ماكينة تعبئة الارز من شركة المهندس منسى
ماكينة تعبئة الارز من شركة المهندس منسى
العميل : شركة المنسي
المهندس منسى : أيوه
العميل : عايز أسأل على المكنة الأتوماتيك بكام، اللي بتعبي لحد كيلو بنظام الهوا
المهندس منسى : هتعبي إيه؟
العميل : رز، حاجات مش دقيق لأ، رز، بقوليات، شوفان
المهندس منسى : في عندنا مكن تعبئة نص أتوماتيك وفي مكن أتوماتيك، النص أتوماتيك في وزني وفي مكيال، والأتوماتيك كامل مكيال
العميل : تمام.. أنا بتكلم على الأتوماتيك كامل مكيال
المهندس منسى : عايز الإنتاجية، ولا الكهربا، ولا عايز فيها إيه؟
العميل : مش واخد بالي إنتاجية ولا كهربا؟
المهندس منسى : يعني عايز تعرف فيها إيه؟
العميل : عايز أعرف إنتاجيتها كام في الدقيقة أو الساعة مثلاً، يعني لو هتعبي كيلو مثلاً هتعبي أد إيه؟
المهندس منسى : في حدود 4 طن ـ 4.5 طن في الساعة
العميل : يعني 60-70 في الدقيقة
المهندس منسى : إن شاء الله
العميل : دي مصري يا باش مهندس؟
المهندس منسى : لأ الفكر بس مصري، يعني إحنا مش تجار، إحنا مهندسين، رسمنا قطع الغيار وصممناها وعملناها بره مصر وجمعناها تاني في مصر
العميل : آه بس هي بتشتغل على كل خامات الأكياس زي الهاي كده صح؟
المهندس منسى : آه بتشتغل على أكياس اللامينيشن
العميل : آه يعني الأكياس بتاعت التموين دي بتشتغل فيها
المهندس منسى : آه.. أما أكياس الهاي واللو ده يشتغل عليها المكن النص أتوماتيك
العميل : تمام… اللي هوه بيتلقم من تحت ده
المهندس منسى : أيوه
العميل : تمام.. طب دي يا باش مهندس بتشيل السير اللي قدامها والسير واللي وراها، يعني بتقلب من الخزان اللي هوه الأولاني بالسير اللي بيطلع على المكنة، بالسير اللي هوه بعد خط الإنتاج بالمكنة بتاعت التاريخ بكل حاجة
المهندس منسى : آه في آه
العميل : بكام بقى؟
المهندس منسى : بـ
العميل : كاملة مكملة
المهندس منسى : هوه أنا مش فاهم يعني إيه كاملة مكملة؟
العميل : يعني بالسير يا باش مهندس، في ناس بتبيع كل قطعة لوحدها، يعني مثلاً يقولك المكنة بس مثلاً بكذا دولار، والسير اللي ورا
المهندس منسى : أصل هوه السير ده كله بكام يعني، ما يكملش ، بـ 50 دولار
العميل : اللي ورا
المهندس منسى : مافيش سير ورا، في سير قدام
العميل : أنا اللي بتكلم على السير اللي ورا اللي بيدخل المنتج، بداية المنتج
المهندس منسى : إنت قصدك الحلزون اللي بيطلع المنتج لفوق
العميل : أيوه بالضبط كده
المهندس منسى : آه.. آه.. في منه مصري وفي منه مستورد، المصري بتعمل ، والمستوردة بتعمل
العميل : آه.. ده على الـ
المهندس منسى : آه
العميل : لو إحنا حابين نيجي نبص في عندك حاجة نيجي نبص عليها؟
المهندس منسى : هوه يستحسن لو جيت بصيت
العميل : طب فين مكانكم؟
المهندس منسى : إحنا عندنا حدائق القبة، مدينة نصر، باب الشعرية، 6 أكتوبر
العميل : فين في 6 أكتوبر، أنا في الهرم
المهندس منسى : هبعتلك العنوان بتاع 6 أكتوبر حالاً
العميل : همه شغالين النهاردة يا باش مهندس؟
المهندس منسى : النهاردة في حالة وفاة في أحد أفراد الشركة، اتصل بيه قبل ما تروح
العميل : البقاء لله وحده، خلاص مافيش مشكلة ابعتلي العنوان والرقم وأناهتابع
المهندس منسى : ماشي يا باشا
العميل : ماشي يا باش مهندس، باش مهندس مين معايا بقى؟
المهندس منسى : المهندس منسي
العميل : ماشي يا باش مهندس، ده شرف ليا يا باش مهندس