الرسمي؟
المهندس منسى: هوه حالياً بنحول الدولار بـ 10 مش عارفين بكره في إيه؟،بتحوله إلى حد ما قرب الرسمي شويه
العميل: آه تجاوزاً عشان ما تقباش راجل.. وإنتم ناس محترمة يعني
المهندس منسى: الله يبارلك
العميل: طيب وبالنسبة حضرتك للنص الأتوماتيك برده في نفس المسألة
المهندس منسى: النص أتوماتيك في البورشل ده هتبقى صعب قوي
العميل: صعبة في إيه؟؟
المهندس منسى: البورشل قصدك الأكياس الرفيعة ولا…
العميل: أكياس رفيعة أو عريضة المهم تشيل حوالي 5 جرام 10 جرام
المهندس منسى: ما هوه 5 جرام في مكنة بـ ولكن هيبقى عندك خلق إنك تعبي الأكياس الرفيعة دي عليها؟
العميل: طب ودي بترمي أد إيه المكنة دي؟
المهندس منسى: بتعمل في حدود كيس في الساعة
العميل: آه… دي من غير لحام دي؟
المهندس منسى: الأتوماتيك بلحام بكل حاجة والنص أتوماتيك دي ميزان بس
المهندس منسى: بيبقى جنبيها مكنة، آه بيبقى ميزان بس وجنبيها مكنة لحام صغيرة
العميل: متصلة بيها؟
المهندس منسى: آه…
العميل: آه… طيب يا باشا، طب وبالنسبة حضرتك، معلش بقى الكلام جاب بعضه، بالنسبة لمكنة تعبئة حاجة زي الملح من 250 جرام فيما فوق لـ 500 مثلاً
المهندس منسى: برده 45 يعني
العميل: دي اللي هي بتعمل الميزان من كام لكام معلش يا باشا؟
المهندس منسى: بتعمل من أول 100 جرام لغاية مثلاً 400 كده يعني
العميل: مش ممكن تعمل لغاية 500
المهندس منسى: قول لغاية 500 عشان الملح وزنه تقيل شويه
العميل: بالضبط.. بالضبط.. طيب يا باشا ربنا يخليك يا باش مهندس
المهندس منسى: مع السلامة
العميل: شاكرين جداً،بالنسبة حضرتك للي بتعبي الملح اللي هي الهاف بنفس الوزن اللي هي من 100 لـ 500
المهندس منسى: نص أتوماتيك يعني
العميل: آه
المهندس منسى: دي بـ
العميل: دي عبارة عن إيه معلش؟
المهندس منسى: مكنة نص أتوماتيك وزنية
العميل: وبتعتمد على كيس معين، ولا دي ملهاش دعوة بالكيس خالص؟
المهندس منسى: ملهاش دعوة بالكيس، تحتلها الكيس وبعد ما بتعبي بتحطها على مكنة اللحام
العميل: آه.. يعني دي تعتبر زي الميزان بس
المهندس منسى: آه
العميل: وبتحتاج حد سوري إنه هوه يفتح الكيس والكلام ده كله، ولا بتعتمد على إيه؟
المهندس منسى: ما هوه إنت بتاخد الكيس بتفتحه وتحطلها ويعبي وبعد ما يعبي ترميه على مكنة اللحام
العميل: آه
المهندس منسى: مكنة اللحام اللي عندنا مكنة إنتاجية يعني إيه؟؟؟ يعني ترملها الكيس هي تاخده وتلحمه وترميه الناحية التانية، ما تستناش لغاية ما تلحم
العميل: معلش دي تاني عشان دي فنية جداً الحتة ديت؟
المهندس منسى: آه بص يا سيدي المكنة ديت بتساعد في الإنتاج، إزاي؟؟؟ يعني اللي إنت متعود عليه إن مكنة اللحام بتستنى لغاية ما تلحم وبعد كده تشيله
العميل: آه بتشيله…
المهندس منسى: لا الوضع مختلف، هنا بقى إنت بتعمل إيه؟؟ إنت بتديلها الكيس وبس…
العميل: إنت بتعتمد زي مكنة السير حضرتك قصدك عليها
المهندس منسى: آه زي مكنة السير
العميل: اللي هي الأفقي دي
المهندس منسى: أيوه، تحط الكيس على السير هي بتاخده وتلحمه وتوديه الناحية التانية
العميل: بيترمي بقى بعدها ولا بتودي فين سوري
المهندس منسى: آه بعد ما تعبيه ترمي عليها
العميل: آه… آه
المهندس منسى: هي تاخده تلحمه وتودي الناحية التانية
العميل: آه طب دي مرفقة أم 12 دي تعتبر مرفقة بالمكنة؟
المهندس منسى: ما هي مرفقة بتمنها، يعني هي تمنها لوحدها
العميل: آه… تعتبر دي بالمكنة على طول
المهندس منسى: آه يعني دي مكنة ودي مكنة تانية
العميل: آه ماشي يعني الـ 2 تعتبر خط واحد
المهندس منسى: آه لما تيجي إنت بقى تحطهم جنب بعض يبقى خط واحد، كل العملية إن عامل واحد اللي هيقعد عليها، هيعبي الكيس ويرميه على المكنة
العميل: ودي بترمي حوالي أد إيه؟ وزن أد إيه وكده؟
المهندس منسى: بترمي لغاية كيلو
العميل: آه لأ بترمي عدد الرمية أد إيه في الساعة؟
المهندس منسى: بحسب كفاءة العامل، 2 طن في الساعة
العميل: جنابك في نقطة بس معلش، دي بتعتمد إن العامل نفسه بيتحكم فيها برجله ولا بتعتبر إيه نظام مستمر
المهندس منسى: لأ هوه فيها دايرة فوتوسيل وفيها بالقدم، يعني بالقدم يعني إيه، يعني في دواسة كده كهربا…
العميل: فاهم.. فاهم زي نظام مكنة اللحام ديت أم رجلين
المهندس منسى: أيوه
العميل: آه…
المهندس منسى: دي بقى ما بيعتمدش على قوته، دي بقى دوسة واحدة كده تروح منزلاله، أو يعتمد على الفوتوسيل، لو عايز يلغي الرجل يعتمد على الفوتوسيل، يعني معنى كده إن الكيس إتحط فيها، بعد ما إتحط فيها هي تحس بيه تروح معبيا الكيس بتاعها
العميل: آه… فاهم زي نظام اللي هي المياه حنفية المياه بتاعت الفنادق والكلام ده كله مسافة اللمس بس
المهندس منسى: أيوه
العميل: طيب يا باشا ربنا يعزك متشكرين جداً يا باشا، ربنا يخليك يا باش مهندس
المهندس منسى: مع السلامة